2 Tamuwen 16:8 - Ala Wone Peenok Peebi Mbanak

⁸ Aap Tawun endagembogut wonagagerak obaane'me kat kendagembogut age nagandik, at owe-awot inamiya kilirogo piige nogo, onggo at Aliku ALA nen kendagembogut logonet, kabu'me piinok wonage nogo, ndinogo kaput Abatalom unde eeppegerak me, kat aakumi inooka yi, kendage lek aret agaarak me, kenggali aru o,” yinuk, pulunogo pereegerak.

2 Tamuwen 16:8 Iomraidhean Croise

2 Tamuwen 19:19

yoge logonet, “Kat kawuri kinom o Yerutalem nen wundi woraanuk wogwe me, an kayeloman nen maluk eeppagareegirak nogo kiniki abeke, ndi, Aap maluk eeppaneegerak nogo yi o, yinuk, keebi nombake, eerugun o, nogoba. An kayeloman yi nen aret maluk eeppagareegirak neenu me, kat nowe kendagembogut nimbirak lambunikit nduk, o yogondak yi paga at Yutup ombowologwe abok aret inenggela'me nen an naa'nduk a'nuk, keya wagi o. Togop aret me, an eeppagareegirak nogo, kat nowe kendagembogut aberak logorak mage o.”

2 Tamuwen 19:21

Yoge mbareegi, kwe Teruya aagaluk Abitayi nogo nen ari logonet, “At Aliku ALA nen leenogo pereegerak amburu eerogo mippugu kagak, pulunogo pereegerak nogo, aap Timeyi yi aret me, at warogo puurak nogo lek a?”

2 Tamuwen 21:1

At Ndawut nogo Iterali inarum wonage eyom paga, mbi noogelo kagak, tahun kenagan aret age mbareegi, “Aliku ALA nen yo'niruwak o,” yinuk, at Ndawut nggino yoreegerak. Yoge mbareegi, at Aliku ALA nen at yoge logonet, “At Tawun apuri inom nen it aakumi Nggibeyon mendek inooke mbareegi, inamiya at Tawun apuri inom inoba agagerak paga, o yi maluk agaarak o,” yinuk, yoreegerak.

2 Tamuwen 21:9

waganogo it Nggibeyon mendek ineenggime piige mbareegi, it ineebe 7 nogo inooppiigo nogogwaarik, Aliku ALA enggaanom puut paga time aret tugunogo piyareegwaarak. Aap ineebe 7 ambugwi aret inoorogo piyareegwaarak nogo ti, waabuk negen jelai anggen iyaalok mbanit nogwe eyom nogo paga inoorogo piyareegwaarak.

1 Endagembogut 2:8

Ndi, aap anebunu Mbeniyamin awi Mbakurim mendek, Nggera aput Timeyi perak, an o Makanayim nage me, puluk-pelak eerogo paneegerak kwe, ti'nuk, at nen an niyo Yoraran aa'nggi paga wonage me wo'nabi nage mbareegi, at Aliku ALA endage paga wone kumbuk mbanogo yoge logonet, An nawooluwak paga koorigin lek o, yinuk, yoreegirak kimbirak wonage nogo o.

Ndawi 3:2

It apit nen nabok mbanggo logonet, “Ala nen agap ndarigin lek o,” yinuk, yogwe, Eeko agaarik o.

Ndawi 4:2

Kit aap yi wae. Nendage tiyanak nogo maluk eerogo panugwi kiigak, Ne mande ari nagin o? Lek ariyak mendek kagak kiniki kunik eekwi, Pilit wone kagak kwaarit nugwi, Eekwi kiigak, Ne mande ari nagin o?

Ndawi 7:4

At nimbirak niniki ugun wonogwe nogo maluk eeppege, Alom lek kagak, at tebembaniyak eeke nogo, Amendek ambi kiraakkolage, Ee'netak en,

Kini Wuppiige 26:2

Towe yiluwe wiga agan mban nage, towe wuni'nuk wiganinuk mban nege, Eeke menggi kwak Wone alom lek kagak kugi pulunogo piigwi kwe, abe inoba ageelik mbeyok ari menggerak.

Wayu 16:6

It kapuri kake leenak inom, kat yorage keegak yoraga inom, inamiya wunogo inooreegwaarak nogo, Onggo aakumi inamiya yi, niyo negen nonggo logowak nduk, eeppiigendak me, op aret eeken o,” yinuk, yoge kagarak.

Owak Loongga 9:24

At Ala nen eerogo piyareegerak nogo ti, aap Yeru-Mba'an apuri 70 Abimelek nen inoorogo piige, ndi, o kota Tikem menggaarak nen at orewologwe inooruwak nduk, yeenggwaagwi, eereegwaarak ti paga inane'me inoorak inamiya inoreeluk Abimelek oba logowak nduk, eeppiyareegerak.