2 Tamuwen 12:1 - Ala Wone Peenok Peebi Mbanak

¹ At Aliku ALA nen Ndawut wone yoruwak nduk aap Natan nappi wagagerak wage nagagerik, yoge logonet, “Aap mbere o kota ambit me wonogo logonet, ambi eenggi warak, ndi, ambi eenggi lek, wonogogwaarak.

2 Tamuwen 12:1 Iomraidhean Croise

2 Tamuwen 11:25

Yoge mbareegi, at Ndawut nen aap wone yori wagagerak nogo yoge, “Wim eeko logonet, aap inetenggen yomboonogo inookulik ugun aret inooko menggaarak me, aap Yowap iniki ma'narugurik o. Ata, iniki nu'lek ogogumbuk a'nuk, awim inawi kota paga kwi'nari unggwage logomenggerik, mondok pup eerogo piyoorak wakkenet unggwage logowak nduk, wone yi yori nak o,” yinuk, eerogo nappereegerak.

2 Tamuwen 12:2

Aap eenggi warak nogo aanggumi kambin-ndomba inom, lembu-tapi inom, ambik aret wonagagerak.

2 Tamuwen 14:14

Niyo toolak kilirogo punuk, waganogo tookulik nogo kokwak, nit abok aret kambugun kwe, at Ala nen aakumi inooriyak nduk, koonggeelik o. Aakumi mbo piigaatak nogo kobak aago logokwak, wogoren piya wage menggerak o.

2 Tamuwen 7:17

Yoge mbareegi, at Natan nogo Aliku ALA nen kin paga yoreegerak nogo ndak-ndak aret Ndawut mbininogo yori nagagerak.

1 Endagembogut 1:8

Ala unde Tarok inom, Yoyara aput Mbenaya inom, Ala nen yoge kagak yoraga Natan inom, aap Timeyi inom, Ereyi inom, it aap Ndawut arum menggaarak inom, it nen, aap Aroniya kooneegerak nogo, “Eo,” yinuk, inom ari noolik.

1 Endagembogut 13:1

Aap Yerobeyam nen obari abe kaga nogo kani kunikit nduk kani kunggo menggam taati mi'ndak wonage me, aap Ala wone liirogon eeka ambi at Aliku ALA nen, “Wone yi yori nak o,” yinuk, yoreegerak nogo yoriyak nduk, o Yekura nen Mbeten nagagerak.

1 Endagembogut 18:1

Ti'nuk peebi logonuk negen, tahun mbere eeppunuk, ambi eerak paga Aliku ALA nen Eliya yoge, “An o yime mayu wuppi woraagin me, aap Akap keyaawak nduk, pekka nak o,” yoreegerak.

1 Endagembogut 21:18

“Aakumi Iterali inowe endagembogut o Tamariya logonet, inarum menggerak Akap nogo nen aap Nabot eyabume anggur awi yarak unde eekkolaakit nduk, nagaarak time wonage me, pekka nak o.

1 Endagembogut 4:5

At Natan aput Atariya ti, it aap o alitik-alitak unde menggaarak nogo inowe wonage, Natan aput Tabut ti, Ala unde logonet, aap endagembogut imbirak wone koongga wonage,

2 Endagembogut 1:3

Yoragagerak nogwe iigak, at Aliku ALA ayonggo malayikat nogo nen aap Titebe mendek Eliya yoge logonet, “Aap Tamariya mendek inowe endagembogut nen nappiya wagaarak wonogwe ti, kinom lambuni nage logomenggendik, wone yogop yoraamunggun o. It Iterali wonogwe me, Ala lek kenok, it Ekoron mendek inagugi Mba'an-Tebup nen yoraawak nduk, nggino yori nogo agaarik ya? yegerak o.

1 Mbinineegwaarak 29:29

At Ndawut endagembogut logonet, wone lengganogo yorage, aap wakaa'ngget logonet, awim tebenogo piinet nage, yi wone ndi wone at oba age, Iterali inoba age, Iterali enaagan-ambokan yi aap ndi aap inendagembogut inabu'me piinok wonogo menggam wone agan nugwi, aa'nduk nen nok, age yobok kuli eerit nage nagagerak nogo abok aret, at abinggaanggo kaga Tamuwen eeke nagagerak liiru mbanak paga inom, Ala nen yoge kagak yoraga Natan eeke nagagerak liiru mbanak paga inom, abinggaanggo kaga Nggat eeke nagagerak liiru mbanak paga inom, mbinik-mbenak eerak liiru mbanak wonage o.

Yetaya 39:3

Titik irage nagagerik, wonage me, aap Ala nen yoge kagak yoraga Yetaya nogo aap endagembogut Kitikiya owagam wage nagagerik, yoge logonet, “It aap ti, ngga nen wogwe, ndi, nano wone yokkugwi, eekaarak o?” Yoge mbareegi, at Kitikiya nen, “It inawi o nda Mbaben nen aret wagaarak o.”