2 Tamuwen 16:2 - Ala Wone Peenok Peebi Mbanak

² Lambunggo nogogwaarik, aap endagembogut nen Tiba yoge, “Yi mendek ndi mendek yi, nanonduk, wonok wagan o?” Yoge mbareegi, at Tiba nogo nen, “Keledai yi nogo ti, kat nogoba kapurilogwe kwi'na'nuk nogo logorak inake, oroti inom, iinggen-kaleenggen inom, ti, it aap kinom wogwe nogo inake, ndi, anggur amburu toolak yi ti, it aakumi karume nogo logonet, ta'liila eeginake kenok noorak inake, aret o.”

2 Tamuwen 16:2 Iomraidhean Croise

Wakkagagerak 21:29

at Abimelek nen Abarakam kin wakkage logonet, “Ndomba kooli ineebe 7 alik leenogo piigendak yi nonggop nduk eeken o?”

Wakkagagerak 33:8

Abu aret keyage wappogo mbareegwa, at Etawu nen Yakup yoge logonet, “Ndi, kambin-ndomba ambik lombok aago wogoren nogwe ninom aabuk agarak yi, kiniki ngge koombunuk eerogo nappiigendak?” Yoge mbareegi, at Yakup nen, “Kiniki ale'nggen nomba'nok nduk, nappiigirak o, noweeluk.”

2 Tamuwen 15:1

Ti'nuk, ne ambi paga at Abatalom nogo nggweendo wim eeka ogobakkigirik inom, wonok nega kuda inom, ndi, at nggweendo paga nage kagak inaa'nduk aru koonogo pit nega aap ineebe 50 inom, koonogo pateegerak.

2 Tamuwen 15:23

Ndi, Ndawut at inom menggaarak nogo abok aret inawi kota nogome mbo punuk, wundi nogwe iinok, it aakumi o time wonogwe nogo abok aret inoone nggwok paga inale yogwe iigak, niyo Kiriron wunda nanuk, o karume time aret nogogwaarak.

2 Tamuwen 19:26

Yoge mbareegi, at Mepibotet nen at yoge logonet, “Ai, nowe kendagembogut. An kayeloman niyok maluk aret me, nageledai paga yarugu nowe kendagembogut nimbirak wundi woraakit nduk, Keledai amborowak paga kwi'nagak ndoonogo pu o, nayeloman Tiba yoreegirak kwe, nambokan laganeegerak me, puk aret agagirak o, nogoba.

Yetikiyen 37:18

Kunogo pege keenok, koreewi kat mendek nen yokkogo logonet, Yi eerak alom nanonduk eerak nogo yo'niret o, yinuk, kin wokkeegwi iinok,

Owak Loongga 10:4

At apuri ti, 30 aret ndaganabeegerak. Ndi, o Nggileyat paga inawi ti, 30. Ndi, inaanggumi keledai awooluk ti, 30 togop aret wonagagerak me, inawi 30 nogo ti, “Aakumi Yayit wonogo menggam o,” yinuk, o yogondak yogwe wonogwe aret o.

Owak Loongga 5:10

Yi tooko menggam ndawi waka nen ndawi waka logonet, Aliku ALA nen yegetak a'me nggelok eeke, Aakumi Iterali ugun mendek nen abe koonak mban eekwi, Eekaarak ndawi ti, Kit keledai amborowak paga yum ndoombunuk kwi'nogwe, Keledai miya amborowak paga kwi'na'nuk wogwe, Eeko monggotak nogo Konembunuk yoranet nogo logonip o. Ndawi wakwi iinok, Aliku ALA apuri nen tu kota unggwogo menggam wambi woraanuk,

1 Tamuwen 14:28

Enegen awi yakkolage mbareegi, aap ineegin warak ambi nen at yoge logonet, “Nit apit aret mbi abu nen nineebe libinik-lebenak ee'ninakerak kwe, kat kogoba nen, Ne yi paga mbi nunggwi kiinok ti, pulunik aret logomunggup o, yinuk, kumbuk mbanuwok nduk, yo'nirage mbaki, abu abet aret kumbuk mbanggoorak me, nengga'lek aret ogoorik o.”

1 Tamuwen 25:27

Ndi, yi mendek ndi mendek kat nogoba kake an kayeloman wonok wagarak yi, it aap kinom wonogwe yi, wogorage,