2 Tamuwen 13:21 - Ala Wone Peenok Peebi Mbanak

²¹ At Amonon eereegerak nogo, ogoba endagembogut Ndawut aruk konengge nagagerik, anini ambik agagerak.

2 Tamuwen 13:21 Iomraidhean Croise

Wakkagagerak 34:7

imbirak wone awo mbanggwi me, at Yakup apurilogwe nogo abok aret o karume nogome nen wogo mbareegwa, “Lek o. Kinawuluk kolaga Ndina nogo aap Kemot aput Tikem nogo nen maluk eeppegerak o,” yogwe inaruk konenggo nogogwaarik, “Togop eekulik kagak ninawuluk maluk eeppegerak me, nit aap Iterali mendek abok aret ninendage maluk agago pinanigi o,” yinuk, iniki aagi age logonet, inanini ambik agagerak.

Wakkagagerak 35:22

Wuppunuk wonogwe me, at Uruben nogo nen ogoba ayeloman mendek waganeegerak kwe Mbilaka nogo, imbirak nogo yereegwaarak. Imbirak nogo yereegerak nogo at Iterali aruk koneneegerak. At Yakup apuri ineebe lambuk togon ti, 12 aret ndaganabeegerak.

2 Tamuwen 12:10

An, Meek, nombake logonet, aap Ket mendek endage Uriya akwe nogo, at aret waganggerak me, aakumi inawooluwak at apurilogwe-ombowologwe wiganak ineebe paga andokon age logogin areto, yinuk, yegerak me, yokkigio.

2 Tamuwen 12:5

Yoge mbareegi, at Ndawut nogo konembunuk, anini ambik age nagagerik, Natan yoge, “Aap ti, abuwa mbaka'lek eekerak me, aanggo 4 awi yakkage, ndi, kambuwak nduk, eebe warogo pege, eeriyak op aret mbarenok nduk, Aliku ALA endage kumbunuk, yokkigi o,” yinuk, yoreegerak.

2 Tamuwen 13:20

Le agan nage nogo oweeluk Abatalom kage nagagerik, at yoge logonet, “Koweeluk Amonon nen kat maluk eeppagagerak kenok, agan wage a? At koweeluk nen aret maluk eeppagagerak kenok, kat nawuluk kiniki ambi koonggak yuurak mage o. Ata, koone lek puk aru o.” Yoge mbareegi, at Tamat nogo oweeluk Abatalom ame time nage nagagerik, iniki puru aago alik aret wonagagerak.

2 Tamuwen 13:22

Ndi, at Abatalom perak, awuluk Tamat at Amonon nen maluk eeppereegerak paga, “Maluk eekendak, obeelom eekendak,” wone ambi Amonon yoga'lek we anini mban mbake nagagerak.

Ndawi 101:8

O kubondendok age paga Aap maluk mendek o yime wonogwe abok aret Ineebe lek eerogo piige, Ndi, it maluk eeka abok aret Kaliku ALA kagota nen inenggaawak lek eerogo piige, Eekak mban eeke logomunggun o.

1 Tamuwen 2:29

an nawooliya wurik me time it aakumi Iterali nake warogo kani kunggwi, iniki ale'nggen paga yi mendek ndi mendek we wo'nugwi, Eeko logonip o, yinuk, yoragagirak nogo, nonggop nduk miyuk-meya eerogo pogo agaarik? Ndi, it napuri Iterali mendek nen ndomba-tapi warogo nake kani kunggwi iinok, apuri nen enggaanggum mbanak abe kenok inaanoma'le andi lek nunggwi ti, nonggop nduk it iya, ndi, an meek, nomba'nuk, inaruk waka'lek teppiige agaarik?