2 Tamuwen 11:2 - Ala Wone Peenok Peebi Mbanak

² Nogome logonet, ne ambi paga oonegen kilu yi nage kagak, at Ndawut nogo, nogo yege nagagerik, eenik a'nuk, endagembogut awi o nggwok abe wurik nogo yugum paga ndoonogo maarak awe aago paga nege-wege logonet, kwe ambi abu kigirikwe ngguu'mo wake enegen kagagerak.

2 Tamuwen 11:2 Iomraidhean Croise

Wakkagagerak 12:11

Nogo nogogwaarik, o Metit unggwi nawok nduk eeko logonet, Abaram nen akwe Tarayi yoge, “Kat kwe abu kigirikwe lombok me, it aap Metit mendek inigen keego logomenggaarik, Yi at akwe aret o, yinuk, kat ndinggako logonet, an noorukwak me, kat nen, Yi an noweeluk aret, yoraamunggun o. Togop yorage keenok, an nooka'lek teppanemenggaarak paga nimbirak op aret logogun o,” yinuk, yoreegerak.

Wakkagagerak 3:6

Yoge mbareegi, at kwe nogo nen eyo ti pekkage nagagerik, abu obeelom aret mbareegi, “Anggen yugu ti, noorak op aret o. Ndi, nengge neenok, yi wone ndi wone abok aret neenu arigin,” mbake nagagerik, eyoonggen nogo aret mbanogo nenggegerak. Nengge nagagerik, ando aap nogo wogoge mbareegi, aret nenggegerak.

Wakkagagerak 34:2

aap endagembogut Kewi mendek endage Kemot aput Tikem nogo nen kolaga Ndina nogo enegen kage nagagerik, wonok nanuk maluk eeppereegerak.

Wakkagagerak 39:6

Obeelom mban eeke kenok, at Potipat nen amindik-amendek abok aret waganogo, “Kat mban aret arum logot o,” yinuk, Yutup eenggi paga mban pege nagagerik, at we noorak mendek kenok mban koongge nagagerak. At Yutup nogo ti, eebe mondok amuni mbanak obaabut yanggonak lombok wonagagerak.

Wakkagagerak 6:2

Ndi, it Ala apuri nen it endekem mendek inapurilogwe komologwe amuni mbanak kigirikwe iinok, iniki nen uugwe mbako nagaatik, we ugun aret wogonako nogogwaarak.

2 Tamuwen 13:1

Ti'nuk peebi, ne ambi paga at Ndawut aput Abatalom awuluk kolaga abu kigirikwe endage Tamat aret me, Ndawut aput Amonon nogo nen kolaga Tamat nogo iniki nengge nagagerak.

2 Tamuwen 14:27

At Abatalom nogo obaane'me apurilogwe wologwe ineebe kenagan ndaganake, ndi, kolaga ambit endage Tamat aret ndake, eereegerak. Kolaga nogo ti, tawe age nagagerik, abu kigirikwe lombok aret wonagagerak.

2 Tamuwen 4:5

At aap Itibotet nogo, o liingge ame time windak wonage me, it aap o Mbeerot mendek Irimon apuri Erekap Mbaana imbirak mo telek togon pege kagak, at ame nogogwaarak.

2 Tamuwen 4:7

at Itibotet nogo, nogo yege menggim time eyo ndoonak paga windak wonage me, ndanuk togon wareegwaarak kangge mbareegi, anobak mbaninuk wonok oonikiya paga tu o Araba kobappaga nogo paga

Ayup 31:1

Kolaga tawe niniki nengge kero, Nenegen pekkoorak mondok lek o, yinuk, Niniki abuk nggaruk togon koonogo pereegirak o.

Ndawi 119:37

Aanom warogo kagak mugurok nage logokwak, nena koonogo panege, Eeke logomenggendik, Eerit nage menggendak nogo an eerit nage logokit nen, Aa'nduk wonagagi kwak eerogo panu o.

Kini Wuppiige 19:15

Aap yabu eeka'lek puk wonogwe paga nogo yuurak mban eeginabi wage, Ndi, yabu eeriyak ineebi mbakwi paga mbi abu aganake, Eeke menggerak.

Kini Wuppiige 31:30

Kumi abe mbaruwak inoone yanggik-yanggok agan nugwi ti, pilit aret yogwe, Ndi, inete kigirikwe ti, maluk ariyak kagak wonogwe, Eeko menggaarak kwe, Kwe ambi nen Aliku ALA agabiti mbake kenok perak, tiyappogo logowok o.

Kini Wuppiige 6:25

Kambi noorak ake kawu ambiriluk wonage kwe, kumi mbabilu nogo nen aret nunggwi, Keenik logorak iya kwe, kumi inogonggelomini warak nen kenggaawak lek eerogo pagarak nduk eekwi, Eeko menggaarak me, “Kumi kigirikwe me,” yinuk, kiniki nengge, Yilunogo pagawok nduk inigen nimik yokkugwi iinok, muguren nege, Eeriyak mage o.

Kini Wuppiige 7:8

Eeke nagarik, oonegen kilu yi nage, o ndonggo agan nage, Eeke logonet, O apit eerogo pege kagak, wulaga ti, kwe ambi ame tu nage menggim nanuk kwe nogo awoore'nggam ari nage kagarak o.

Yeremiya 19:13

O kota Yerutalem inawi wurik kirin ndoonak paga time laaluguragan ninggirik inake obari abe kaga kani kunggwi, an wonage neegak kwe, it kugi inake anggur amburu kilirogo pugwi, eekwi iinok, o Topet maluk ogole warak eerogo pereegwa kwak, aakumi Yerutalem mendek inawi wurik inom, it aakumi Yekura inoweewi inendagembogut inawi wurik inom, togop aret eerogo pigin, yoret o,” yinuk, yegerak me, yokkiragi o.

Matiyut 10:27

An nen oonikiya negen kote kumaarogo yokkirage nogo ti, kit nggwok paga o eya paga yorogwe, ndi, yagakop wone paga yogwe konenggwi nogo ti, o kirin paga laganuk, kuum-keek paga paganogo yorogwe, eeko logonu o.

Matiyut 5:28

an nen perak, Yi aap ndi aap kumi inigen pegiigo nagaatik, iniki nengge kenok ti, muk inikime nen wukaarak aret, yokkiragi o.

Nappiigak 10:9

It nappiya wagagerak nogo, nogo ambi yippunuk, ko'lu wogo logonet, o Yope koorok panggo yi wogwe iigak, at Peterut nogo, o liingge oonegen 12 negen tamban eerikit nduk, yugum o wurik kirin paga time lagi nagagerak.

Pelaareegerak 22:8

Kit o ngget wuko logonet kenok, kinapuri yigeebu wambemenggaarak paga amiya kinawi ti paga maluk eerogo pukwak, o tiyarogon ndoonogo wurik ti paga yendok-wandok yagat wurogo pogo logomunggup o.

Pelaareegerak 5:21

Aap ambi akweeluk a, awi wurik a, eyabu yarak a, ayeloman kumi-aap a, aanggumi lembu-keledai a, amindik-amendek abok aret kiniki nen uugwe-uugwe mbako logorak mage o.

1 Peterut 4:7

O age yobok paga eeriyak abu koorok panggo yi wagaarak me, tamban eeko logobagip nduk, kiniki kwi'ndak nu'lek logonet, kinagaket paga logonip o.

1 Yaya 2:16

It aap nggween paga mendek nen iniki nengge kenok mugurok nogwe nogo inom, inigen pekkenok, uugwe mbakwi nogo inom, “An koongge mban iya o,” yinuk, wogoppatit nugwi nogo inom, ti eeko menggaarak abok aret eerit nugu logowak nduk ninogoba nen koonggeelik o. Ata, it aap nggween paga mendek nen aret iniki koombunuk, eeko menggaarak o.

1 Tamuwen 9:25

Nonggo nogogwaarik, puurom lako menggam time nen wambi woraanuk, o kota Tamuwen ame nogome unggwi nogo nogogwaarik, tilaabaga wone mbanggwi nogo yereegwaarak.