2 Tamuwen 19:5 - Ala Wone Peenok Peebi Mbanak

⁵ Le ari mbareegi, at Yowap nogo aap endagembogut awi wurik me wonage me owagam unggwi nage nagagerik, yoge logonet, “Nit kawuri yi, wim nambuko logonet, kat inom, kapuri wologwe-komologwe inom, kakuwi inom, kakuwi ayeloman mini mendek wogo inom, abok aret kinagap ndarogo pinagagoorak kwe, kat o yogondak le ari yi paga nen kawuri nit aret ninenggali eerogo pinanege agandik o.

2 Tamuwen 19:5 Iomraidhean Croise

2 Tamuwen 15:30

Ndi, at Ndawut nogo iyok ogut nggoorogo pege, ayum anobak paga nobakkolage, ee'nuk, le agan puut Tayitun lagi nage mbareegi, it aakumi inom nogwe nogo kunduk, abok aret togop mban inayum inanobak paga nobappunuk, le agan lagi nogogwaarak.

2 Tamuwen 18:17

Puk ogo nogogwaarik, at Abatalom eebe warak nogo waganogo eyonggaame mbuun ambe nggwok me, mbo tek agago wuppogo nogogwaarik, yugum yele-kole yagabit tobo eerogo pugwi iigak, it aakumi Iterali mendek nogo abok aret inalitak iname lombok mbaganit nogogwaarak.

2 Tamuwen 19:13

yorogo logomonggotik, aap Amata yoriyak nogo yi o. Kat an namiya mogonik nogo lek a? Namiya mogonik aret me, an nawuri ineegin warak inowe Yowap obaane'me mippagage lek neenok, Ala nen aaninggin alik lombok noba panukwak, o yogondak kuli nen nok, kat aret logonok nduk mippagagi, yegerak, yo'nu o,” yinuk, agago nappiya wagagerak.

2 Tamuwen 19:4

Ndi, aap endagembogut nogo etenggen yum nobappatinuk, leenggu maake logonet, “Ai, napuluk Abatalom o! Ai, napuluk Abatalom o. Napuluk o. Napuluk o,” yinuk, le yereegerak.

2 Tamuwen 19:6

Aap ineebi kombako menggaarak nogo, kiniki kunik aganake, ndi, it kinom kiniki kunik menggendak nogo, keebi inombake, eeke agandik! It kawuri ineegin warak inoweewi inom iya lek meek inombake nogo, o yogondak yi paga liippagagirak me, at Abatalom nogo eenik wonage kagak, nit apit kambenetak nen ti, kat kinikilom aret mba'netak keego o.

2 Tamuwen 3:39

Kinowe nendagembogut an aret amburu eerogo mippanggerak kwe, nomaawi lek aret wonage neegak, kwe Teruya aagalogwe yi, inomaawi ambik aret agaarak me, at Aliku ALA nen it maluk eeppegaarak nogo, onggo ndak-ndak aret eeppiige logogin o,” yinuk, yoragagerak.

Nekemiya 9:27

inom wim mbanak nogo ineenggime piige mbareegin, it inawim nen nonggop eekkoloobok eerogo piigwi iinok, inoone nggwok yokkogo mbareegwa, kat mbogut paga nen konengge nagagindik, inabuwa mbake logonet, inagap ndaka mippiige mbareegin, it inawim ineenggime nen inagap ndako nogogwaarak.

Ndawi 3:8

Kaliku ALA ninagap ndari wage menggendak me, Kale'nggen kapuri ninoba pinanege logot o.