2 Tamuwen 10:12 - Ala Wone Peenok Peebi Mbanak

¹² Yoge nagagerik, “Kogogumbuk nu'lek logot o. It aakumi nit mendek inili eerogo piigwi, ninogoba Ala nen kota-kota wo'niragagerak ili eerogo pugwi, eeruwok nduk, ninogogumbuk wakaa'ngget eeppunuk, wim eekwi niigak, at Aliku ALA nen eeppinaniyak mbake nogo mban eeppinanege logowak o,” yinuk, yoreegerak.

2 Tamuwen 10:12 Iomraidhean Croise

2 Tamuwen 10:11

awuluk Abitayi nogo yoge logonet, “An aap Aram mendek ninom wim namburiyak nduk wakkaminggirak kwe, it inomaawi age kenok ti, kat nen an yeenggwa niri wage, ndi, kat eeke me time aakumi Amon mendek inomaawi age kenok ti, an nen kat yeenggwa kiri nage, eeruwok o.”

2 Tamuwen 15:26

Ndi, Ala nen, Kat an ninikilom lek aret o, yo'nege kenok, ti op mban aret me, at eeppaniyak mbake kenok ti aret eeppanege logowak o,” yinuk, yoreegerak.

1 Mbinineegwaarak 19:13

Togop me, kogogumbuk nu'lek logot o. It aakumi nit mendek inili eerogo piigwi, ninogoba Ala nen kota-kota wo'niragagerak ili eerogo pugwi, eeruwok nduk, ninogogumbuk wakaa'ngget eeppunuk, wim eekwi niigak, at Aliku ALA nen eeppinaniyak mbake nogo mban eeppinanege logowak o,” yinuk, yoreegerak.

2 Mbinineegwaarak 32:7

“Aap Atiyut mendek inowe endagembogut eege, awuri aap ineegin warak at iyo'me agaarak ineebe apit aago eege, it ineebe paga kinagabiti mbakwi, Nit yi, ninomaawi lek me, meek kogo o, yinuk, yogwe, eeriyak ti mage o. It iniyo'me agaarak ti, we mbereret wonogwe, ndi, an niyo'me agaarak ti, ambik lombok me, kiniki kwippunuk, nu'lek logonip o.

Nekemiya 4:14

Piinet nagagirak nogo inagabiti mbakwi liippiige nagagirik, mi'na'nuk, it inoweewi inengga warak inom, o unde inom eeko menggaarak inom, it aakumi ando inom, yorage logonet, “It ineebe paga kinagabiti mbakwi mage o. At mondok nggwok kenok ayuk wuko logonet pi wakwi kinogoba Ala eeke menggerak nogo, abeko logonet, kinoreewi inom, kinapuri wologwe-komologwe inom, kinakuwi inom, kinawi inom, ili eerak logowak nduk, kinawim kinom wim eeko logonip o,” yinuk, yoragagirak.

Nekemiya 4:8

Age nagagerik, it abok aret iniki ambit eeppunuk, wone mbanggo logonet, “O Yerutalem pak wukwi ti, naalop-kaalop eerogo piyaawok nduk, ninom wim eeri nawok o,” yinuk, wone mbaneegwaarak kwe,

Etet 4:16

“It aakumi Yakuri mendek o Tutan wonogwe nogo abok aret kuwak eeppiya nage logomenggendik, ko'lu-kii'me niyo inom, mbi inom, nengga'lek kinambe mage negen logonet, an nake tamban eekwi kiigak, nogo kenagan yumunggup o. Ti eekwi kiigak, an togon, it an ndegennako menggaarak kumi tawe togon, togop ndak-ndak aret eeko logogun o. Eeko logomonggoorik, wone yugu nogo an taganogo punuk, aap endagembogut owagam unggwi naminggirak me, Kambuwak o, yo'nugwi iinok ti, an kambuurak op aret o,” yinuk, wone eerogo nappereegerak.

Ayup 1:21

Alut eeke logonet, “Nagalo inikime nen we nagap mbelanak nda'nagagirak me, Kambunuk, we nagap mbelanak aret nagin o. Kaliku ALA nen wo'nege, Kaliku ALA nen mban wogonake, Eekendak me, Kaliku ALA kendage mban tiyappege logokit o,” yinuk, yoreegerak.

Linggineegwaarak 13:20

Ndi, nggween ti perak, nonggop wonage o? Amburu warak kaamunggup ilik, amburu lek kaamunggup a? Yabu pena obeelom kaamunggup ilik, lek a? kinigen yomboonit nugu logomonggotik, kiniki kwippunuk, anggen time mendek ambi kero, mbaninuk wa'nu o,” yinuk, yoragagerak. Anggur anggen mbaninuk wa'nu o, yoragagerak nogo ti, anggur anggen iyaalok mbanggwi eyom paga aret me, yoragagerak.

1 Korindut 16:13

Kit kinagabiti lek kinogogumbuk logonet, Ala abet mbakwi nogo paga kiniki kwippunuk, tum pippak wako logonip o.

Pelaareegerak 31:6

At Aliku kinogoba Ala nen teppinagage, eraanggi mbo pinaganuk mbagangge, eerigin lek kinom aret nagin me, it aakumi ti, ineebe paga kinagabiti mbakwi, kinaganak nuk-nuk kirage, eerugup o. Ata, kit kinogogumbuk kiniki nu'lek eeppatinuk logonip o,” yoragagerak.

Pelaareegerak 31:7

Yorage nagagerik, at Muta nen Yotuwa wiige nagagerik, it Iterali mendek abok inenggaanom paga yoge logonet, “Yotuwa wae. Kat nen aret it aakumi yi, o at Aliku ALA nen, Wokkiraagin o, yinuk, abuk nggaruk togon kumbuk mbanogo inombomini yoragagim time wogoren unggwi nage logomenggendik, nggween nogo ineyate kwak unde a'nuk logowak nen, mbanogo wogoraanok nduk, piya noorak me, kat kogogumbuk kiniki mondok nu'lek eeppatinuk logot o.

Iberani 11:33

It aap ti, Ala nen yoragagerak abet mbareegwaarak paga, it aap inendagembogut inabu'me piigo menggam tebenogo piigwi, obeelom eerit nogo logonet, a'me nggelok eeko logowak nduk, koonogo piigwi, Ala nen yoragagerak nogo ndak-ndak aret waganggwi, aakumi inooka singa nogo inambe keele maarogo piigwi,

Yotuwa 1:18

Aap ambi nen kat koone ari nogo, Eeriyak neebi, mbake, wone lengganogo yo'nirage nogo taganogo mbo pege, eeke kenok, aap ti kambuwak nduk, warogo puurak aret me, kat perak, kogogumbuk kiniki mondok nu'lek eeppatinuk logot o,” yinuk, yoreegwaarak.

Yotuwa 1:9

Kat kogogumbuk kiniki mondok nu'lek eeppatinuk logot o, yinuk, yokkigirak nogo lek a? Kat ambime nage keegak, Naliku kogoba Ala an nimbirak nagin me, kat kagabiti mbake, eerit nage logonet anggon eekkake, eeriyak ti mondok mage o,” yinuk, yoreegerak.

Owak Loongga 10:15

Yoragagerak kwe, it Iterali nen Aliku ALA yogo logonet, “Lek o. Nit abet aret maluk eekoorak me, kat op eeppinaniyak ninombakendak nogo aret eeppinaniyak kwe, yogondak perak, mbo pinaniyak ti mage o. Ata, yeenggwa niret o, ninogoba.”

1 Tamuwen 14:12

Yogo nogogwaarik, it aap Pilitin tum wakwi nogo nen Yonatan eegin wonok nega imbirak yorogo logonet, “Nit nen wone ambi yokkiraawok nduk, yime lagi woraanip o.” Yorogo mbareegwa, at Yonatan nen at eegin wonok nega nogo yoge logonet, “At Aliku ALA nen it aap ti, nit Iterali nineenggime pinanegerak me, an time nage me mu'neren lagi omok o,” yoreegerak.

1 Tamuwen 14:6

At Yonatan imbirak puut ti paga ari nanuk, aap tawe eegin wonok nega nogo yoge, “Aliku ALA nen aakumi mbereeluk kenok, Aaninggin o, yinuk, mbo piigeelik mbereeluk aago inom, apit aago inom, ndak-ndak aret yeenggwaarage menggerak me, ninom a'nuk, it aap inagabolo mbana'lek Pilitin mendek tum wako menggam wonogwe me time nawok nduk, omok o.”

1 Tamuwen 17:32

Wiige mbareegi, Ndawut nogo wage nagagerik, Tawun yoge, “Nit Iterali mendek nen aap Pilitin mendek ti, eebe paga niniki ma'nariyak lek o. An kayeloman nen aap ti, nimbirak nambukkola naakit o.”

1 Tamuwen 3:18

Yoge mbareegi, at Tamuwen nen wone nogo ambit-ambi teppuulik abok aret mbininogo Eli yoreegerak. Yoge mbareegi, at Eli nen, “At Aliku ALA aret me, at eeriyak op kage kenok mban aret eeruwak o,” yinuk, yoreegerak.

1 Tamuwen 4:9

kit Pilitin mendek yi wae. Kit apit wakaa'ngget a'nuk, wim eeko logonip o. Togop eekwi lek kiinok, it Iberani mendek nit ninayeloman wonogogwaarak nogo pogom nit it inayeloman logukwak, wim abu wakaa'ngget a'nuk nambuko logonip o.”