2 Tamuwen 15:1 - Ala Wone Peenok Peebi Mbanak

¹ Ti'nuk, ne ambi paga at Abatalom nogo nggweendo wim eeka ogobakkigirik inom, wonok nega kuda inom, ndi, at nggweendo paga nage kagak inaa'nduk aru koonogo pit nega aap ineebe 50 inom, koonogo pateegerak.

2 Tamuwen 15:1 Iomraidhean Croise

2 Tamuwen 12:11

At Aliku ALA nen ambi ari logonet, Apuri lombok nen aaninggin-paaninggin at oba pugwi, at enegen kagak akuwi ndinogo at imbirak menggerak wogoge neenok kin paga wurinake, eeruwak nduk, eeppiyaagino.

1 Endagembogut 1:33

aap endagembogut nen yorage logonet, “It aap ninom yabu eeko menggaarak kinom nen an naput Talomo nogo, naguda paga kwippogo logomonggotik, wonok niyo eneeri wungge menggim Nggikon time nanip o.

1 Endagembogut 1:5

At Ndawut aput Abatalom ambo'me mendek kwe Kagit aagaluk endage Aroniya nogo, etenggen abu kigirikwe wonagagerak kwe, ogoba nen, “Kobaabut ndogop o,” yinuk, aruk waka'lek wonagagerak me, iniki wogoppake logonet, “An inowe nendagembogut arikit o,” mbake nagagerik, nggweendo wim eeka pipuk eerogo pege, it aap kuda paga yarugu noorak punogo piige, inaa'nduk mbe agan noorak aap ineebe 50 leenogo piige, eereegerak.

Ndawi 20:7

It ando inanggweendo paga iniki panggombugwi, It ando inaguda paga iniki panggombugwi, Eeko menggaarak kwe, Nit perak, niniki Aliku ninogoba Ala oba panggonak ogoorik o.

Kini Wuppiige 11:2

It aap iniki tiyappakwi iinok, yini-panip inenggali aret ogo menggaarak kwe, It iniki tebenak wonogwe iinok perak, iniki warak aret eekkologo menggaarak.

Kini Wuppiige 16:18

Aa'nduk iniki tiyappatit nogo nagaatik, irip paga eebe aret lek eerogo pakwi, Aa'nduk, “Wi!” niraawak nugu nagaatik, irip paga yigeebu aret wambi nogwe, Eeko menggaarak.

Kini Wuppiige 17:19

Aap ambi nen wone wariyak inikilom mbake kenok, at maluk eerit noorak nogo inikilom mbake, Aap ambi nen eenggi warak tiyappege kenok, aap kiraaka wiirage kwak aret eeke, Eeko menggaarak.

Pelaareegerak 17:16

Aap ti, mippugwi kiinok, at nen kuda ambik unde wakkolage, ndi, Aliku ALA nen, Ne ambi paga kit o Metit yime kiniyokan woroorak mage o, yinuk, yokkiragagerak kagak, at nen kit yokkirage logonet, O Metit paga kuda kuni nanip o, yinuk, yokkirage, eeke logorak mage o.

1 Tamuwen 8:11

“Aap endagembogut ambi mippugwi kiinok, kinarum logonet, eeke logorak nogo ti, yi aret o. At nen kinapuri abok aret wogonake logomenggerik, wim nambuko logowak nduk, eegu nggweendo paga nogo logorak koonogo piige, eegu nggweendo peebi nage kagak, eegu iniyok paga nggare agan inaa'nduk nogo logowak nduk, koonogo piige, eegu kuda paga yarugu nogo logowak nduk koonogo piige, eerigin o.