2 Tamuwen 12:26 - Ala Wone Peenok Peebi Mbanak

^26-27 Ti eekwi iigak, at Yowap awuri inom nogo nen aap Amon mendek iname o Araba nogome abu tebenggola ungguwok nduk, eeko logonet, Ndawut yori woraawak nduk, awuri yorage, “An aakumi o Araba mendek ninom wim nambuko logonet, niyo nonggo menggam muk aret tebenggirak wonage me,

2 Tamuwen 12:26 Iomraidhean Croise

2 Tamuwen 11:1

Eyo anggup lake menggim eyom paga yi aap ndi aap inendagembogut wim namburi wunggo menggaarak me, tahun ti eyom ari wage mbareegi, at Ndawut nen aap Yowap inom, at awuri inom, it Iterali wim eeka abok inom, aakumi Amon mendek inom wim eeruwak nduk, nappiige mbareegi, nogo nogogwaarik, it Amon mendek inoorogo piigak, o kota Araba tebenuwok nduk, eerit unggwogwe iigak, at Ndawut nogo o Yerutalem aret wonagagerak.

2 Tamuwen 11:25

Yoge mbareegi, at Ndawut nen aap wone yori wagagerak nogo yoge, “Wim eeko logonet, aap inetenggen yomboonogo inookulik ugun aret inooko menggaarak me, aap Yowap iniki ma'narugurik o. Ata, iniki nu'lek ogogumbuk a'nuk, awim inawi kota paga kwi'nari unggwage logomenggerik, mondok pup eerogo piyoorak wakkenet unggwage logowak nduk, wone yi yori nak o,” yinuk, eerogo nappereegerak.

2 Tamuwen 12:25

Natan yoge, “Wulaga ti, an niniki kunik aret me, at endage, Yeriya, tooni nak o,” yoreegerak.

2 Tamuwen 17:27

At Ndawut nogo, awuri inom o Makanayim time unggwi nage mbareegi, aakumi Amon mendek ambi awi kota Araba endage Nakat aput Tobi inom, aap o Lorebat mendek Amiyen aput Makit inom, ndi, aap Nggileyat mendek awi o Orogelim endage Mbaritilayi inom, it nogo nen, “At Ndawut kunduk, aakumi at inom wonogwe nogo kunduk, o karume logonet, mbi-niyo abu aganake, ineebe inomaawi lek age, eekaarak iigoorak o,” yinuk, nogo yugu menggaarak kere'ngga inom, niyo toologo nenggak inom, niyoowak nggween mendek ogobakkigirik inom, gandum anggen inom, waabuk negen jelai anggen inom, gandum anggen yigirik inom, worarak inom, kela inom, kuma inom, nggiin amburu inom, yilak amburu inom, kambin-ndomba inom, tapi elak amburu longgo warak inom, wonok nogo nogogwaarik, Ndawut awuri inom wogorogogwaarak.

Ndawi 60:9

Aap ta nen an wo'neren o Erom pani nage, Ta nen wo'neren o kota pak wurik me mambani nage, Eerigin o?

Yetikiyen 25:5

An nen o kota Araba nogo ti, unta inagari'ngga mbanogo nenet nogo logowam eerogo pege, ndi, o Amon ti, kambin-ndomba inagari'ngga nenet nugu logomenggaarik, yonggonggologo logowam eerogo pege, eerigin o. Ti eeke neenok, it nen Naliku ALA an aret ineenu arugun,” yegerak o.

Pelaareegerak 3:11

Ndi, o Mbatan paga aap endagembogut Ok ti, it aakumi Erepayim mendek lek ogwe iigak, at alik aret wonagagerak. At aap nogo ti, nogo yegak mbuti owak paga ogobakkigirik nogo aru-ogwe ti, metet 4, ndi, ambe agi-ogu ti, metet mbere aret wonagagerak me, aakumi Amon menggam inawi kota Araba paga o yogondak awo wonage aret o,” yinuk, yoragagerak.