2 Tamuwen 1:21 - Ala Wone Peenok Peebi Mbanak

^21-22 Kit puut-puut Nggilobowa yi wae. Kit paga time aap kalu-kalu inanggeemu paga Aakumi inoorak inamiya lengge aago wonage, It aap wakaa'ngget nogo, Inamok Tawun anggeemu paga lenggek ari me, Yi'mbaani kunukwak amburu waka'lek wonage. Yonatan omaale wonok waga'lek namburogo nappege, Tawun awooluwak paga we wonok waga'lek amiya labunik mban wonok wage, Eeko menggaarak kwe, Kit puut-puut Nggilobowa paga inoorogo piigaarak me, Miinanggen inom, mayu inom, kineebe paga wambi wage, Ndi, kinanggween paga yi mendek ndi mendek yaremenggaarak kwe, Anggen abe yege, Eeke logogin mondok lek o.

2 Tamuwen 1:21 Iomraidhean Croise

1 Mbinineegwaarak 10:1

Ne ambi eyom paga aap Pilitin mendek nen puut Nggilobowa time aap Iterali mendek inom wim nambuko logonet, apit aret inookwi iigak, it Iterali mendek eegu nogo mbaganit wogogwaarak.

1 Mbinineegwaarak 10:8

Ndi, ko'lu it Pilitin mendek nen puut Nggilobowa time it Iterali mendek inoorak inamendek kolaawok nduk, wogo nogogwaarik, at Tawun inom, apuri inom, inoorak wonogwe iyareegwaarak.

Ndawi Iya 4:4

Kenggaanok ti, wim eeka yi mendek ndi mendek pegak at Ndawut nen o abe nggorek wureegi kwak wonage, O time aap wakaa'ngget inanggeemu seribu tugunik kwak, kayiinggen togop aret yirik wonage,

Yetaya 21:5

It aakumi ti nogo nen mbi noorak ndoonogo pit nogwe, Kwi'nariyak kere'ngga ndoonogo pit nogwe, Eeppunuk, Mbi nunggwi, niyo nunggwi, eekwi me, “Kit aap wim eeka inoweewi yi, Pilak yinuk, kinawooluwak nggiginogo abin wakwi, Kinarin mbiganogo pugwi, Eeko logonip o,” Yinuk, yini-panip yorage kagarak.

Yetaya 5:6

Neyabu anggur awi yarak nogo anggup mbanogo nagabit nage, mogot mbanogo pit nage, Eerigin lek nggween nggwi-nggwi mban eerogo piminggirak me, Nggonggoondu penggaarogo pege, alok-palok mban lagangge, Ndugwi nen o mayu wuppi wage kero, Mage, yoriminggirak me, nggween mbuk age, Eerigin o,” Yegerak me, yokkiragi.

Yetikiyen 31:15

Aliku Itok Menggerak ALA nen yegerak nogo yi aret. “Eyo ti, aakumi kanggo menggam wambeegerak ti eyom paga an nen niyo nggween abu'na yenggenak nogo nen at erabun ndoombunuk ale yuwak nduk eerogo pege logonet, Niyo nage nogo puk aru o, yinuk, yoge neenok, yi niyo ndi niyo eneeri kila-kila wundit nage nogo puk arit nage, aakumi kanggwi iinok, le yogo logonet, inayum nibinik maluk mendek yikkologo mengga kwak, eyo wambeegerak ti paga o Libanon puut-puut togop aret eerogo pege mbareegi, yi eyo ndi eyo eyonggaame wonage nogo, teebat arit nage, eereegerak.

Yowen 1:9

Gandum ake pi wogwe, anggur amburu ake kilirogo pugwi, eekwi nogo, Aliku ALA awi wurik me nen muk lek agaarak o. Ndi, it aap Ala eebe unde nen Aliku ALA enggaanom paga ake liirogon eeka nogo leenggu maako agaarik o.

Owak Loongga 5:23

It kota Merot menggaarak nogo nen it aap wakaa'ngget inom wim eekwi iinok, Aliku ALA yeenggwaariyak woroolik me, Aliku ALA ayonggo malayikat nogo nen o kota Merot pulunogo pege, It o time wonogwe nogo pulunogo piige, Eeruwak, yegerak o.

1 Tamuwen 10:1

Yoge mbareegi, ayeloman nogo nappereegerak nage kagak, aap Tamuwen nogo nen eyo tayitun amburu yiiwa'na toolak nogo wagangge nagagerik, Tawun anobak paga kilippunuk keyage wake, agandin eyak mbangge, eeke nagagerik, wone yoge logonet, “Ala apuri iniki kundugu Iterali nogo inarum logonet, inawone mbangge logonok nduk at Aliku ALA nen kat aret leenogo mippagagerak keenu a'nok nduk, amburu kilippagagi o.

1 Tamuwen 31:1

Ti eerit nogwe eyom paga aap Pilitin mendek nen puut Nggilobowa time aap Iterali mendek inom wim nambuko logonet, apit aret inookwi iigak, it Iterali mendek eegu nogo mbaganit wogogwaarak.

1 Tamuwen 31:8

Ndi, ko'lu it Pilitin mendek nen puut Nggilobowa time it Iterali mendek inoorak inamendek kolaawok nduk, wogo nogogwaarik, at Tawun inom, apuri kenagan inom, inoorak wonogwe iyareegwaarak.