2 Tamuwen 2:18 - Ala Wone Peenok Peebi Mbanak

^18-19 Ndi, Teruya aagalogwe ineebe kenagan inendage Yowap, Abitayi, Atayen, inom time aret wonogwe me, at Abenet nogo, mbaganit nage mbareegi, mba'ngge penaame nen nggare agan nage menggi kwak, at Atayen nogo ogowa ambik me, ena agigan-ogugan aga'lek mondok nggare agan mugurok nage me,

2 Tamuwen 2:18 Iomraidhean Croise

2 Tamuwen 1:23

Tawun Yonatan imbirak ineenik logonet, Aakumi inom iniki kunik wonogwe, Inom inale'nggen paga nugwi, Eereegwaarak me, Kanggo logonet kunduk, imbirak lambunik aret kanggaarak o. Tu nogo logonet, Towe nggindooni nege kwak lek it inogowa ambik nogwe, Ndi, inomaawi perak, Singa omaawi kwak lek it inomaawi ambik wonogwe, Eeko nagaarak o.

2 Tamuwen 14:1

At Ndawut nen, “Naput Abatalom nenegen kaakit lak, ao,” mban mbake wonage nogo, kwe Teruya aagaluk aap Yowap nen yelok kage nagagerik,

2 Tamuwen 22:34

Rusa iyok nggilik-nggelok pit nage menggi kwak, An niyok togop aret eeppanege, Puut kirin paga mi'ndak logokit nduk, Nomaawi eerogo panege,

2 Tamuwen 23:24

It aap ineebe, “30 Mendek o,” yinuk, yogo nogogwaarak nogo, ambi ti, Yowap awuluk Atayen aret. Ndi, it ando inendage ti, Aap Ndoro awi Mbe'lekem mendek aput Elakanan inom,

1 Endagembogut 2:5

Ndi, at kwe Teruya aagaluk Yowap nen an eeppaneegerak nogo kat keenu areto. At Yowap nen it Iterali ineegin warak inoweewi aap Net aput Abenet inom, aap Yetet aput Amata inom, wim nambuko logonet mban inooko menggaarak kwe, wim nambuka'lek it imbirak ugun wonogwe iigak, inooreegerak inamiya kiluk ari mbareegi, kambeegwaarak ti paga, at agabee'le paga inom, iyok ogut paga inom, inamiya yibuk-labuk eerak aret wonage me,

1 Mbinineegwaarak 11:26

It aap wim wakaa'ngget lombok wonogogwaarak nogo inendage ti, Yowap awuluk Atayen inom, Aap Ndoro awi Mbe'lekem mendek aput Elakanan inom,

1 Mbinineegwaarak 12:8

At Ndawut nogo o karume yugum pak wurogo pereegim wonage me, anebunu Nggat mendek eegu aap wim eeka wakaa'ngget wim nambuka inigen amburu mbanak nggeemu mulunggwi, wooluwak nambukwi, eekak inobam lombok inete singa anini ambik menggi kwak, puut nggelok-nggobok me, rusa nen inagaluwa ambik nugu mengga kwak, Ndawut iyo'me ari wogogwaarak nogo inendage ti,

1 Mbinineegwaarak 12:9

inowe wim wone mbangga Etet aret. Ti'nuk, Obaya, Eliyap, Mitamana, Yeremiya, Atayi, Eliyen, Yokanan, Elatabat, Yeremiya, Makabanayi aret. Wim eeko logonet, nabu'me-kabu'me wonogogwaarak nogo ineebe lambunik ti aret.

1 Mbinineegwaarak 27:7

Tut kenagan abu penembunuk, ambokan penenak paga ambi aago eeko nogogwaarak inowe ti, aap Yowap awuluk Atayen aret kwe, kangge mbareegi, obaane'me aput Tebaya inowe agagerak me, at awuri aago inarum wonagagerak ineebe dua puluh empat ribu aret.

Ndawi 18:33

Rusa iyok nggilik-nggelok pit nege menggi kwak, An niyok togop aret eeppanege, Puut kirin paga mi'ndak logokit nduk, Nomaawi eerogo panege,

Wone Alom Kibingga 9:11

Oonegen abu'me yime ambi eeke kagagirak nogo yi o. Inogowa ambik kenok inaa'nduk unggwi nogwe, Aap wakaa'ngget kenok, ineegin tiyak ari, Iniki warak kenok, inambi nunggwi, Iniki ngget kenok, ineenggi warak eekkologwe, Ndi, ineenu kenok, obeelom eeppiigwi, Eekulik o. Ata, ti eeriyak abok aret, “Ti eyom paga ariyak,” agaatak me, age menggerak.

Ndawi Iya 2:17

O wiya kubondendok wage logonet, inagalu'mak awo lek eerogo pega'lek kagak, At an niniki kunik yi, iyokan neya wage, Kijang inom, rusa aagalogwe inom, puut tiyak-tebek kagak nggare agan nugu mengga kwak, Mbe agan nowagam wage, Eeruwak lak, “Ao,” mbake agarik o.

Ndawi Iya 8:14

Kijang inom, rusa aagaluk inom, obari abe eeka puut-puut yarak me mbe agan nogo mengga kwak, Kat niniki kunik yi, mbet-mbet neya mok o.

Amot 2:14

It aap tu inogowa ambik wonogwe nogo, mbet-mbet kole mbaganggwi, It aap inomaawi ambik wonogwe nogo, inomaawi paga panggombunuk wonogwe, It aap wim wakaa'ngget nogo, inagap ndakko'nok mbaganggwi,

Abakuk 3:19

An nomaawi ti, at Aliku Itok Menggerak nogoba Ala aret. Rusa iyok teeluk me, ya pegak nda pegak nege menggi kwak, an niyok togop aret eerogo panege, Puut-puut tiyarogon niyok pit nage logokit nduk, eerogo panege, Eeke menggerak o. Ndawi pugu yi, nggitat eekwi iigak, tiyanggo logowak nduk, inowe wogoreegwaarak.

1 Tamuwen 26:6

Iige nagagerik, at Ndawut nen aap o Ket mendek endage Akimelek inom, kwe Teruya aagaluk aap Yowap oreeluk Abitayi inom, yorage logonet, “At Tawun awooliya wurik me ta nimbirak wambi noorak?” Yorage mbareegi, at Abitayi nen, “An nimbirak aret wambi nawok o.”