1 Tamuwen 5:7 - Ala Wone Peenok Peebi Mbanak

⁷ Ndi, aap Atorot mendek nogo nen aaninggin-paaninggin inoba piige nogo kogo nogogwaarik, yogo logonet, “Iterali inogoba Ala nogo nen nit nineebe paga inom, ninagugi Ndagon nogo paga inom, aaninggin-paaninggin eerogo ninoba pinanegerak me, it Iterali inogoba Ala aloobut mbanak ti, nit yime ninom logorak mondok lek nappuwok aret o.”

1 Tamuwen 5:7 Iomraidhean Croise

2 Tamuwen 6:9

Ndi, wareegerak kambeegerak ti paga at Ndawut nogo, Aliku ALA agabiti nen ari logonet, “At Aliku ALA aloobut mbanak yi, nonggop togon wonok name pi na o?”

1 Mbinineegwaarak 15:13

Aa'nduk lombok Ala aloobut mbanak wonok woraawok nduk, eekwi niigak, kit aap Lewi mendek nen piyaninuk woroolik me, Aliku ninogoba Ala nen anini ninoba kwippinaneegerak nogo o. Nonggop eerogo wonok woroorak koonak nogo, nggino yorulik me, anini ninoba kwippinaneegerak o,” yinuk, yoragagerak.

Wundeegwaarak 10:7

Wundi wogwe iigak, aap Pirawun awuri inom wone koongga nogo nen Pirawun yogwi, “Pagi wariyak keele pugu mengga kwak, ne mande paga aap yi nen keele yilunogo pinaninuk logogin o. O Metit yime abu maluk agaarak wonage yi, kenegen kaga'lek agandik ya? At Aliku inogoba Ala nogo alut eeri nawak nduk teppiyet o.”

Wundeegwaarak 12:33

Yorage mbareegi, it aakumi Metit mendek nogo nen aakumi Iterali nogo wundi nawak nduk, inoone aganggen kerek togon yorogo logonet, “Peebi nit abok aret kambukwak, niname yime nen mbet-mbet aret wundi nanip o,” yinuk, yorogo mbareegwa,

Wundeegwaarak 8:28

Yogo mbareegwa, at Pirawun nen ari logonet, “O karume time at Aliku kinogoba Ala ake warogo wogori noorak op aret kwe, o nda time noorak perak, mondok mage o. Ndi, an nake aa'nduk tamban ee'nip o.”

Wundeegwaarak 8:8

Ogolem nogo wonage mban mbareegi, Pirawun nen Muta Karun imbirak woraawak nduk, wiiragagerak wogo mbareegwa, it yorage logonet, “An inom, napuri aakumi o Metit mendek inom, ogolem ninoba wonage yi, at Aliku ALA nen lek eerogo puwak nduk, tamban eekwi kiinok, an nen kat kapuri aakumi Iterali nogo Aliku ALA ake warogo wogori nawak nduk nappiyaagin o.”

Wundeegwaarak 9:28

o ngguurubu eeke, mayu kumulinggen wangge, eeke yi, yi kuli aret teppuwak nduk, Aliku ALA yo'nip o. Yogwi kiinok, kit o yime ambinom pinagago logorak lek mbet-mbet wundi namunggup nduk, teppinagagin o.”

Yeremiya 46:25

At Omaawi Lombok Menggerak Iterali inogoba Aliku Ala nen ari logonet, “It o Tebe mendek inagugi Amon nogo inom, at Pirawun inom, o Metit wonogwe inom, it inagugi inom, it inoweewi inendagembogut inom, it aap Pirawun paga panggombunuk wonogwe nogo inom, abok aret maluk onggo aaninggin inoba piyaakit nduk eeke agarik o.

Yeremiya 48:7

Inayugum pak wurik paga, Inamendek ambik kuwak aago wonage paga, Iniki panggombugwi kwe, it togon tebenogo piigwi, Kugi Kamot kugun wonok nogo logonet, It aap kugi Kamot unde inom, ake eeka inom, wogoren mbo piya nogwe, Eerugun o.

1 Tamuwen 4:8

It inagugi omaawi mondok iya me, ineenggime nen ta nen ninagap ndarigin o. It aakumi Metit mendek o karume aaninggin-paaninggin inoba piyareegerak kambit nogo nogogwaarak nogo, inagugi ti nen aret inooke nagagerak me,

1 Tamuwen 5:6

Ndi, at Aliku ALA nen aakumi Atorot mendek inom, inawi inaagan-ambokan wonogwe nogome inom, abok aret aaninggin inoba piige logonet, inawin ineebe paga piirik-kunik eerogo piige, inawi paga maluk mendek eerogo pege, eeke nagagerak.

1 Tamuwen 5:8

Yogo nogogwaarik, aakumi Pilitin mendek inoweewi inendagembogut woraawak nduk, wiirogogwaarak kuwak ari wogo mbareegwa, wone yorogo logonet, “Iterali inogoba Ala aloobut mbanak yi, nonggop eeruwok o?” Yogo mbareegwa, it aap inendagembogut nogo nen yorogo logonet, “Aakumi Iterali inogoba Ala aloobut mbanak yi, o Nggat aret pi nanip o.” Yorogo mbareegwa, Aliku ALA aloobut mbanak nogo o Nggat aret pi nogogwaarak.

1 Tamuwen 6:20

Leenggu maako mbareegwa, it aap Mbet-Temet mendek nogo nen, “At Aliku ALA nogo ti, abu kikak nakeelik at Ala alik leenak menggerak me, ta nen at enggaanom paga eenik logorak mbakop? Meek aret me, Ala aloobut mbanak ti, nit wonogwe me yime logorak lek wonok nggeeme pi nawok o?”