2 Tamuwen 24:17 - Ala Wone Peenok Peebi Mbanak

¹⁷ At Ala ayonggo malayikat nen aakumi lek eerogo piinet nage nogo, at Ndawut enegen kage nagagerik, Aliku ALA yoge logonet, “An nen aret wone yugu taganogo maluk lombok eekirak o. An nen aret maluk eekirak me, an inom, naaganapuri inom, aaninggin ninoba pinaniyak op aret kagak, it aakumi ndomba kwak yi, nano eekaarak paga inooke agandik o?” yinuk, yoreegerak.

2 Tamuwen 24:17 Iomraidhean Croise

Wakkagagerak 18:23

Aliku ALA owagam panggo yi nanuk, kin wagangge logonet, “Aakumi maluk eekwi ti, inooke logonet, aap obeelom mendek inom abet aret inoorumunggun ilik?

Wakkagagerak 44:33

An nawuluk obaane'me kat kayeloman logokit nduk, yime teppanege logonet, an nawuluk ti, oweewi inom nappiyanok nduk yokkigi o.

2 Tamuwen 12:13

Yoge mbareegi, Ndawut nen Natan yoge logonet, “An nen at Aliku ALA maluk aret eeppigirak kagio.” Yoge mbareegi, at Natan nen at yoge logonet, “At Aliku ALA nen komaluk nogo lek eerogo pagagerak me, kat kambumunggun lek aret kwe,

2 Tamuwen 24:10

It aap wim wakaa'ngget linggininabeegwaarak yoreegerak nogo, at Ndawut konengge nagagerik, iniki aaninggin ndugu agan nage logonet, at Aliku ALA yoge, “Kaliku nogoba ALA wae. An nen, Linggininabi nanip o, yoragarak nogo ti, maluk nggwok lombok aret eekirak o. An maluk lombok wi negen eekirak me, an kayeloman maluk eekirak yi, mbo nappu o, nogoba,” yoreegerak.

2 Tamuwen 7:8

Togop aret me, At Omaawi Lombok Menggerak Aliku ALA nen ndogop yegerak, nayeloman Ndawut yorenok nduk, yokkiri o. At o karume kambin-ndomba ndegeninabit nege me, an nen wagangge nagagirik, napuri aakumi Iterali inowe endagembogut logonet, inarum logowak nduk, eerogo pereegirak o.

1 Endagembogut 22:17

Yoge mbareegi, at Mika nogo nen wone onggo yoge logonet, “Ndomba inanggembala lek pogom it aakumi Iterali mendek abok aret puut-puut paga mak aago wonogwe iige mbaki, Aliku ALA nen ari logonet, It aakumi ti, inogoba lek me, iniki ugun inalitak lombok iname nayok ari, kagarak o,” yinuk, yoreegerak.

Ayup 42:6

Togop aret me, Nela nen yagarak o, yinuk, niniki wakkolage, Wun nanobak paga yumbunogo pake, liirubu paga lagak-mbagak ari, Eeke logonet, Noone maluk yagarak nogo ti, Ao, yinuk, mbo pigi o,” yinuk, yoreegerak.

Ayup 7:20

Aakumi kenegen wogonaka yi, An maluk eekirak kenok nano eeppagagirak? Nonggop nduk an mban eeppanegak yuurak mbaken? An eerit nage paga aaninggin eerogo pagagirak me nduk ee'nabit unggwage agandik ya?

Ndawi 32:5

Togop aret ee'nakerak me Maluk eekirak nogo yokkege, Nomaluk kiraappunuk wonaga'lek kin paga pege, “An nen Kaliku ALA koone tagambunuk, Maluk eekirak nogo paganogo yokkirikit o,” Yinuk, paganogo yokkege, Eeke mbaki, Kat nen nomaluk lek eerogo panggendak o.

Ndawi 44:11

Ndomba waruwok nduk wonok nogo mengga kwak, Nineebe ninawim ineenggime piige, Yi aakumi ndi aakumi inenggela'me yumbunogo mbo pinanit nage,

Ndawi 74:1

Ala wae. Kat nonggop nduk mondok-mondok mbo pinanege, Kandomba kwak ndegenninake menggendak nit aret niigak, Nonggop nduk kanini ninoba pinanegak mban eeke, Eeke agandik?

Wundeegwaarak 10:16

Nenet nogwe iinok, Pirawun nen Karun Muta imbirak mbet-mbet woraawak nduk, wiiragagerak nogo mbareegwa, it yorage logonet, “At Aliku kinogoba Ala inom, kit inom, maluk lombok eeppinagagirak me,

Yetaya 6:5

Kage nagarik, an nen ari logonet, “Nambe paga maluk mban ari, ndi, an aakumi inambe paga maluk mban yogwe nogo inenggela'me wonage, eeke logonet, at Omaawi Lombok Menggerak endagembogut Aliku ALA nenegen abe nen kagarak paga kambigin aret me, nabuwa o!”

Yunut 1:12

Yogo mbareegwa, it yorage logonet, “O wiya nggwok warit wage logonet, kit niyo lebengginaburak eeke ti, alom an eekirak paga eeke an neenu aret me, an neebe waganogo niyo kole yenggenak laut inikime mbo wuppanugwi kiinok, niyo kilaarak-mogonik eeke yi, lek aret arigin o.”

Takariya 13:7

At Omaawi Lombok Menggerak Aliku ALA nen ari logonet, “Kat wooluwak yi wae. Nandomba ndegeninaka mippereegirak nogo wake, At nimbirak kunik wonage nogo, polok togon warogo pege, Eerenok nduk, Kat wooluwak yi, pilak yu o. Pilak yinuk, nandomba ndegeninaka wake keenok, it ndomba ti, ma'narugun o. An napurilogwe ndeyak mendek iigak kwe, inoorogo piyaagin,” yegerak o.

Linggineegwaarak 16:22

Yoragagerak kwe, at Muta Karun imbirak nen inete wanduk ngginna'nuk, Ala yogo logonet, “Ninogoba Ala wae. Aakumi ineenik unde menggendak kat Ala aret me, aap ambit maluk eekerak paga aakumi kuwak aago yi abok aret nonggop togon lek eerogo piyaamunggun o?”