2 Tamuwen 14:6 - Ala Wone Peenok Peebi Mbanak

⁶ Ndi, an kayeloman naagalogwe ti, aap mbere aret kwe, ne ambi paga imbirak yabume wuk eekkologwe me, aap ambi ogoorinaburak lek me, at ambi nen at ambi wakerak aret kanggerak o.

2 Tamuwen 14:6 Iomraidhean Croise

Wakkagagerak 4:8

Ti'nuk, ne ambi paga at Kayin nen awuluk Kaben nogo yoge logonet, “Nimbirak yabume nawok nduk, mok o,” yo'nuk, imbirak yabume nogo nogogwaarik, Kayin nen awuluk Kaben nogo warogo pege mbareegi, kambeegerak.

2 Tamuwen 13:28

“E o,” yoge mbareegi, inom nogo nogogwaarik, at Abatalom nen ayeloman mini yorage logonet, “Wologwe wae! Kinaruk logonip o. At Amonon nogo anggur amburu nengge logomenggerik, iniki lek aremenggerak paga an nen, Warinip o, yokkirage neenok, At nen aret wariyak, yo'nirage me, waruwi o, yinuk, kinagabiti mbaka'lek kinogogumbuk eeppunuk, warumunggup o,” yinuk, yoragagerak.

2 Tamuwen 13:29

Ndi, yoragagerak nogo ndak-ndak aret warogo pogo mbareegwa, at Ndawut apuri eegu nogo abok aret inalitak lombok inaguda paga laganggo nogogwaarik, kole mbaganeegwaarak.

2 Tamuwen 14:5

Yoge mbareegi, aap endagembogut nogo nen, “Kat nano wone yo'nenok nduk wagan o?” Yoge mbareegi, at kwe nogo nen, “An nogonggelo kambeegerak me, nanu aret agarik o.

2 Tamuwen 14:7

Ndi, yogondak at wulaga kanggerak owe-awot abok aret an kayeloman ineebi nomba'nuk yo'nogo logonet, Wulaga wakerak ti nen, ogoba eyate kolookwak awuluk ane'me warogo puwok nduk, wo'niret o, yinuk, yo'nogo agaarik o. Yo'nugwi nogo kani kunik ambiriluk kere ari wonage nogo, wogoraminggirak nogonogo pugwi iinok, nogonggelo endage inom, it ndarak inom, o nggween paga yime inendage ki logorak nogo lek ariyak me, nonggop eeriyak o?”

Wundeegwaarak 2:13

Ti'nuk, ko'lu at Muta nogo ambinom wundi nanuk, aap Iberani mendek ambi ore imbirak ndugwi pugwi iige nagagerik, Muta nen aap yawi pigaganeegerak alom nogo yoge logonet, “Kat nonggop nduk kore yawi wake agandik?”