1 Tamuwen 8:4 - Ala Wone Peenok Peebi Mbanak

⁴ Togop eeko mbareegwa, it aap Iterali mendek inoweewi nogo apit aret kuwak eeppunuk, Tamuwen o Arama wonage me ka wogo nogogwaarik,

1 Tamuwen 8:4 Iomraidhean Croise

2 Tamuwen 3:17

Nage kagak, at Abenet nen it aap Iterali mendek inoweewi yorage, “At Aliku ALA nen aap Ndawut wone abuk nggaruk togon yoge logonet, An napuri Iterali nogo, it Pilitin mendek inom, kinawim alik mendek inom, ineenggime nen ndinogo inagap ndake logorak kat nayeloman Ndawut leenogo mippagareegirak o, yinuk, yoreegerak. Ndi, kit kunduk, o maan nen, At Ndawut ninowe endagembogut aruwak, mbako monggotak nogo, yogondak nanonggwan aret agaarak me, at aret ninowe endagembogut logowak o,” yinuk, yoragagerak.

2 Tamuwen 5:3

It Iterali inoweewi abok aret aap endagembogut Ndawut o Keboron wonage me, wone ti, yogo mbareegwa, at Ndawut nen o Keboron time Aliku ALA enggaanom paga it inom wone amburu nggaruk togon mbambunuk, it Iterali abok aret inowe endagembogut logowak nduk, at Ndawut amburu eerogo mippereegwaarak.

Wundeegwaarak 24:1

Yoge nagagerik, at Aliku ALA nen Muta ambinom yoge logonet, “Kat inom, Karun inom, Narap inom, Abiku inom, it aakumi Iterali yo'nggok ineebe 70 inom, kit apit aret Naliku ALA nowagam lagi wogo logomonggotik, it ando ineebe tayorogon taati nen nalut eekwi iigak,

Wundeegwaarak 3:16

Togop aret me, it aap Iterali inoweewi yo'nggok kero kuwak eeppiinok, yorage logonet, Kit kinombomini Abarakam inom, Itak inom, Yakup inom, at Aliku inogoba Ala nogo nen ni'neya wage nagaarik, yo'nege logonet, It aakumi Metit mendek nen aaninggin-paaninggin inoba piigwi nogo an inogoba Ala nen muk liippiige nagarik,

1 Tamuwen 1:19

Ko'lu o weege mbareegi, Elakana nogo akuwi apurilogwe inom ineenik ogo nogogwaarik, at Aliku ALA alut eeppunuk, iname o Arama time aret nogogwaarak. Nogo nogogwaarik, wonogwe me, Elakana nogo akwe Kana imbirak nogo yege mbareegi, kwe Kana tamban eereegerak nogo Aliku ALA abereegerak.

1 Tamuwen 11:3

Yorage mbareegi, it aap Yabeti mendek inoweewi nen wone onggo at yogo logonet, “Nit nen it aakumi wonogwe me ilin-ilin abok aret yeenggwa nira woraawak nduk, yonggo nappiigwi niigak, ne 7 paga iluk to'ninake logot o. Ndi, yeenggwa nira wogwe lek iinok perak, nit eeriyak meek me, kabu'me aret ari woraagun o.”

1 Tamuwen 7:17

o Arama ti, at ame aret me, iyokan wage nagaatik, time logonet, aakumi Iterali inowak loongge nagagerak. Ndi, time logonet, at Aliku ALA ake warogo kani kunggo logowam ogobakkigirogo pereegerak.

1 Tamuwen 8:10

Aliku ALA nen Tamuwen yoreegerak nogo, at Tamuwen nen it aakumi, “Ninowe endagembogut mippuurak o,” yinuk, at yori wogogwaarak nogo, abok aret mbininogo yorage logonet,