2 Tamuwen 15:23 - Ala Wone Peenok Peebi Mbanak

²³ Ndi, Ndawut at inom menggaarak nogo abok aret inawi kota nogome mbo punuk, wundi nogwe iinok, it aakumi o time wonogwe nogo abok aret inoone nggwok paga inale yogwe iigak, niyo Kiriron wunda nanuk, o karume time aret nogogwaarak.

2 Tamuwen 15:23 Iomraidhean Croise

2 Tamuwen 15:22

Yoge mbareegi, Ndawut nen Itayi yoge logonet, “Op aret yagandak me, nage logot o, naput.” Yoge mbareegi, aap Nggat mendek Itayi nogo awuri wim eeka inom, it inaaganapuri inom, abok aret nen at Ndawut aaganapuri inom inambokan piigak nogogwaarak.

2 Tamuwen 15:28

Ndi, an niyo wunda nogo menggam karume time wonage me, wone yogop-ndogop yogwe iinok, an yo'niri woro o.”

2 Tamuwen 16:2

Lambunggo nogogwaarik, aap endagembogut nen Tiba yoge, “Yi mendek ndi mendek yi, nanonduk, wonok wagan o?” Yoge mbareegi, at Tiba nogo nen, “Keledai yi nogo ti, kat nogoba kapurilogwe kwi'na'nuk nogo logorak inake, oroti inom, iinggen-kaleenggen inom, ti, it aap kinom wogwe nogo inake, ndi, anggur amburu toolak yi ti, it aakumi karume nogo logonet, ta'liila eeginake kenok noorak inake, aret o.”

1 Endagembogut 15:13

at owogolo Maaka nen ogole warak mendek kugigwe Atiyera ageyo arelen ogobakkigirogo mippereegerak paga owogolo aret kagak, “Kat kwe nggwok logorak lek o,” yinuk, eyo arelen yinik nogo mbanogo niyo Kiriron aa'nggi paga time kani kungge, eereegerak.

1 Endagembogut 2:37

Ndi, o Yerutalem mbo punuk niyo Kiriron nggaruppegak wunda namunggun kenok, Nooremenggaarak kambigin aret, mbake logonu o. Ndi, kooremenggaarak kamiya ti, kat kobaalombok koba lenggenak aret logogin o.”

2 Mbinineegwaarak 29:16

it Ala unde nen Aliku ALA awi wurik mage menggim obeelom eerogo puwok nduk, unggwi nanuk, yi mendek ndi mendek maluk oba lenggennagagerak wonage kenok, abok aret kabe'nuk, Aliku ALA awi wurik oore'nggam time pi wundi wogo mbareegwa, it Lewi mendek nen woppunuk, niyo Kiriron kobappaga time pi nogogwaarak.

Yeremiya 31:40

Inowak nggininik kunduk, nake kani kunik wun kunduk, mbo pi nogo menggam o kobappaga time abok aret inom, ndi, oonegen lagi wage menggim pa'nggwe niyo Kiriron aa'nggi paga yabu ye'mban-mban eerit wambi nogo menggam nen nok, Tu Unggwogo Menggam Kuda Mbanak yogwe unggu'me abok aret inom, ti, Naliku ALA nake alik leenak aret logogin o. Ndi, o kota ti, langgunogo pugwi, yigirogo pugwi, eeka'lek mondok-mondok aret logogin o,” yinuk, yegerak o.

Matiyut 3:1

O ti eyom paga Yiime Wuppiiga Yaya nogo nen o Yureya karume aakumi lek me nage nagagerik, aakumi yorage logonet,

Matiyut 3:3

at Ala yoge kagak yoraga Yetaya nogo nen yorage logonet, “Aap ambi karume aakumi lek me kuum ari logonet, Ninogoba Ala woroorak tu ogobakkigirogo yakwi, Ndi, at nage logorak tu koonogo yakwi, Eeko logonip o, Yinuk, agan wage kaamunggup o,” yinuk, yoragagerak nogo ti, at Yaya aret wagagerak o.

Lukat 1:80

Ndi, wulaga nogo tawe age logonet, iniki mondok kole agagerak. At nen aakumi Iterali inigen kaawak nduk, naga'lek logonet, karume aakumi lek me time nege nagagerak.

Yaya 18:1

At Yetut nogo tamban eeke nagagerik, at oone waganggwi mendek inom niyo Kiriron enebaga wunda nogo nogogwaarik, time eyo tayitun yarak me unggwi nogogwaarak.

Oroma 12:15

Ale'nggen yogwe iinok, kinom ale'nggen yogwe, it le yogwe iinok, kinom aret le yogwe, eeko logonip o.