2 Tamuwen 13:3 - Ala Wone Peenok Peebi Mbanak

³ Eerak wonage me, Ndawut oweeluk Timeya aput Yonarap, Amonon oreeluk nogo, iniki ngget abok li'lak eenu me,

2 Tamuwen 13:3 Iomraidhean Croise

Wakkagagerak 3:1

Ndi, at Aliku Ala nen yi mendek ndi mendek inigen mbolok kwi endekem nugu menggaarak ogobakkigireegerak nogo obeelom wonogwe iigak kwe, at waalo oone amburu ndik-ndik ari menggerak nogo nen kwe nogo yori wage logonet, “At Ala nen eyoonggen-kalenggen yabume yime yarak abok aret mbanogo noorak mage o, yokkiragaarak nogo abet ilik, lek a?”

Wakkagagerak 38:1

Ne ambi paga at Yekura nogo oreewi nogome wonogwe iigak, teppiinok, aap endage Kira anebunu Arulam mendek imbirak logokit nduk, ka wagagerak.

Wakkagagerak 38:20

Ndi, at Yekura ageerok kwe porogo wonage nogo waganggak kambin aagaluk kwe wogoriyak yoreegerak nogo wogori nawak nduk, at ore Andulam mendek nogo nappereegerak.

2 Tamuwen 13:2

Kolaga nogo aap kigin waka'lek awuluk aret wonagagerak me, at Amonon nogo nen, “Nonggop eeppunuk, eerikit,” mbarit unggwage logonet, eebe andi negen eekkolagagerak.

2 Tamuwen 13:32

Inayum nibinogo patinuk wonogwe me, at Ndawut oweeluk Timeya aput Yonarap nogo nen yoge logonet, “Nogoba wae. Kapuri nogo abok aret inookaarak mbarugun o. Ata, at Amonon nen kolaga Tamat Abatalom awuluk nogo, eebi mbake kagak maluk eeppereegerak paga at Abatalom nen, Warikit o, agan nege nagaarak me, at mban aret warogo pegerak o.

2 Tamuwen 13:4

Amonon yoge logonet, “Noreeluk wae. Kat aap endagembogut aput aret kwe, ko'lu-kii'me ketenggen puru aago mban wonage keege ti, nonggop nduk o? An yo'niru.” Yoge mbareegi, Amonon nen at yoge logonet, “An noreeluk Abatalom awuluk kolaga Tamat ti aret niniki nenet unggwage logonet, ee'nake agaarik o.”

2 Tamuwen 14:2

kwe ambi iniki ngget o Tekowa time wonage me wa nawak nduk, aap ambi nappereegerak kwe nogo wonok wage mbareegi, Yowap nen kwe nogo yoge logonet, “Kwe yi wae! Aakumi inayum abe mendek yikkologwe, ngguu'mo wappunuk amburu inagabolo paga mbenanggologwe, eeka'lek aap kanggwi iinok, inerabun ndoombunuk, netik-netak inale yogo mengga kwak, kat pilit togop aret eeppunuk,

2 Tamuwen 21:21

it aakumi Iterali mendek miyuk-meya eeginake mbareegi, aap Ndawut ogobaluk Timeya aput Yonatan nen aap nogo warogo pege, eereegwaarak.

1 Mbinineegwaarak 2:13

At Itayi nen aput manggu Eliyap ndake, at ambo'me Abinarap, at ambo'me Timeya,

1 Mbinineegwaarak 27:32

At Ndawut ogobaluk iniki abu warak logonet yorage, wone liiru mbangge, eeka ti, Yonatan aret. Aap endagembogut apuri ndegeninaka ti, aap Kakomoni aput Yekiyen aret.

Etet 5:10

Anini alik negen agagerak kagak iniki yanggo yinuk, ame nage nagagerik, at oreewi inom, akwe Tereti inom, woraawak nduk wiiragagerak wogo mbareegwa,

Etet 5:14

Yorage mbareegi, at akwe Tereti inom, oreewi abok aret inom, nen konenggo nogogwaarik, at yogwi, “Ti kenok, it aap inenggaanok keele yilinogo tugumbiigo logorak eyo nggorek metet 23 kero yinu o. Yingge logomenggendik, eyo ti paga aap Morekayi enggaanok keele yilinogo tugunogo wuppi woraawak nduk, ko'lu kuuben aap endagembogut yori namenggendak eeke kenok, kiniki ale'nggen paga aap endagembogut kimbirak mbi na namunggup o,” yoreegwaarak. Yoreegwaarak nogo at Kaman nen, “Op aret kagi,” mbake nagagerik, eyo yinuwak nduk, awuri yoragagerak.

Etet 6:13

Nage nagagerik, at eeriyak oba agagerak nogo akwe Tereti inom, oreewi inom, mbininogo yoragagerak. Yorage mbareegi, at inom wone koongga nogo inom, akwe Tereti inom, nen Kaman yogo logonet, “At Morekayi tiyappege kagak, kat tebek ari nogo ti, at aap Yakuri mendek aret me, tebenogo puurak nduk eeke keegak, kat panggombagayak ambi lek me, tebenogo patumunggun aret o,” yinuk, yoreegwaarak.

Kini Wuppiige 19:6

Aap nggwok ale'nggen inombaruwak nduk, aakumi apit aret at mban eeppit nugwi, Aap ambi we wogorage kenok, at mban inik-inik irit nugwi, Eeko menggaarak.

Yeremiya 4:22

At Aliku ALA nen ari logonet, “An napuri ti, wi negen aret wonogwe, it an liippanega'lek wonogwe, Elege iniki lek pogom wonogwe, op ariyak maluk ariyak ineenggo'lek kobak aret wonogwe, Obeelom eeriyak mendek kobak logonet kwe, maluk eeriyak kenok perak, Iniki penenak logonet, aganggen kerek togon eerit nugwi, Eeko menggaarak,” yegerak o.

1 Korindut 3:19

It aakumi nggween paga mendek nen, “Abok nineenu me, niniki warak aret o,” yinuk, mbakwi nogo, Ala nen, “Yi wi negen aret agan nugwi,” inombake menggerak. Aap ambi ari logonet, “Iniki ngget paga maluk eeriyak koonggwi nogo, Awo koonggwi iigak, Ala nen nggerok togon wagangge menggerak o,” yinuk, ari,

Yakobut 3:15

Kit kinoreeluk ambi anini eeppogo logonet, worokot liinik agan nugwi, “An koongge mban eeriyak,” mbako logonet, eerit nugwi, eekwi kiinok, abu naalop-kaalop age logonet, yi maluk ndi maluk abok aret age kogo monggoorak nogo ti, at iniki warak agi menggerak Ala nen koonogo pinagage kagak eekwi lek o. Ata, at Tile nen it aakumi nggween paga mendek iniki koonogo piige kagak, iniki nengge kenok, eeko menggaarak nogo mendek aret eekwi kiigi o.

Owak Loongga 14:20

Wagagerak wonage kagak, at Timoton akwe nogo waganogo at Timoton lambumbugwi me, oreeluk imbirak wonagagerak nogo aret wogoreegwaarak.

1 Tamuwen 16:11

Yoge nagagerik, Itayi ambinom yoge logonet, “Kat kapurilogwe aap ndarak nogo, yi abok aret ilik, ambi wonage a?” Yoge mbareegi, at Itayi nen wone onggo yoge logonet, “Ambiret enabooluk ndarak wonage kwe, ndomba ndegeninake wonage o.” Yoge mbareegi, at Tamuwen nen, “At waga'lek kagak, nit mbi nagun lek me, woraawak nduk, wiiru o,” yoreegerak.

1 Tamuwen 16:9

Ari mbareegi, at Itayi nen aput Tiyama nogo, “Tamuwen owagam nak o,” yoreegerak. Yoreegerak nage mbareegi, at Tamuwen nen, “At yi kunduk, Aliku ALA nen miirulik o,” yereegerak.