2 Tamuwen 12:11 - Ala Wone Peenok Peebi Mbanak

¹¹ At Aliku ALA nen ambi ari logonet, Apuri lombok nen aaninggin-paaninggin at oba pugwi, at enegen kagak akuwi ndinogo at imbirak menggerak wogoge neenok kin paga wurinake, eeruwak nduk, eeppiyaagino.

2 Tamuwen 12:11 Iomraidhean Croise

2 Tamuwen 15:10

Nage logonet, at Abatalom nen it Iterali mendek inanebunu lombok wonogwe me abok aret wone kote eerogo nappiige logonet, “Oone eeka trompet nogo oone pu eekwi kinaruk konembunuk, Abatalom nogo o Keboron nen inowe endagembogut mi'naga, yinuk, keekok yuwak o,” yinuk, nappiyareegerak.

2 Tamuwen 15:14

Yori wage mbareegi, Ndawut nen at awuri inom yabu eeko menggaarak o Yerutalem wonogwe nogo, yorage logonet, “Wologwe! Nawi aret o. It Abatalom awuri inom ninooriyak nduk wogwe yi aret me, elaambirik wonogwe kenok, it wogo logomenggaarik, nit awo mbaganit nogwe me, mu'niren ninoori nogwe, inawooluwak paga o kota yime wonogwe nogo inoorogo piigwi, eerukwak, nit mbet-mbet aret kole mbaganuwi o.”

2 Tamuwen 15:6

It aakumi Iterali mendek abok aret aap endagembogut nen inawone amburu mbanogo inowak looniyak nduk, at owagam wogwe iinok, at Abatalom ti eeke nagagerak paga iniki nomonogo at paga mban piige nagagerak.

2 Tamuwen 16:11

Yorage nagagerik, at Abitayi inom, at awuri inom yabu eeko menggaarak inom, yorage logonet, “Napuluk nen kwe, nooriyak ari me, at aap Mbeniyamin mendek yi, nooriyak ari paga iya mbarugup o. Aliku ALA nen togop yogerak paga nen pulunogo panege kagak yukwak, teppinip o.

Ayup 31:10

An nenggali age, maluk kenok nowak loongge, Eeriyak aret me, Nakwe nen aap alik ake gandum yigike, Aap alik inom nogo yit nege, Eeke logonetak kwe, lek me meek o.

Yetikiyen 14:9

An nen yoge neegak yoraga ti nen wone abe lek ambit iluk alik ambi yoroorak inikime eeke kenok, Naliku ALA an nen aret wone alik yoraawak nduk, inikime eeppege me, yoraagin o. At wone alik yoraawak nduk, iniki me mambege neenok, yoramenggerak ti paga an napuri Iterali inenggela'me nen aap ti, enggaawak lek eerogo pigin o.

Pelaareegerak 17:17

Akuwi paga iniki nomoninuk nookwak, kumi ambik wogonake, ndi, eenggi warak logowak nduk, mbuti emas inom, perak inom, ambik lombok kuwak eekkolage, eeriyak mage o.

Pelaareegerak 28:30

Kit nen kinakuwi wogonaburak nduk miirogo patumonggotak kiigak kwe, aap alik ambi nen imbirak nogo yugwi, kinawi ngget wukkolamonggotak kwe, time nogo yega'lek mbo pugwi, kineyabume anggur awi yarumonggotak kwe, anggen mbanggolaga'lek mbo pugwi,