2 Tamuwen 12:5 - Ala Wone Peenok Peebi Mbanak

^5-6 Yoge mbareegi, at Ndawut nogo konembunuk, anini ambik age nagagerik, Natan yoge, “Aap ti, abuwa mbaka'lek eekerak me, aanggo 4 awi yakkage, ndi, kambuwak nduk, eebe warogo pege, eeriyak op aret mbarenok nduk, Aliku ALA endage kumbunuk, yokkigi o,” yinuk, yoreegerak.

2 Tamuwen 12:5 Iomraidhean Croise

Wakkagagerak 38:24

Ti'nuk, tut kenagan penembunuk, it aakumi nen at Yekura yogo logonet, “Kat kayinggelo kwe Tamat nogo ya wukak age nagaarik, muk abila agaarak wonage o.” Yogo mbareegwa, at Yekura nen, “Eebe eenik ngge-ngge kani kumbuwok nduk, wa nanip o.”

2 Tamuwen 12:4

Ne ambi paga aap nggiru ambi aap eenggi warak nogo ka wage mbareegi, aap eenggi warak nogo nen, Aap nggiru neya wagaarak yi, naanggo ndomba ilik, tapi a, abugo lariyak neebi, mba'nuk, aap eenggi lek aanggo ndomba aagaluk kooli ambiriluk nogo aret wagangge nagagerik, warogo aap nggiru at ka wagagerak nogo abugo lareegerak o,” yinuk, yoreegerak.

2 Tamuwen 14:8

Yoge mbareegi, at endagembogut Ndawut nen kwe nogo yoge logonet, “Wone yagandak ti, an nen kake wone koonogo yoraagin me, kame nak o.”

Lukat 9:55

Yogo mbareegwa, ena koonogo pegiige logonet, mberiragagerak.

Oroma 2:1

Togop me, noreewi o. It ando kenok mban maluk agago piigo ogotik? Kit togon maluk eekulik ti lek o. Eeko monggotak aret me, kit ambi nen it eekwi togop eeko logonet aret kwe, it mban maluk agago piigwi kenok ti, kit aret maluk eekkologo ogotik o.

1 Tamuwen 14:39

Yoragagerak nogo kuwak ari wogo mbareegwa, yorage logonet, “Aap ambi maluk eekerak kwaako logonet, kin age kenok, an naput Yonatan aret kwe kagak, kambuwak nduk, warogo pugun aret o, yinuk, Iterali inagap ndaka at Aliku ALA eenik menggerak endage kunogo abet aret yokkiragi o.” Yoragagerak kwe, aap ambit-ambi nen wone onggo ambi yorulik puk aret ogogwaarak.

1 Tamuwen 20:31

At Itayi aput eenik wonage kagak, kat kendagembogut age, ndi, kabu'me piige logowam nggwok age, eerigin lek nogo kat keenggo'lek a? Togop aret me, an warikit nduk, eebe wonok niri woraawak nen, aap ambi nappiyet.”

1 Tamuwen 26:16

At Tawun awooluwak inom, agiiwak inom, anobak me wonage menggerak nogo wonage ilik, lek a? Pekket! At Aliku ALA nen leenogo pereegerak amburu eeppugu kogoba nogo, arum logonok nduk mippagagerak kwe, liirogon arum logolik ti, maluk aret eekendak me, kat kawuri kinom aret kinagap mbugunggologotak abet aret mbarenok nduk, at eenik menggerak Aliku ALA endage kumbunuk, yokkigi o.”