2 Tamuwen 18:28 - Ala Wone Peenok Peebi Mbanak

²⁸ Ari kagak, at Akimaat nogo nen oone nggwok paga aap endagembogut yoge logonet, “Nogoba wa!” yinuk, at owagam wage nagagerik, endobanggun yindumbunuk, ena nggween paga wuragik logonet yoge, “Kat nowe kendagembogut kooriyak koonggaarak nogo, at Aliku kogoba Ala nen waganogo keenggime pagi wagaarak me, endage tiyappege logot o!”

2 Tamuwen 18:28 Iomraidhean Croise

Wakkagagerak 14:20

Ndi, “Agi Tiyanak Lombok Menggerak Ala nen it aap kinom wim mbanak nogo inoorenok nduk yeenggwa kegerak me, at Ala, Wa, yoruwok o,” yinuk, yoge mbareegi, at Abaram nen yi mendek ndi mendek kugun wonok nogogwaarak waganeegerak nogo eenggi linggimbunuk, 10 age mbareegi, ambitak yendenogo at Melikiterek aret wogoreegerak.

Wakkagagerak 24:27

Alut eeke logonet, “An nogoba Abarakam ogoba Ala wa! Kat nogoba Abarakam abuwa mbake logonet, iniki mbakerak nogo ndak-ndak aret lik togon eeke keegi o,” ari nagagerik, “An kunduk, Kaliku ALA nen aret nogoba owe-awot wonogwe me a'me lik togon wo'neren wagandak o,” yinuk, tamban eereegerak.

2 Tamuwen 1:2

ko'lu nen aap ambi at Tawun awuri inom inawooliya wuppunuk wonogwe me nen ayum nibinggolage, nggween waganogo anobak paga labunggolage, eeppatinuk, Ndawut owagam ari nage nagagerik, enete nggween paga wanduk ari logonet, ayuk wureegerak.

2 Tamuwen 14:4

Li'luk eerogo yoge mbareegi, kwe o Tekowa mendek nogo aap endagembogut owagam nage nagagerik, etenggen nggween paga wanduk yinuk, ayuk wuppunuk yoge logonet, “Nogoba o. Kat kendagembogut aret me, an yeenggwa nirenok nduk wagi o.”

2 Tamuwen 22:27

It iniki kikak naka'lek wonogwe iinok, Kiniki kikak naka'lek keyaawak nduk eeppiige, It wi-wi aganakwi iinok perak, Kat nen melak togon wi-wi aganake,

2 Mbinineegwaarak 20:26

Nogo kenagan yinuk, ko'lu it abok aret o kobappaga endage, Alut Eeko Menggam, toonuwam taati kuwak eeppunuk, Aliku ALA alut eereegwaarak. Ti eereegwaarak kenok, o kobappaga ti endage, Alut Eeko Menggam o, yinuk, yogo nogogwaarak me, o yogondak yogwe wonogwe aret.

Ndawi 115:1

Kaliku ALA wae. Kat nen aret kiniki kunik ee'ninake, Kat nen mban ko'lu-kii'me liirogon eeppinanege, Eeke menggendak me, Nit ninendage tiyappakwi, nit wogoppakwi, Eekwi lek o. Ata, kat mban kendage tiyanak logowak nduk eeko ogoorik o.

Ndawi 124:6

Togop yuulik me, Mba'ngge nen pagi nibingge menggi kwak, Ninawim nen togop eeppinanuwak nduk, Ineenggime pinanulik me, Aliku ALA tiyappogo logowok o.

Ndawi 31:8

Kat nen neebe waganogo Ninom wim mbanak ineenggime panulik O tini nggwok obeelom me niyok yarogo panegendak o.

Wundeegwaarak 18:10

Iniki ale'nggen mbake logonet, “At Aliku ALA nen at Pirawun awuri Metit mendek inom ineenggime nen inagap ndake, ndi, aakumi Iterali it Metit mendek inabu'me tebembiinok wonogogwaarak nogo wondet eerogo piige, eekerak me, Aliku ALA, Wa! yinuk, alut eeki o.

1 Tamuwen 17:46

Ne yi eyom paga at Aliku ALA nen keebe waganogo an neenggime wo'nege yi aret me, koorogo paganuk, kanobak mbanogo wagangge logonet, kawuri ineegin warak Pilitin mendek abok aret kinom towe wiga agan nugu menggaarak inom, nggwiya eyonggaame menggaarak inom, kineebe kinoorak nawak nduk, wogoraagin o. Ti eeriminggirak paga aakumi o nggween paga yime menggaarak abok nen, Aakumi Iterali inogoba Ala wonage aret kogo o, yinuk, ineenu arugun.

1 Tamuwen 24:18

Aap inawim inom lambunggwi kenok ti, abu teppiigulik mondok aret inooko menggaarak kwe, at Aliku ALA nen neebe waganogo kat keenggime pagagerak kwe, an noorulik, Obeelom aret eeppagagirak, yogondak yo'negendak nogo ti, abet aret o. Abet aret me, kat yogondak eeppanegendak onggo at Aliku ALA nen aret wokkege logogin o.

1 Tamuwen 25:23

kwe Abigayin nogo aap Ndawut enegen kage nagagerik, imbirak lambumbunuk, keledai amborowak paga nen mbet-mbet wangge nagagerik, Ndawut abu'me etenggen nggween paga wanduk yinuk,

1 Tamuwen 26:8

iigo nogogwaarik, at Abitayi nen Ndawut yoge, “Ala nen kat kawim o yogondak oonikiya yi paga keenggime pagagerak me, an nawooluwak yi paga eebe ne mbere lek ne ambit mban nggween inom mondok polok togon warikit nduk yo'niru o.”