2 Tamuwen 19:22 - Ala Wone Peenok Peebi Mbanak

²² Ari mbareegi, at Ndawut nen onggo yoge logonet, “Kwe Teruya aagalogwe kit yi, wone at yegerak yi ti, an nobaalombok kagak, kit nonggop nduk ninom ogookkologo ogotik? An yogondak iluk yi aret aakumi Iterali inowe nendagembogut ari nage neegak, aap Iterali mendek ambi wariyak nduk, yogo ogotik?”

2 Tamuwen 19:22 Iomraidhean Croise

2 Tamuwen 16:10

Yoreegerak kwe, aap endagembogut nogo nen at Abitayi yoge logonet, “Kwe Teruya aagalogwe yi wae. An eeppanugwi nogo ti, kit kinobaalombok nen kooniyak lek o. At Aliku ALA nen, Ndawut pulunogo pu o, yoge paga pulunogo panugwi kenok, Nonggop nduk eeko ogotik o, yinuk, aap ta nen yoroorak mbakop?”

2 Tamuwen 16:5

Ti'nuk, aap endagembogut nogo, o Mbakurim time ari nage mbareegi, Ndawut wakwi iyo, awuri wim eeka inom, ineegin warak inoweewi inom, yengget-wangget eeppunuk, wonok nogwe me, aap Tawun anebunu logorogon ndarak mendek ambi Nggera apuluk Timeya nogo, time nen wundi wage nagagerik, Ndawut pulunogo pege logonet, yugum waganogo Ndawut inom, awuri inom yabu eeko menggaarak inom, inoorit nagagerak.

2 Tamuwen 16:9

Pulunogo pege mbareegi, kwe Teruya aagaluk Abitayi nen aap endagembogut yoge, “Nogoba! Aap ti, nggeewo kambak pogom logonet, kat nowe kendagembogut pulunogo pagage me, nonggop nduk teppege agandik? Enggaanok mbanogo pi naakit nduk, yo'niru o.”

2 Tamuwen 3:39

Kinowe nendagembogut an aret amburu eerogo mippanggerak kwe, nomaawi lek aret wonage neegak, kwe Teruya aagalogwe yi, inomaawi ambik aret agaarak me, at Aliku ALA nen it maluk eeppegaarak nogo, onggo ndak-ndak aret eeppiige logogin o,” yinuk, yoragagerak.

Yetaya 16:5

At Ndawut paga wiganak ambi kin ari wage logomenggerik, At wone lengganogo yorage menggim logonet, Aakumi inabuwa mbake, Liirogon aret wone lengganogo yorage, Eeke paga At abu'me piige logowam mondok omaawi aret arigin o. At aakumi inowak loongge logonet, a'me nggelok inowak loongge paga aakumi obeelom eekwi nogo Mbet-mbet aret wiganinuk nage logogin o.

Matiyut 8:29

inoone nggwok paga at yogo logonet, “Ala aput wae. Kat nonggop ee'ninabikit nduk wagan? Ninooriyak eyom awo kagak, ninoorikit nduk wagandak ya?” yoreegwaarak.

1 Tamuwen 11:13

Yoreegwaarak kwe, at Tawun nen ari logonet, “At Aliku ALA nen o yogondak kit aakumi Iterali mendek kinagap ndakerak me, ne yi paga aap ambit-ambi wariyak abu mage o,” yoragagerak.

1 Tamuwen 26:11

Togop aret me, at Aliku ALA nen leenogo pereegerak amburu eeppugu nogo, an nen wake neyo, Aliku ALA nen non mbambanege logowak o. Awooluwak inom, agiiwak inom, anobak me wonage nogo, ti mban waganggo logomonggoorik, nawok nduk, waawok o.”

1 Tamuwen 26:8

iigo nogogwaarik, at Abitayi nen Ndawut yoge, “Ala nen kat kawim o yogondak oonikiya yi paga keenggime pagagerak me, an nawooluwak yi paga eebe ne mbere lek ne ambit mban nggween inom mondok polok togon warikit nduk yo'niru o.”

1 Tamuwen 26:9

Yoreegerak kwe, at Ndawut nen ari logonet, “At Aliku ALA nen leenogo piige kenok amburu eeppiigaatak aap ambi nen wake kenok, aaninggin oba arigin lek ti lek, arigin aret me, wariyak mage o.