1 Tamuwen 9:15 - Ala Wone Peenok Peebi Mbanak

¹⁵ At Tawun nogo Tamuwen imbirak lambungga'lek kagak, o kobit at Aliku ALA nen Tamuwen yoge logonet,

1 Tamuwen 9:15 Iomraidhean Croise

2 Tamuwen 7:27

Ndi, kat Komaawi Lombok Menggendak Kaliku Iterali inogoba Ala wae. Kat nen an kayeloman yo'nege logonet, Kapuri-kombowologwe wiganak paga mban Iterali inarum logogun, yo'negendak ti paga an kayeloman nagabiti lek nogogumbuk logonet, wone yi, yokkege agarik o.

Ayup 33:16

Aakumi inomaluk mbo puwak nduk eeppiige, It iniki wogoppakwi iyo tebenogo piige, Taambiigo menggam nogwe iyo, non mbanogo piige, Niyo mbambegak abu-abu nogo menggam nogwe iyo, yilunogo piige, Eeke logonet It aakumi ando inaruk konengga'lek iinok, konenuwak nduk, eerogo piige, Kurumbi yorage paga inagabolo ne agan nawak nduk, eeppiige, Eeke menggerak o.

Ndawi 25:14

Kaliku ALA nen wone kote koonogo pege ti, It aap inagabiti kombakwi nogo aret yorage, Kinom wone nggaruk togon koonogo piyareegindak nogo, aret ineenu eeppiige, Eeke menggendak.

Amot 3:7

At Aliku Itok Menggerak ALA nen eeriyak koongge ti, Ayeloman mini at nen yorage kagak yoraga nogo, Wone yoraga'lek kagak it perak togon yorogo logorak lek aret mbako logonip o.

Nappiigak 13:21

Mippege mbareegi, ti'nuk, it aakumi nen, Ninarum logorak ninowe endagembogut ambi mippinanu o, yinuk, yogo mbareegwa, at Ala nen Kiti aput Tawun anebunu Mbeniyamin mendek nogo, mippege mbareegi, wone lengganogo yorage kagak, tahun 40 aret eereegerak.

Nappiigak 27:23

An Ala aput me, abu'me logonet, at obaalombok eeke minggirak nogo nen yonggo nappiya wage menggerak malayikat ambi kii'me oonikiya neya wage nagaarik, yo'nege logonet,

1 Tamuwen 15:1

Ne ambi paga at Tamuwen nen Tawun yoge, “At Aliku ALA apuri Iterali inowe kendagembogut logorak amburu eerogo mippagakit nduk, Aliku ALA nen an aret nappani wagagerak me, yogondak Aliku ALA nen wone yokkege yi, konengge logot o.

1 Tamuwen 20:2

Yoge mbareegi, at Yonatan nen, “Togop yagandak ti kwe, kat koorigin lek o. An nogoba nen yi mendek ndi mendek mbuuluk a, nggwok a, eeke logonet, an yo'nega'lek kagak, eekeelik me, kat nen, Eeppanigin, yagandak nogo ti, an yo'nega'lek kagak, eeppagarak mbaken? Ti lek aret mbaki o.”

1 Tamuwen 3:21

Ndi, at Aliku ALA nogo nen o Tilo taati eebe nikka wagak eeke logonet, Tamuwen imbirak wone mbanggo nogogwaarak paga, “Ala ndogop o,” yinuk, eenu agagerak o. Ndi, at Tamuwen wone ari nogo it aakumi Iterali mendek abok aret konenggo nogogwaarak.

1 Tamuwen 9:14

Yorogo mbareegwa, at Tawun ayeloman imbirak o kota nogome unggwi nawok nduk, tu unggwogo menggam ari nogwe me, at Tamuwen nogo puurom paga alut eekwi me time lagi naakit nduk wundi wage nagagerik, inom lambuneegerak.

1 Tamuwen 9:17

Yoreegerak nogo ndak-ndak at Tamuwen nen Tawun imbirak abuk ogo mbareegwa, at Aliku ALA nen at Tamuwen yoge, “Kii'me an yokkigirak nogo aap yi aret o. At yi nen aret an napuri Iterali inarum logonet, wone lengganogo yorage logogin o.”