2 Tamuwen 1:19 - Ala Wone Peenok Peebi Mbanak

¹⁹ “Kit nowe-nawot Iterali mendek yi wae. Kinapuri ineegin tiyanak nogo, Wim tinime puut-puut time inoorogo piigaarak wonogwe o. Kawuri wim wakaa'ngget kwe, ne ambit liingge nggonenak wanggaarak o.

2 Tamuwen 1:19 Iomraidhean Croise

2 Tamuwen 1:23

Tawun Yonatan imbirak ineenik logonet, Aakumi inom iniki kunik wonogwe, Inom inale'nggen paga nugwi, Eereegwaarak me, Kanggo logonet kunduk, imbirak lambunik aret kanggaarak o. Tu nogo logonet, Towe nggindooni nege kwak lek it inogowa ambik nogwe, Ndi, inomaawi perak, Singa omaawi kwak lek it inomaawi ambik wonogwe, Eeko nagaarak o.

2 Tamuwen 1:25

Kinaagalogwe wakaa'ngget ne ambit liingge paga, Nggonenak wanggaarak me, iya! Kinabuut paga time Yonatan warogo pegaarak wonage o.

2 Tamuwen 1:27

It aap wakaa'ngget nogo ti, Ne ambit liingge paga nggonenak wanggaarak me iya! Nit nineegin-ninomaale nogo, abok aret lek aga o,” yinuk, at Ndawut nen lendawi paga ndawi pereegerak ti aret o.

Yetaya 4:2

Ne ti eyom paga Aliku ALA Agarip Ndarak nogo mondok abe kwit agan lagangge kagak, yi mendek ndi mendek awi yarak anggen abe yit nage kenok, it Iterali yumbunogo piyamenggaarak nogo nen, “Ninanggween yi, iya o,” yinuk, tiyappugwi,

Yetaya 53:2

Aliku ALA ayeloman nogo at enggaanom paga eyo agarip lagangge menggi kwak tawe age, Agarip nggween woloonak paga mbilangge menggi kwak kin ari wage, Eereegerak. At enete kigirikwe ayuk warak me pekkoorak ee'ninake, At eebe abe me ninom logorak ee'ninake, Eeka'lek aret wonogogurak.

Leendawi 2:1

Ndugwi nen puut lenggenogo pit nage menggi kwak, Nogoba Ala anini o Tiyon Aagalukwe oba lenggenogo pereegerak ti mondok iya o! Iterali endage tiya agan mbogut paga ari laganeegerak nogo nggween paga mbo wuppi wage, At anini eeppiyoorak eyom paga at iyok pi wangge menggim teppega'lek anini inoba kwippege, Eereegerak o.

Leendawi 5:16

Nggare-nggare ninanobak paga yirik wonagagerak nogo nggorok togon wambit nage, Eereegerak o. Nit maluk lombok eeko nogogurak paga ee'ninake me, ninabuwa o!

Takariya 11:10

Yorage nagagirik, nowaanggun endage, Inabuwa Nen Wogoraga, nogo woppunuk, “Yi aakumi ndi aakumi abok ninom wone abuk nggaruk togon koonogo pereegirak nogo lek aga o,” yinuk, kalenogo pereegirak.

Takariya 11:7

Yo'nege mbareegi, an nen it ndomba kunogo wariyak nduk leenak nogo, ndegeninabit nege nagagirak. Ndegeninabit nege logonet, ndomba ndegeninakak waanggun mbere wagangge nagagirik, ambi endage, Inabuwa Nen Wogoraga, toonogo pege, ndi, ambi endage, Inom Kunik Eeka, toonogo pege, eeke nagagirik, wogoren nege nagagirak.

1 Tamuwen 31:8

Ndi, ko'lu it Pilitin mendek nen puut Nggilobowa time it Iterali mendek inoorak inamendek kolaawok nduk, wogo nogogwaarik, at Tawun inom, apuri kenagan inom, inoorak wonogwe iyareegwaarak.