2 Tamuwen 12:14 - Ala Wone Peenok Peebi Mbanak

¹⁴ kat eekendak paga at Aliku ALA awim nen, At Aliku ALA ti, meek aret kogoo, yinuk, agi'ndok kanggwi me, kapuluk kobaane'me pakendak nogo ti, kambigin areto,” yinuk, yoreegerak.

2 Tamuwen 12:14 Iomraidhean Croise

2 Tamuwen 12:15

Yoge nagagerik, at Natan nogo ame aret nage kagak, aap Uriya akwe Ndawut wagangge nagagerik, obaane'me pereegerak wulaga nogo, at Aliku ALA nen andi eeppereegerak.

Nekemiya 5:9

Puk aret ogo mbareegwa, an nen ambinom yorage logonet, “Kit eekwi ti, eeriyak lek mendek aret eeko ogotik! Yi aakumi ndi aakumi inambik ninawim nogo nen ninendage maluk eerogo pinanukwak, ninogoba Ala ninagabiti mbako logonet, eerit nogo logorak lek mbakop?

Ndawi 69:6

Komaawi Lombok Menggendak nogoba Kaliku ALA wae. It aakumi iniki kat paga luunik wonogwe nogo, an eeke paga inendage maluk age, Iterali inogoba Ala yi wae. It aap kat mukkeren wogwe nogo An neebe paga inenggali ogwe, Eerugwaarik o.

Ndawi 74:10

Togop aret me, Ala wae. Kat kawim nen meek eerogo pagit unggwogwe, Kinom ogoorak nen kendage miyuk-meya eerogo pagagwi, Eekwi iigak Ne mande ari nagin o?

Ndawi 94:12

Kaliku ALA wae. It aap inaruk wake, Koone yugu liiru mbanak nogo liirogon mamuninake, Eeppiige menggendak nogo Inale'nggen aret mbako menggaarak o.

Ndawi 99:8

At Aliku ninogoba Ala ti, Inoone yogwi iinok, onggo yorage nagagerak o. It maluk eekwi iinok, onggo eeppiige nagagerak kwe, “Ala ti nineebi,” mbaka'lek, “Ninomaluk lek eerogo pinanega ti, Ala aret o,” Yinuk, mbako nogogwaarak.

Yetaya 52:5

Aliku ALA nen ambi ari logonet, “Alom lek kagak napuri ugun wogoren nogwe, It aakumi inarum wonogwe nen meek eerogo piigwi, Eekwi me, An yogondak nonggop eeppiyoorak mbake agarik o?” yinuk, Aliku ALA nen yegerak o. “Kubondendok nen nok oonikiya ari nage kagak nendage miyuk-meya eerogo panegak eeko agaarik o.

Amot 3:2

“It aakumi ndarak logok lombok abok aret o nggween paga wonogwe iigak, It Iterali mban an napuri logowak nduk, leenogo piyareegirak me, It yi maluk ndi maluk eekwi paga aaninggin inoba kwippiyaagin o, Aliku ALA nen aret yegerak me, yokkiragi o,” yinuk, yoragagirak.

Matiyut 18:7

Kit o nggween paga yime maluk eerumunggup nduk, eekkinake ti, wonage aret me, kinabuwa o. Maluk eeriyak eekkinake nogo ti, logogin aret kwe, it aap nen kit maluk eerumunggup nduk eekkinakwi iinok perak, inabuwa o.

Oroma 2:24

“Kit eekwi paga it endekem konenggulik mendek nen Ala endage miyuk-meya eerogo pogo agaarik o,” yinuk, liiru mbanak wonage nogo kit Yakuri nen aret eekwi kiigi o.

1 Korindut 11:32

Peebi it aakumi nggween paga mendek abok aret inowak loonogo maluk onggo inoba piige logonet, nit ninom ninoba pinanege kero, yogondak at ninowe nen nit eekwi liippinaninuk, niniki koonogo pinanege menggerak.

Wayu 3:19

It aakumi an niniki kunik eeginake minggirak nogo ti, inaruk wake, iniki koonnaruwak nduk yawi inooke, eeke minggirak me, iniki koombunuk, inomaluk nggaruk togon mbo puwak o.