2 Tamuwen 14:11 - Ala Wone Peenok Peebi Mbanak

¹¹ Yoge mbareegi, kwe nogo nen ari logonet, “It aakumi nen oreeluk warak nogo amee'nggo oreeluk eenik wonage nogo waremenggaarak paga maluk nggwok wigak yukwak, non mbambiyaawak nduk, kat nowe kendagembogut at Aliku kogoba Ala endage kumbunuk yu o.” Yoge mbareegi, at Ndawut nen yoge logonet, “Kaagaluk ti, eeruwak ambiriluk ambi wiirogo nggween yi paga wuppugun lek o, yinuk, at eenik menggerak Aliku ALA endage paga yokkigi o.”

2 Tamuwen 14:11 Iomraidhean Croise

Wakkagagerak 14:22

Yoge mbareegi, at Abaram nen wone onggo yoge logonet, “Kat nen, An namendek waganggerak paga aap Abaram nogo eenggi warak aga o, agan nege logokwak me, at mbogut-nggween wakkagagerak Agi Mondok Tiyanak Menggerak Ala nogo enggaanom paga abu aret kumbuk mbanggirak me, kat kamendek ti, yi mendek ndi mendek mbuulogwe we ligiwut logwe nduk, an ambi waagin abu lek aret o.

Wakkagagerak 31:50

Ti'nuk, Laban wone ando kunogo ari logonet, “Aap ambi nimbirak wonage lek me, yinuk, an napurilogwe yi, maluk eerogo piige, an napurilogwe iigak, kumi alik ambi wogonake, eeke keenok, an kunduk, kat kunduk, Ala enegen wo'ninake kagak aret eerumunggun o.”

2 Tamuwen 14:10

Yoge mbareegi, aap endagembogut nen at yoge logonet, “Aap ambi wone ti mendek yokkege kenok, yogop-ndogop ambinom yokkege logokwak, nggarurogon aret wonok nowagam wa'nu o.”

2 Tamuwen 14:12

Yoge mbareegi, kwe nogo nen ari logonet, “Ai, nogoba. Kat kendagembogut aret me, an kayeloman wone mbuuluk ambi yuurak mbake me, Op aret, yo'nirumunggun ilik?” Yoge mbareegi, at Ndawut nogo nen, “Yu o, niri.”

2 Tamuwen 14:21

Yogo nogogwaarik, aap endagembogut nen Yowap yoge logonet, “Kat kiniki koonggendak ti op aret me, an eerikit nen aap Abatalom wa nage logomenggendik, kimbirak wa'nu o.”

1 Endagembogut 1:52

at Talomo nen ari logonet, “At Aroniya iniki abu warak logonet, eerit nage kenok ti, at eeruwak ambiriluk ambi nggween paga wambigin lek kwe, maluk eeriyak koongge yelok kogwe kenok perak, at eebe teppuurak lek mondok aret wariyak o.”

Yeremiya 4:2

Ndi, Nit a'me nggelok mban eeppiinet nugwi, Obeelom mban eerit nugwi, Pilit lek abet aret eeko logogun o, yinuk, Neenik Minggirak Naliku ALA nendage kunogo kumbuk mbanggwi, Eekwi iinok, It aakumi inanebunu lombok nen, It eekwi ti, nit togop aret eeko logowok o, yinuk, Nale'nggen-kale'nggen yogo logonet, nendage tiyappanogo logogun o,” yinuk, yegerak me yokkiragi o.

Linggineegwaarak 35:19

Aap ane'me wariyak yugu nogo ti, at aap amiya eenggi paga eeremenggerak nogo imbirak lambungge kenok, onggo at aret waruwak o.

Linggineegwaarak 35:21

imbirak ogoorak me, eenggi lingginik paga waremenggerak aret kangge kenok a, aap ti, Aakumi inooka aret o, yinuk, warogo puurak aret me, aap waremenggerak nogo ane'me wariyak nduk eebe kwaarit nage logomenggerik, imbirak lambungge kenok, aap ti warogo puwak o.

Matiyut 10:30

Ala nen kineeruwak abok aret eenggi lingginik wonage o.

Nappiigak 27:34

Mbi neenok, kinomaawi paga kinagap ndakko'nok wundubagip nduk, mbi yi aret nanip o. Kineeruwak ambiriluk ambi lek arigin lek o,”

1 Tamuwen 14:45

Yoge mbareegi, it aakumi nogo apit nen Tawun yogo logonet, “At Yonatan nen aakumi Iterali mondok iya tit ninagap ndakerak nogo ti, meek mba'nuk, Yonatan wariyak yagan ya? Ala nen yeenggwaage kagak, ne yogondak yi paga eekerak me, at Yonatan eeruwak ambiriluk ambi nggween paga wambuurak mondok lek o, yinuk, Aliku ALA eenik menggerak endage kumbunuk, yokkogo o.” Yoreegwaarak ti paga Yonatan warulik ili eerogo teppereegwaarak.

1 Tamuwen 20:42

Le ari mbareegi, at Yonatan nogo nen Ndawut yoge logonet, “Kat nimbirak niniki-kiniki kunik eeko logowok o, yinuk, at Aliku ALA endage kumbunuk, wone mbanggoorak nogo ti, at Aliku ALA enggaanom paga yogoorak me, at nen ninenggali wappinanege logukwak, kat inom, an inom, kat kapuri ndaganabemenggendak inom, an napuri ndaganabigin inom, mondok-mondok porogo logowok o,” yinuk, yogo nogogwaarik, Ndawut nogo ambime nage kagak, Yonatan nogo ame kota nogome wagagerak.

1 Tamuwen 28:10

Yoge mbareegi, Tawun nen at yoge logonet, “Kat yi eeke paga, Aaninggin ambi noba arigin mondok lek, abet aret mbarenok nduk, at eenik menggerak Aliku ALA owak o,” yinuk, kumbuk mbaneegerak.