2 Tamuwen 22:4 - Ala Wone Peenok Peebi Mbanak

⁴ Nawim nen nookwi iyo, Yeenggwa niru o, Yinuk, noone omaawi paga Aliku ALA yoge neenok, Nagap ndarogo panege menggerak me, At endage tiyanak aret logowak o.

2 Tamuwen 22:4 Iomraidhean Croise

2 Mbinineegwaarak 20:22

Mippiyareegerak nogo logonet ndawi wakwi, endage tiyappugwi, eerit awo nogwe iigak, it o Yekura tebenggolaawok nduk, wogogwaarak aap Amon mendek inom, Mowap mendek inom, puut Teyit mendek inom, it mban-mban wat-wat yogo logonet, tebenogo pako logowak nduk, at Aliku ALA nen eeppiige mbareegi,

Nekemiya 9:5

ti'nuk, it Lewi mendek ando Yetuwa, Karimiyen, Mbani, Katabeneya, Terebiya, Koriya, Tebaniya, Petaya, nen wone yorogo logonet, “At o aa'nduk nen nok, peebi mondok-mondok logorak Aliku kinogoba Ala endage tiyappuwok nduk, mi'nanip o,” yinuk, yorogogwaarak. Yorogogwaarak mi'na'nuk Ala yogo logonet, “At ambi nen at ambi ale'nggen oba pegak eekwi, at mbi nen at ambi endage tiyappegak eekwi, eekwi ti, iya aret kwe, kat perak, it inirimbaga kendage mondok iya tiyanak lombok aret.

Ndawi 106:2

At Aliku ALA iya tit eeke menggerak nogo aap ta nen yoranet nage, Ta nen at endage ndak aret tiyappege, Eeriyak op mbakop? Lek aret o!

Ndawi 116:13

Amburu toolak kwak inagap ndariyak wone tiyappege, “Aliku ALA nen aret yeenggwa nigi o,” yinuk, noone nggwok paga agan nege,

Ndawi 116:17

An nen, “Wa,” yokkege logonet, ambi warogo wokkege, “Aliku ALA nen aret yeenggwa nigi o,” yinuk, noone nggwok paga agan nege,

Ndawi 116:2

Noone yoge at aruk liirogon konenggerak me, At aret nggino yogak mban eeke neegak, kambi noorak kuli aret ari nawak o.

Ndawi 116:4

Aliku ALA endage kunogo yoge logonet, “Kaliku ALA wae. Nagap ndaru o,” yinuk, yogirak o.

Ndawi 18:3

Nawim nen nookwi iyo, “Yeenggwa niru o,” Yinuk, noone omaawi paga Aliku ALA yoge neenok, Nagap ndarogo panege menggerak me, At endage tiyanak aret logowak o.

Ndawi 34:6

At aap tebenak wonage nogo nen Aliku ALA yoge kenok, Aliku ALA nen at oone konengge, Aaninggin oba wonage nogo teeluk eerogo pege, Eereegerak o.

Ndawi 48:1

Aliku ALA abuut alik leenak menggim ninogoba Ala agota paga wonage nogo, Mondok iya aret me, at tiyappogo logorak ti, op aret o.

Ndawi 50:15

Eekwi me, maluk eeppinagarak eyom panggoni wage kenok, Ninagap ndaru o, yinuk, nggino yo'nugwi kiinok, An nen kinagap ndake neenok, Kit an nendage tiyappanggo logomunggup o,” Yinuk, yoraagin o. Ti yorage kagak kwe, aap maluk mendek nogo yorage logonet,

Ndawi 55:16

Togop eerugun kwe, an perak, “Yeenggwa niru o,” yinuk, Ala yoge neenok, Aliku ALA nen nagap ndake,

Ndawi 56:9

Noone paga, “Yeenggwa niru o,” yokkege neenok, Nawim nogo kole mbaganit nogwe paga Kat Ala nimbirak wonage neenu arigin o.

Ndawi 66:2

At endage abu tiyanak me, ndawi paga anep pugwi, Endage tiyappit nogo logonet, alut eekwi, Ee'nip o.

Ndawi 96:4

Aliku ALA ti, mondok iya lombok me, At mban tiyappogo logorak ti, op aret o. Yi kugi ndi kugi abok aret inayuk warak aret kwe, At inirimbaga lombok me, at mban ayuk wuko logonip o.

Oroma 10:13

“Aap ambi nen, Nogoba wae, yinuk, an nendage kunogo yo'neremenggerak kenok, agap ndarigin o,” yinuk, liiru mbaneegerak nogo paga, Ala nit abok ninogoba aret me, “Nogoba wae,” yogwi niinok, ninagap ndarigin o.

Wayu 5:12

“Ndomba Aagaluk wareegwaarak nogo, yi aakumi ndi aakumi abok at abu'me tebe yi unggwogwe, Yi mendek ndi mendek abok aret at wogogwi, Yi wone ndi wone abok kat mban keenu aret o, yinuk, yogwi, Kat kalik mondok komaawi aret o, yinuk, ayuk wukwi, endage tiyappugwi, Kat obeelom aret o, yinuk, inale'nggen ombakwi, Eeko logorak op aret o,” yinuk, yogwe iigak,