1 Tamuwen 9:20 - Ala Wone Peenok Peebi Mbanak

²⁰ Ndi, kat kaanggumi keledai kobak agaarak kagak, nogo kenagan yegendak nogo ti, muk kwaaginakaarak me, kiniki piirik logogun o. It aakumi Iterali abok iniki mbakwi nogo, Ta nen eeke logogin o, yinuk, kwaakwi nogo, kat inom, kowe-kawot inom, liippinagaga'lek mbake agandik?”

1 Tamuwen 9:20 Iomraidhean Croise

1 Mbinineegwaarak 29:3

Ndi, Nogoba Ala awi wuriyak, uugwe lombok mbake minggirak me, yi mendek ndi mendek pipuk eerogo pigirak nogo, oba lunogo an nogoba Ala awi wuriyak ake an namendek lombok mbuti emas inom, perak inom, pereegirak nogo ti,

Ndawi 62:10

Aakumi inamendek nomonogo kologwe paga Kiniki panggonak wonogwe, Inamendek ndinggologwe paga kiniki wogoppakwi, Eeko logorak mage o. Kinamendek ambik age kenok, Kiniki ti paga panggonak logorak mage o.

Kolote 3:2

Kit kanggo mbareegup, Ala nen kineenik agago mippinagage nagagerik, Keritut kinom Ala iniki me kumaappinagago wonage me, kiniki nggween paga mendek paga panggombunuk logogup o. Ata, kiniki agi mendek paga mban panggombunuk logonip o.

1 Tamuwen 10:16

Yorage mbareegi, at Tawun nen ari logonet, “Keledai nogo muk kwaaginakaarak wonogwe o,” Tamuwen nen yoreegerak wone nogo mban yoreegerak kwe, Tawun aap inowe endagembogut logorak wone yoreegerak nogo perak, yorulik.

1 Tamuwen 12:13

yinuk, nggino yo'nogo nogotik, kinowe endagembogut miikkologotak nogo, at Aliku ALA nen mippinagagerak yi aret me, kinigen kaanip o.

1 Tamuwen 12:15

Ndi, Yogop ee'nu ndogop ee'nu, yokkirage nogo konembunuk, eeka'lek mbo pugwi kiinok perak, kinombomini eeppiige nagagerak ndak-ndak, at Aliku ALA nen kit inom, kinowe endagembogut inom, maluk eeppinagage logogin o.

1 Tamuwen 4:20

Ndappunuk, kwe nogo abu kambuurak eeke kagak, it kumi elege ndaganaka nogo nen at yogo logonet, “Kagabiti arugun o. Kaagaluk aap aret ndakendak me,” yinuk, yoreegwaarak kwe, wone nogo liippege, onggo yorage, eeka'lek kangge logonet,

1 Tamuwen 8:19

Yoragagerak kwe, it aakumi nogo nen, at Tamuwen oone ari koneniyak ineebi mbako logonet, “Ti yagandak kwe, lek o. Aap endagembogut ninarum logowak nduk, mippinaniyak aret o.

1 Tamuwen 8:5

at yogo logonet, “Ninogoba wae. Kat abu kanggok agandak keegak kwe, kapuri nogo kat eeke menggendak ndak-ndak eekwi lek me, it aakumi inanebunu alik mendek inoweewi inendagembogut inarum wonogwe ti pogom, nit ninowe endagembogut ninarum logowak nduk, aap ambi leenogo mippinanu o.”

1 Tamuwen 9:19

Yoge mbareegi, at Tamuwen nen, “Aap obagari yaga ti, an aret me, o yogondak yi eyom paga kat nimbirak mbi noorak nduk, kaa'nduk Ala yogo menggam puurom time lagi nage logot o. Mbi nenok, ko'lu o weege kenok, wone kat kiniki mbake nogo yokkege neenok, kiyokan kame aret nanok o.

1 Tamuwen 9:3

Ne ambi paga Tawun ogoba aap Kiti nogo aanggumi keledai kobak ogo mbareegwa, at Kiti nen apuluk Tawun nogo yoge, “Nayeloman ambi kimbirak keledai nogo kwaaginabi nanip o.”