2 Tamuwen 13:1 - Ala Wone Peenok Peebi Mbanak

¹ Ti'nuk peebi, ne ambi paga at Ndawut aput Abatalom awuluk kolaga abu kigirikwe endage Tamat aret me, Ndawut aput Amonon nogo nen kolaga Tamat nogo iniki nengge nagagerak.

2 Tamuwen 13:1 Iomraidhean Croise

Wakkagagerak 29:18

At Yakup nogo nen awuluk Araken nogo abuwa lombok mbareegerak me, Laban yoge logonet, “Kat kapuluk kolaga awo tawe Araken ti aret kolaakit nduk, keyabu eeppagage neegak, tahun 7 eerikit o,” yoreegerak.

Wakkagagerak 29:20

Yoge mbareegi, Yakup nogo kolaga Araken woorak nduk, yabu eeke kagak, tahun 7 eereegerak kwe, kolaga ti lombok koloorak iniki pereneegerak me, tahun 7 eereegerak kwe, “We ne mande wonage agarik,” mbareegerak.

Wakkagagerak 34:3

Maluk eeppege nagagerik, “Yakup apuluk Ndina yi lombok kolaakit, ao,” mba'nuk, iniki perengge nagagerik, kolaga ti, iniki yanggonogo punuk,

Wakkagagerak 6:2

Ndi, it Ala apuri nen it endekem mendek inapurilogwe komologwe amuni mbanak kigirikwe iinok, iniki nen uugwe mbako nagaatik, we ugun aret wogonako nogogwaarak.

2 Tamuwen 11:2

Nogome logonet, ne ambi paga oonegen kilu yi nage kagak, at Ndawut nogo, nogo yege nagagerik, eenik a'nuk, endagembogut awi o nggwok abe wurik nogo yugum paga ndoonogo maarak awe aago paga nege-wege logonet, kwe ambi abu kigirikwe ngguu'mo wake enegen kagagerak.

2 Tamuwen 13:15

Wulaga nogo nen kolaga maluk eeppege nagagerik, eebi lombok mbareegerak. Maluk eeppega'lek kagak inikilom nggwok mbareegerak nogo lek age logonet, eebi mbake nogo abu nggwok lombok age nagagerik, anini nen at yoge logonet, “Ya logogun! Mbet-mbet aret wundi nak o.”

2 Tamuwen 13:2

Kolaga nogo aap kigin waka'lek awuluk aret wonagagerak me, at Amonon nogo nen, “Nonggop eeppunuk, eerikit,” mbarit unggwage logonet, eebe andi negen eekkolagagerak.

2 Tamuwen 14:27

At Abatalom nogo obaane'me apurilogwe wologwe ineebe kenagan ndaganake, ndi, kolaga ambit endage Tamat aret ndake, eereegerak. Kolaga nogo ti, tawe age nagagerik, abu kigirikwe lombok aret wonagagerak.

1 Endagembogut 11:1

Aap endagembogut Talomo nogo Pirawun apuluk iniki kunik wonage kagak, kumi Iterali lek kumi alik it Mowap mendek inom, Amon mendek inom, Erom mendek inom, Tiron mendek inom, Ket mendek inom, apit aret iniki kunik eeginabeegerak.

1 Mbinineegwaarak 3:2

Ambokan ndarak ti, aakumi Nggetut mendek inowe endagembogut Talamayi apuluk kwe Maaka aagaluk aap endage Abatalom aret.

1 Mbinineegwaarak 3:9

Akuwi ayeloman mini mendek wogo nogo, inaagalogwe aap linggininabulik. At apuri kumi abe wogo inaagalogwe aap mban lingginik ti aret. Ndi, at kolaga Tamat ti, wologwe ti iniriluk aret.

Kini Wuppiige 31:30

Kumi abe mbaruwak inoone yanggik-yanggok agan nugwi ti, pilit aret yogwe, Ndi, inete kigirikwe ti, maluk ariyak kagak wonogwe, Eeko menggaarak kwe, Kwe ambi nen Aliku ALA agabiti mbake kenok perak, tiyappogo logowok o.

Kini Wuppiige 6:25

Kambi noorak ake kawu ambiriluk wonage kwe, kumi mbabilu nogo nen aret nunggwi, Keenik logorak iya kwe, kumi inogonggelomini warak nen kenggaawak lek eerogo pagarak nduk eekwi, Eeko menggaarak me, “Kumi kigirikwe me,” yinuk, kiniki nengge, Yilunogo pagawok nduk inigen nimik yokkugwi iinok, muguren nege, Eeriyak mage o.