1 Tamuwen 6:17 - Ala Wone Peenok Peebi Mbanak

¹⁷ It aakumi Pilitin mendek nen maluk eereegwaarak nogo Aliku ALA nen lek eerogo piyaawak nduk, inawin kumbi piirik ogut wakkagak agago mbuti emas paga ogobakkigireegwaarak nogo ti, aakumi ambi Atorot mendek, ambi Nggata mendek, ambi Atekelon mendek, ambi Nggat mendek, ndi, ambi Ekoron mendek, inake aret nappi wogwe,

1 Tamuwen 6:17 Iomraidhean Croise

2 Tamuwen 1:20

Togop agaarak kwe, It komologwe Pilitin mendek iniki ale'nggen mbakwi, Inagabolo mbanak lek mendek inapuri komologwe iniki wogoppakwi, Eekwi iyo, Wone yi nogo, iname o Nggat wonogwe me yorogwe, Iname o Atekelon wonogwe me yoranet nogwe, Eerugup o.

2 Tamuwen 21:22

It aap o Nggat mendek inanggup yerek-nggorek wiganak ineebe 4 nogo ti, at Ndawut awuri inom nen aret inoorogo piyareegwaarak.

2 Endagembogut 1:2

Ndi, ne ambi paga aap inowe endagembogut Akatiya nogo o Tamariya at awi wurik tiyarogon awe aago yagat-yagat wurik nogome nen yigeebu wambi wagagerak me, andi nggwok lombok eeke mbareegi, aap yonggo nappiige logonet, yorage, “Kit nen aakumi o Ekoron mendek inagugi Mba'an-Tebup nen, An andi yi, obeelom ee'nabigin ilik, lek a? yokkiraawak nduk, nanip o.”

2 Mbinineegwaarak 26:6

Eeppit nage kagak, at Utiya nogo it aakumi Pilitin mendek inom wim eeke logonet, o Nggat inom, Yabene inom, Atorot inom, pak wurik langgunogo pit nage, o Atorot koorok inom, aakumi Pilitin wonogwe me alik me inom, kota-kota eerogo pit nage,

Yeremiya 25:20

it aap inambik o Metit time inom wonogwe nogo abok aret inom, it aap inendagembogut o Ut mendek inom, it aakumi Pilitin mendek o Atekelon kunduk, Nggata kunduk, Ekeron kunduk, it o Atorot eegu yumbunik nogo kunduk, inoweewi inendagembogut inom,

Ala Unde 5:7

Togop eeriyak kwe, at maluk eeremenggerak onggo kambin-ndomba Naliku ALA wo'niriyak eebe lek kenok ti, omaluk lek eerogo pikit nen towe puume mbere ilik, towe kurona mbere a, wonok pi wage logomenggerik, towe ambi omaluk lek eerogo puwak nduk pugwi nogo mendek pege, ndi, towe ore nogo nake warogo kani kunuwak nduk pugwi nogo mendek pege, eeruwak o.

Amot 1:6

Aliku ALA nen ari logonet, “It aakumi o Nggata menggaarak ti, ne kenagan mban maluk eerulik, ne ambi inom eekak mban eeko nogogwaarak me, An nanini eeppiyoorak koonak wonage nogo teppiyaagin lek eeppiyaagin aret o. It aakumi Nggata mendek nen aakumi ambi mendek abok aret wogoren aap Erom mendek inayeloman mini logowak nduk ineenggime piya nogogwaarak me,

Amot 6:2

Kit nen o Kalene nogo logomonggotik, kinigen yambonit nugwi, Time nen o kota nggwok lombok Kamat nogo pekka nogwe, Ti'nuk, it aap Pilitin wonogo menggam o Nggat pekka nogwe, Eeko logonip o. Eeko logomonggotik, it inabu'me piinok menggam ti abe, ndi, kit kinabu'me piinok monggo'nom ti meek, It inanggween ti nggwok, ndi, kit kinanggween ti mbuuluk, kaamunggup mbakop?

Pelaareegerak 28:27

At Aliku ALA nen aakumi Metit mendek inagabolo paga piirik-kunik eeginabeegerak nogo mendek eekkinake, yigani kunogo pinagage, kinawin kinamok kila eerogo pinagage, kinagabolo paga kineenggabit nggibi-nggibi eeko logobagip nduk ane'nep eerogo pinagage, eerogo pinagaremenggerak me, lek aga'lek itok kundugu tit logogin o.

Owak Loongga 1:18

Piigo nogogwaarik, it aap Yekura mendek nen o kota-kota Nggata inom, Atekelon inom, Ekoron inom, tebenggologo logonet, inanggween enaagan-ambokan wonage nogo inom aret kologogwaarak.

Owak Loongga 14:19

Yorage nagagerik, wonage me, at Aliku ALA Aberiniki omaawi at oba ari wage mbareegi, o Atekelon nage nagagerik, it aap time mendek ineebe 30 inoorogo piinok, inayum nggoorogo wonok it aap wone eegu laarak alom kwaarogo yoreegwaarak nogo wogora wage nagagerik, anini kani kunik negen arit iyokan ogoba ame aret wagagerak.

Owak Loongga 16:1

Ne ambi paga aap Timoton nogo o Nggata time nagagerak logonet, kwe terak wuka ambi enegen kage nagagerik, imbirak nogo yuwok nduk, ame unggwi nagagerak.

Owak Loongga 16:21

Mbake kagak, it aap Pilitin mendek nogo nen at eebe pippogo nogogwaarik, enegen imbirak kilirogo punuk, piganok o Nggata nogogwaarak. Nogo nogogwaarik, mbuti keele tembaga paga eenggi imbirak maarogo punuk, o keele maarogo mambiigo menggam nogome logonet, gandum anggen mbanak nogo yigike logowak nduk, yoreegwaarak

1 Tamuwen 5:1

It aakumi Pilitin nen Ala aloobut mbanak nogo aakumi Iterali wonogwe me nen ndininuk, o Eben-Kayetet nen wonok iname o Atorot pi nogogwaarak.

1 Tamuwen 5:10

Noone-koone agan nogwe iinok, Ala aloobut mbanak nogo wonok o Ekoron time nappereegwaarak. Nappereegwaarak awo wonok unggwi nogwe iigak, it aakumi Ekoron mendek nen inoone nggwok yogo logonet, “Nit inom, ninapuri inom, apit ninooriyak nduk, Iterali inogoba Ala aloobut mbanak ninowagam pi wogwe yi, Nineebi o,” yogwe iigak,

1 Tamuwen 5:8

Yogo nogogwaarik, aakumi Pilitin mendek inoweewi inendagembogut woraawak nduk, wiirogogwaarak kuwak ari wogo mbareegwa, wone yorogo logonet, “Iterali inogoba Ala aloobut mbanak yi, nonggop eeruwok o?” Yogo mbareegwa, it aap inendagembogut nogo nen yorogo logonet, “Aakumi Iterali inogoba Ala aloobut mbanak yi, o Nggat aret pi nanip o.” Yorogo mbareegwa, Aliku ALA aloobut mbanak nogo o Nggat aret pi nogogwaarak.

1 Tamuwen 6:4

Yorogo mbareegwa, it aakumi Pilitin mendek nen it yorogo logonet, “Maluk eeko nogoorak nogo, at nen lek eerogo pinanuwak nduk, nano mendek inom nappuwok o?” Yorogo mbareegwa, it aap nogo nen yorogo logonet, “Kit inom, kinogobamini aap inendagembogut nogo inom, ambugwi ndak-ndak kinawin piirik-kunik eekkinakerak me, kit kineebe inom, kinagugi inom, kinanggween inom, maluk eerogo pinagage yi, Iterali inogoba Ala ayuk wukwi kiinok, lek aruwak nduk, kinogobamini kinarum menggaarak ineengge ndak-ndak mbuti emas paga kinawin kumbi piirik ndak-ndak wakkagak 5 inom, ndi, ambeya nen kinanggween maluk eerogo pinagage nogo wakkagak 5 inom, ogobakkigirogo pinip o.