2 Tamuwen 17:2 - Ala Wone Peenok Peebi Mbanak

² Yo'nege keenok, an nawuri ninom nen Ndawut kwaappunuk, mugurok nappegak-wappegak eerit nogwe niinok, ogowa lek aremenggerak enegen keme ari wonage me, ogut nak-nak pippunuk, endagembogut Ndawut mban wakwi niigak, at inom nugwi nogo abok aret inalitak mbaganit nagun o.

2 Tamuwen 17:2 Iomraidhean Croise

2 Tamuwen 16:14

Pit nage kagak, at endagembogut Ndawut inom, at inom nogogwaarak nogo inom, abok aret ta'liila eeginabeegerak me, noorak mbareegwam nogome ari nanuk, tat yonggonggologwe puk ogogwaarak.

2 Tamuwen 17:1

Ti eyom paga at Akitoben nen Abatalom yoge logonet, “Aap ineegin warak dua belas ribu kuli leeninake logominggirik, oonikiya yi paga at Ndawut mugurok nawok nduk, Op aret, yo'niru o.

1 Endagembogut 22:31

Unggwi nogo mbareegwa, it aakumi Aram mendek inowe endagembogut nogo nen anggweendo paga wim eeka inoweewi yorage, “It aap ugun inendage warak inom, inendage lek inom, kinom namburiyak mage o. Ata, aap Iterali inowe endagembogut ti mban kinom namburi nanip o.”

Takariya 13:7

At Omaawi Lombok Menggerak Aliku ALA nen ari logonet, “Kat wooluwak yi wae. Nandomba ndegeninaka mippereegirak nogo wake, At nimbirak kunik wonage nogo, polok togon warogo pege, Eerenok nduk, Kat wooluwak yi, pilak yu o. Pilak yinuk, nandomba ndegeninaka wake keenok, it ndomba ti, ma'narugun o. An napurilogwe ndeyak mendek iigak kwe, inoorogo piyaagin,” yegerak o.

Matiyut 21:38

Aput nappi wagagerak nogo, at awi yareegerak tum wonogwe nogo nen inigen kogo nogogwaarik, it-it wone mbanggo logonet, Eyate koloorak yi aret me, mondok wappunuk, eyate nit aret kolaawok o.

Matiyut 26:31

Puurom Tayitun paga lagi nogo logonet, at Yetut nen, “An nen aap ndomba ndegeninaka wake neenok, Ndomba kombogonak nogo mondok kole ma'narugun o, yinuk, Ala yereegerak liiru mbanak me, kit abok aret oonikiya yi paga, Aap ti, nineenggo'lek o, yinuk, teppaninuk, kole mbaganumunggup o.

Yaya 11:50

Aakumi nit mendek nineebe abok aret lek eerogo pinaniyak ti meek o. Ata, aap ambit nen aakumi nit mendek abok ninake kambuurak perak, op aret yi kogo ogotik?” yinuk, yoragagerak.