2 Tamuwen 15:6 - Ala Wone Peenok Peebi Mbanak

⁶ It aakumi Iterali mendek abok aret aap endagembogut nen inawone amburu mbanogo inowak looniyak nduk, at owagam wogwe iinok, at Abatalom ti eeke nagagerak paga iniki nomonogo at paga mban piige nagagerak.

2 Tamuwen 15:6 Iomraidhean Croise

2 Tamuwen 15:13

Aap ambit-ambi wone wonok Ndawut owagam wage nagagerik, yoge logonet, “Aap Iterali mendek abok aret Abatalom inom ariyak mban mbako agaarik o.”

Kini Wuppiige 11:9

It Ala ineebi mbaka inoone paga it inom menggaarak ineebe nggelenogo piigo menggaarak kwe, It aap iniki abe koonak nogo perak, wone liippugwi paga inagap ndakkologo menggaarak.

Ndaniyen 11:21

At aap endagembogut enggaawak lek eerogo pugun nogo, obaane'me aap alik ambi ogobamini inendagembogut paga wiganak lek aap ugun obaabut abu maluk aakumi nen, “Ndi mippuurak,” mbaka'lek ugun wonogwe iigak, alik en mi'nage logomenggerik, oone yimbu-lambu agan nage logonet, o time tebenggolaagin o.

Oroma 16:18

It aap togop eerit nugu menggaarak mendek nogo ti, ninowe Keritut ayeloman logonet, ake eerit nugwi lek o. Ata, inaanogum ake mban kwaarit nogo logonet, “Yogop eeruwok, ndogop eeruwok,” yinuk, inoone yanggorogon amburu ndik-ndik paga pilit pugunogo it aap iniki ugun mendek nogo inambokan laganit nogo menggaarak me, kinom ogoorak aret logonip o.

2 Peterut 2:3

It aap mamuniraga ti nen ambi kolaawok nduk, kinambokan laganggo logonet, inoone ugun pilit pugunogo yokkirogo logogun o. Togop yokkirogo logomenggaarak kwe, it eekwi paga at inowak loombunuk maluk inoba piyoorak maan koonogo pereegerak Ala nogo ti, we ugun maanggo yugu logonet nogo lumok ari wonage lek o. Ata, ineebe lek eerogo piyoorak nduk abu li'luk eerak aret wonage agaarik o.