2 Tamuwen 2:16 - Ala Wone Peenok Peebi Mbanak

¹⁶ Ti eeppunuk, it inalitik-inalitak lombok inenggaanok yomon-yomon a'nuk, ndut kenenak paga at ambi kirip me linggagak, at ambi kirip me linggagak, eerogo patinuk, kambeegwaarak. Ti eereegwaarak paga o Nggibeyon nogome endage, “Ndut Paga Ndanun-Ndanun Yereegwam o,” yinuk, tooneegwaarak.

2 Tamuwen 2:16 Iomraidhean Croise

2 Tamuwen 2:14

Ti eeppunuk, wonogo logonet, aap Abenet nen Yowap yoge, “Nit ninigen niigak, an nawuri inom, kat kawuri inom, ta omaawi age kaamun? yinuk, wakkaawak o.” Yoge mbareegi, at Yowap nen, “Op aret me wakkaawak o,” yoreegerak.

2 Tamuwen 2:15

Yoge mbareegi, inawuri lombok mbiginogo piinok, it Mbeniyamin mendek ineebe 12 Tawun aput Itibotet iyok me aruwak nduk, lingginogo piinet nogwe, ndi, it Yekura mendek ineebe 12 at Ndawut iyok me aruwak nduk, lingginogo piinet nogwe, eereegwaarak.

2 Tamuwen 2:17

Ne ti paga wim mondok eenggabit kumbunuk, nambuko logonet, at Ndawut awuri nogo nen Abenet inom, at awuri Iterali mendek inom, mondok inoorogo piyareegwaarak.

2 Tamuwen 2:26

Ti eeppunuk logonet, at Abenet nen Yowap nogo yoge, “Kawooluwak ti paga mban nenet nage logorak ti op mbaken? Nit yi eekwi paga peebi niniki andi eeppinaniyak lek mba'nuk, eeke agandik? Kawuri nen kinowe-kinawot nit mu'niren wogwe nogo, ne mande logonuk, puk aruwak nduk, yoraamunggun o?”

1 Endagembogut 20:20

inom wim mbanak inawuri inalitak lombok inowagam wogogwaarak nogo inooko mbareegwa, aap Aram mendek kole mbaganit nogwe me, Iterali mendek nen muguren nagak inookwi iigak, aap Aram inowe endagembogut Mben-Karat awuri nogo inaguda paga kwi'na'nuk mbaganit nogwe me, at nogo aguda paga kwi'na'nuk, inom mbaganeegerak.

Nappiigak 1:19

Kilu-kilu wundeegerak yogwe nogo, it Yerutalem mendek abok inaruk koneneegwaarak me, nggween onggo pereegim endage it inoone paga ti, “Akendama aret,” yogo nogogwaarak. Ti nit ninoone paga, Amiya Wundeegim, aret o.)

Yotuwa 19:25

Ari nage mbareegi, it Atet inanggween mbanak paga kota-kota wogoragagerak ando endage ti, Kelakat, Kali, Mbeten, Akatap,