2 Tamuwen 24:1 - Ala Wone Peenok Peebi Mbanak

¹ At Aliku ALA anini nggwok togon ne ambinom aakumi Iterali mendek inoba piyaakit mbake nagagerik, aakumi Iterali ineebi mbaruwak nduk, Ndawut inikime manake logonet, “It aakumi Iterali mendek inom, Yekura mendek inom, keenggi linggininabi nak o.”

2 Tamuwen 24:1 Iomraidhean Croise

Wakkagagerak 45:5

Kit nen an nonggo nggerennabunuk, nappani wogogutak kwe, yi aakumi ndi aakumi inagap ndaruwak nduk, at Ala nen iniki kooneegerak paga naa'nduk wo'neren o yime pani wagagerak me, Ninela nen eereegu, yinuk, kiniki wakkolaagup o.

Wakkagagerak 50:20

Kit nen an maluk eeppaniyak kooneegutak kagak kwe, Ala nen perak, kit eeppaneegutak paga obeelom ambi eerikit mba'nuk, yi aakumi ndi aakumi inagap ndariyak kooneegerak paga an eeke wonage me, kinagabiti mbarugup o.

2 Tamuwen 12:11

At Aliku ALA nen ambi ari logonet, Apuri lombok nen aaninggin-paaninggin at oba pugwi, at enegen kagak akuwi ndinogo at imbirak menggerak wogoge neenok kin paga wurinake, eeruwak nduk, eeppiyaagino.

2 Tamuwen 16:10

Yoreegerak kwe, aap endagembogut nogo nen at Abitayi yoge logonet, “Kwe Teruya aagalogwe yi wae. An eeppanugwi nogo ti, kit kinobaalombok nen kooniyak lek o. At Aliku ALA nen, Ndawut pulunogo pu o, yoge paga pulunogo panugwi kenok, Nonggop nduk eeko ogotik o, yinuk, aap ta nen yoroorak mbakop?”

2 Endagembogut 3:6

Togop ari mbareegi, aap endagembogut Yoram nogo o Tamariya nen wundi nage nagagerik, awuri Iterali mendek wim eeka nogo woraawak nduk, inayonggo piyareegerak.

1 Mbinineegwaarak 21:1

At Ibilit nen it aakumi Iterali mendek naalop-kaalop eerogo piyaakit nduk, mi'nage nagagerik, at Ndawut nen it Iterali ineebe eenggi linggininabuwak nduk, inikime manake mbareegi,

1 Mbinineegwaarak 7:2

At Tola nen apuri ndaganabeegerak ti, Uti, Erepaya, Yeriyen, Yamayi, Yibatam, Tamuwen aret. At Tola paga wiganak ndarak ndegek lombok inoweewi it aret o. At Tola paga wiganak mendek nda'nogwe iinok, inendage liiru mbanggo logonet, at paga wiganak wim eeka inalilaakwi iinok, inendage liiru mbaneegwaarak ineebe ineenggi lingginik ti, dua puluh dua ribu enam ratus aret.

1 Mbinineegwaarak 7:40

It abok aret ti, at Atet paga nen wigannarit wundi wogogwaarak aret me, it ndarak lenok lombok inoweewi it ti aret. It apit aret wim eeka wakaa'ngget lombok mondok leenak aret wonogogwaarak. It nda'nogwe iinok, inendage liiru mbanak nogo paga aap wim eeka li'luk eerak ineebe ineenggi lingginik dua puluh enam ribu nogo, inom aret inendage liiru mbanogo pereegwaarak.

2 Mbinineegwaarak 32:25

at Kitikiya nogo nen, “Aliku ALA nabuwa mba'nuk obeelom eeppanegerak kagi,” mbarulik iniki tiyappateegerak me, at inom, it o Yekura wonogwe inom, Yerutalem wonogwe inom, at Aliku ALA anini inoba piyareegerak mendek,

Wundeegwaarak 7:3

an nen Pirawun iniki omaawi eerogo piminggirak kagak, o Metit time ineenu agak eerubok mendek inom, eekulik tam warak mendek inom, ambik lombok eeriminggirak kwe,

Yetikiyen 14:9

An nen yoge neegak yoraga ti nen wone abe lek ambit iluk alik ambi yoroorak inikime eeke kenok, Naliku ALA an nen aret wone alik yoraawak nduk, inikime eeppege me, yoraagin o. At wone alik yoraawak nduk, iniki me mambege neenok, yoramenggerak ti paga an napuri Iterali inenggela'me nen aap ti, enggaawak lek eerogo pigin o.

Yetikiyen 20:25

Eeko logowak nduk, wone maluk lengganogo yorage, eeko logorak meek kagak eeko logowak nduk, wone yorage,

Ala Unde 10:6

Piya nogo mbareegwa, at Muta nen Karun inom, apuri Eleyatat Itamat imbirak inom, yorage logonet, “Kit togop aret kanggwi, ndi, Ala apuri kuwak aago Iterali nogo Aliku ALA nen anini inoba piige, eerukwak, aap kanggaarak ti paga kiniki wakkologo logonet, kinabetagi nibinogo pakwi, kineeruwak piinogo teppugwi, eeriyak mage o. Ata, kit kinoreewi aakumi Iterali ti perak, Aliku ALA nen kani paga inookerak ti paga inaleenggu maako logorak op aret o.

Linggineegwaarak 1:19

At Aliku ALA nen yoreegerak nogo ndak-ndak, at Muta o karume Tinayi time wonage logonet, it yorage kagak ineenggi lingginogo inendage liiru mbaneegwaarak nogo yi aret.

Nappiigak 4:28

Kat keenggi omaawi paga yi eekak ndi eekak eeriyak aa'nduk koonogo pereegindak nogo, eeruwok nduk eekaarak o.

Owak Loongga 2:14

at Aliku ALA nen anini inoba piige logonet, inamendek kiraari unggwi wogo logowak nduk, eeppiige, inawim enaagan-ambokan wonogwe nogo nen inoori unggwi wogo logowak nduk, eeppiige, eeke kenok, it ko wappunuk logorak meek aret age nagagerak.

Owak Loongga 2:20

Togop aret eerit nogwe iinok, it aakumi Iterali mendek nogo, Aliku ALA anini inombake logonet, “O maan it inombomini, Yogop eeko logorak o, yinuk, wone ninom koonogo pereegirak nogo, it aakumi yi, konengga'lek taganogo mbo pegaarak me,

1 Tamuwen 26:19

Nowe kendagembogut an kayeloman noone yokkege yi, konengge logot o. At Aliku ALA nen aret an nooriyak nduk, wone kinikime pege kenok, at Aliku ALA ake warogo wogoge obari ogobak me nage kenok, iniki yanggok yuwak nduk, warogo wogoru o. Ndi, aakumi nen nooriyak nduk, wone kinikime mambugwi iinok perak, Ala obaane'me kugi eerit nogwe nogo, Kinom aret eerit nage logot o, yinuk, yogwe ti paga at Aliku ALA yate kwak nggween mbanak wo'nireegim nogome nen mugogo wumbanugwi me, Aliku ALA nen it aret pulunogo piyaagin o.