2 Tamuwen 18:21 - Ala Wone Peenok Peebi Mbanak

²¹ Yoge nagagerik, aap Kuti mendek ambi yoge logonet, “Kat kenegen kagandak nogo, aap endagembogut yori nak o.” Yoge mbareegi, at aap ti, tebe yinuk, ayuk wuke nagagerik, mbe agan aret yori nagagerak.

2 Tamuwen 18:21 Iomraidhean Croise

2 Tamuwen 18:20

Yoreegerak kwe, at Yowap nen at Akimaat yoge logonet, “O yogondak yi paga kat nen wone ti wonok yori noorak mage o. Ne yogondak yi paga aap endagembogut aput kanggerak me, wone ti yori noorak lek o. Ata, wone alik ambi wonage kenok perak, ne ambi eyom yori noorak op aret o.”

2 Tamuwen 18:22

Yori nage kagak kwe, at Tarok aput Akimaat nogo nen ambinom Yowap yoge logonet, “An togon aap Kuti nage ti, ambokan mbe agan mugurok ka naakit nduk, Op aret, yo'niru ubi, nogoba!” Yoge mbareegi, at Yowap nogo nen, “Naput o. Kat wone ngge mendek yori namenggendak paga ambi eeppagarak nduk, Na o, yinuk, koone nabenak mban yo'nege agandik?”

2 Tamuwen 18:23

Yoge mbareegi, at Akimaat nen, “An ambi kolaakit, mba'nuk, noorak ari lek me, kagak aret na o.” Yoge mbareegi, at Yowap nen, “Ti kenok, nak aret o.” Yoge mbareegi, aap Kuti mendek nogo awo nage kagak, at Akimaat nogo tu o Yoraran kobappaga mbe agan nage nagagerik, at aa'nduk aret unggwi nagagerak.

2 Tamuwen 18:31

Mi'nari nagagerak kagak, aap Kuti mendek nogo wage nagagerik, ari logonet, “At Aliku ALA nen it aakumi kat tebenogo pagarak eekwi nogo, o yogondak yi paga ineenggime nen ndinogo kagap ndakerak me, kat nowe kendagembogut obeelom wone yi, wonok yokkiri wagi o.”