2 Tamuwen 17:20 - Ala Wone Peenok Peebi Mbanak

²⁰ Wonogwe iigak, at Abatalom awuri nen kwe nogo awoore'nggam nogo nogogwaarik, kwe nogo yogo logonet, “It Akimaat Yonatan imbirak yime wagaarak nogo ngge o?” Yogo mbareegwa, at kwe nogo nen it yorage logonet, “It awo yi aret niyo enebaga wunda naga o.” Yorage mbareegi, kwaaganabit nogogwaarak mendek, lek aret mbareegwa, iniyokan o Yerutalem aret wogogwaarak.

2 Tamuwen 17:20 Iomraidhean Croise

2 Tamuwen 15:34

kiyokan o kota nage logomenggendik, an nake at Abatalom yoge logonet, Kat nowe kendagembogut wae. An aa'nduk kat kogoba ayeloman aret wonagagirak kwe, yogondak nen kat kayeloman aret logokit o, yinuk, yoge kenok, ayeloman eeppagamenggerak wonage me, aap Akitoben nen wone inikime manabi nage kenok, kat nen yale-pale eerogo pege logomunggun o.

Wundeegwaarak 1:19

Yorage mbareegi, kumi elege ndaganaka nogo nen Pirawun yogwi, “It kumi Iberani mendek ti, kumi Metit mendek ninom ndak-ndak lek me, nit awo nogwe niigak, it inomaawi ambik me mbet-mbet aret ndaganako menggaarak o,” yinuk, yoreegwaarak.

Ala Unde 19:11

It Iterali nen yogoot ambi waganggwi, aakumi inambokan laganggwi, inoone pilit yogwe, eekak yuurak mage o.

Owak Loongga 4:20

Lenggembege mbareegi, at aap nogo nen kwe nogo yoge logonet, “Tungga paga taati wonage me, aap ambi woraanuk kin wakkeego logonet, Aap ambi wagaarak yime wonage a, lek a? yokkugwi iinok, kat nen, Yime lek, yoraanu o,” yinuk, yoreegerak.

1 Tamuwen 21:2

Yoge mbareegi, at Ndawut nen wone onggo Ala unde Akimelek nogo yoge logonet, “At ninowe endagembogut nogo nen ambi eeke logokit nduk, noba paninuk, yo'nege logonet, Kat unde eeppagagirak nogo eebe eeke logonet, aakumi ineenu eeppiyoorak mage o, yinuk, yo'negerak me, an yokkiriyak meek o. Ata, ninom eeriyak nawuri, O ndime ninom lambunuwok o, yinuk, inaa'nduk nappiigirak me, wogoroorak nduk, kat nano mendek wonage o? oroti 5 ilik, nano mendek ambi wonage kero, wo'niru o.”