2 Tamuwen 22:1 - Ala Wone Peenok Peebi Mbanak

¹ At Tawun inom, Ndawut awim abok aret inom, nogo nen at Ndawut wariyak eekwi iigak, at Aliku ALA nen agap ndakak mban eereegerak me, Aliku ALA aruk konengge logowak nduk, Ndawut ndawi pereegerak yi o.

2 Tamuwen 22:1 Iomraidhean Croise

2 Tamuwen 12:7

Yoge mbareegi, at Natan nen Ndawut yoge, “Aap yagarak ti, kat aret o! At Aliku Iterali inogoba Ala nen ari logonet, At Ndawut nogo Tawun eenggime nen ndinogo punuk, aakumi Iterali inowe endagembogut logowak nduk, leenogo pege,

1 Mbinineegwaarak 16:7

Ne ti eyom paga at Ndawut nen Aliku ALA, “Wa,” yoge logonet, ndawi pereegerak nogo iyaalok lombok waruwak nduk, aap Atap oreewi inom yoragagerak nogo yi o.

Ndawi 34:19

It aakumi iniki abe koonak nogo Aaninggin-paaninggin ambik inoba aremenggerak kwe, Aliku ALA nen aaninggin nogo tayenogo piige,

Ndawi 50:14

Wa! yo'nogo logonet nake warogo wo'nugwi, An yogop eeke logogin o, yinuk, Kumbuk mbanogo an Mondok Tiyanak Minggirak yo'nogo monggotak nogo, A'me lik togon eekwi, Ti mban eeko logonip o.

Wundeegwaarak 15:1

At Aliku ALA nen aakumi Metit mendek inooke mbareegi, alut eeruwak nduk at Muta aakumi Iterali mendek inom ndawi wareegwaarak nogo yi o. “Aliku ALA alut eeko logonet, Ndawi ambi tiyanikit o,” Ari nagagerik, tiyangge logonet, “Aliku ALA mondok tiyanak menggerak me, Kuda inom, aap amborowak paga kwi'ndak wogwe inom, Niyoome mbo mambiyareegerak o.

2 Korindut 1:10

Ti paga nen mondok kambuurak aret wonogogurak kwe, ninagap ndareegerak me, peebi togon ninagap ndarigin aret o. Ndi, yogondak eeppinanege yi paga at nen ninagap ndarigin abet aret mbakwi me,

Pelaareegerak 31:30

Yoragagerak kuwak eerogo piya wogo mbareegwa, it aakumi Iterali wonogwe nogo abok inaruk iigak, at Muta nen ndawi alom me nen tiyanit nagagi-nagagi irip yubuni nagagerak nogo yi aret o.

2 Timotiyut 4:18

Maluk eeppaniyak mbakaarak nogo abok aret eeppanugwi iyo, nogoba nen nagap ndarogo at abu'me piige menggim mbogut paga time kuurik me aret pani nagin o. At togop eeppaningin me, endage mondok-mondok tiyanak aret logowak o. Amin.

Owak Loongga 5:1

Ne ti eyom paga kwe Ndebora at Abinowam aput Mbarak imbirak ndawi wareegwaarak nogo yi o.

1 Tamuwen 23:14

Ndi, at Ndawut nogo karume yugum ambe nggaganak me inom, puut nggelok-nggobok yugum pak wurogo pit nagagim o Tip karume inom, nogome kumaa'narit nege me, at Tawun nen netik-netak Ndawut kwaarit-mberaarit nege nagagerak kwe, Ala nen Ndawut eebe waganogo Tawun eenggime puulik.

1 Tamuwen 24:15

At Aliku ALA nen ninowak loongge, nawone mbanogo punuk onggo ndak-ndak eeppinanege, naana'le mbangge logonet, kat keenggime nen ndinogo nagap ndake, eeke logowak o,” yinuk, yoreegerak.

1 Tamuwen 25:29

Aap ambi nen kat kooriyak nduk, mukkeren woramenggerak kwe, aap ambi amendek nggerenogo kumaappatinuk menggi kwak, yi aap ndi aap iigak, at Aliku kogoba Ala nen togop aret kumaappaganuk wonage, ndi, aap ambi yugum keele paga nabembunuk, namburogo nappege menggi kwak, kawim togop aret mugogo nappiige, eeke logogin o.

1 Tamuwen 26:24

O yogondak yi paga an nen, Nogoba aret me, yinuk, kat koorulik keenik teppagagirak ndak-ndak, an maluk noba age kero, at Ala nen, Naput aret me, yinuk, nagap ndarogo nili yuwak o,” yoreegerak.

1 Tamuwen 27:1

Tawun ame wagagerak wonage kagak, Ndawut iniki koongge logonet, “Ne ambi paga at Tawun nen nenggaawak lek eerogo panigin aret me, Iterali inenggela'me kwaa'nabit nege logonet, pi'nake kero, an mbaganit it Pilitin iname naminggirak ninom wonage neegak, op aret logogin,” mbake nagagerik,