1 Tamuwen 5:6 - Ala Wone Peenok Peebi Mbanak

⁶ Ndi, at Aliku ALA nen aakumi Atorot mendek inom, inawi inaagan-ambokan wonogwe nogome inom, abok aret aaninggin inoba piige logonet, inawin ineebe paga piirik-kunik eerogo piige, inawi paga maluk mendek eerogo pege, eeke nagagerak.

1 Tamuwen 5:6 Iomraidhean Croise

Ayup 31:3

It obeelom eekulik mendek ti, maluk mendek inoba kwi'nage, It maluk eeko menggaarak ti, aaninggin-paaninggin inoba age, Eeruwak nduk, Koonogo piige lek mbakop?

Ndawi 145:20

It aakumi abok nen Aliku ALA iniki kunik eekwi iinok enegen wogonake, Eeke menggerak kwe, Aap maluk mendek perak, abok aret lek eerogo piyaagin o.

Ndawi 147:6

Aliku ALA nen it aap tebembiinok wonogwe nogo, Pilanogo mippiige menggerak kwe, It aap maluk mendek perak, Nggween paga inuut ngguluk nappiige menggerak o.

Ndawi 32:4

Liingge-kii'me keenggi noba tebembaninuk wonage paga Mo andi nen inomaawi lek eerogo piige menggi kwak Nomaawi lek eerogo panegerak o.

Ndawi 78:66

At awim nogo inakom niruk mbaganuwak nduk, muguren nage, It mondok-mondok inenggali mbakak nugu logowak nduk eeppiige,

Wundeegwaarak 9:3

Naliku ALA nen inaanggumi endekem wonage kambin-ndomba inom, keledai-kuda inom, tapi-unta inom, kugi andi ogole warak mendek ambi inoba nappi woraagin o.

Nappiigak 13:11

Yogondak at ninogoba Ala nen maluk eeppagage kenok, kenegen mbuk a'nuk, o eya kenegen kaga'lek keegak, ne mande negen logomunggun o,” yinuk, awo yoge kagak, enegen ogut age nagagerik, apit agagerak. Enegen apit age mbareegi, “Neenggi pi'nabuwak o,” mba'nuk, yu'nduk ari nagagerak.

Pelaareegerak 28:27

At Aliku ALA nen aakumi Metit mendek inagabolo paga piirik-kunik eeginabeegerak nogo mendek eekkinake, yigani kunogo pinagage, kinawin kinamok kila eerogo pinagage, kinagabolo paga kineenggabit nggibi-nggibi eeko logobagip nduk ane'nep eerogo pinagage, eerogo pinagaremenggerak me, lek aga'lek itok kundugu tit logogin o.

1 Tamuwen 5:11

inenggela'me pi nogo mbareegwa, at Ala nen aakumi o Ekoron mendek aaninggin-paaninggin mondok nggwok abu alik negen inoba piige mbareegi, aakumi apit aret kanggwi, kangga'lek teppiige nogo inawin piirik-kunik agago piige, eereegerak paga andi nen yobak-nggolak yogo logonet, inoone yereegwaarak mbogut polok ari mbareegi, inoweewi inendagembogut Pilitin mendek abok aret wiirogogwaarak wogo mbareegwa, yorogo logonet, “Nit inom, nit Pilitin mendek inom, ambinom ninoorukwak, aakumi Iterali inogoba Ala aloobut mbanak yi, yime nen aa'nduk wonage menggim iyokan aret pi nawak nduk, yoraanip ubi!” yinuk, yorogogwaarak.

1 Tamuwen 5:7

Ndi, aap Atorot mendek nogo nen aaninggin-paaninggin inoba piige nogo kogo nogogwaarik, yogo logonet, “Iterali inogoba Ala nogo nen nit nineebe paga inom, ninagugi Ndagon nogo paga inom, aaninggin-paaninggin eerogo ninoba pinanegerak me, it Iterali inogoba Ala aloobut mbanak ti, nit yime ninom logorak mondok lek nappuwok aret o.”

1 Tamuwen 5:9

Pi nogo mbareegwa, at Aliku ALA nen aakumi o Nggat mendek aaninggin-paaninggin inoba piige logonet, wologwe-mbuulogwe nen nok, aap koleewak kuli, inawin piirik-kunik eerogo piyareegerak paga it aakumi time mendek nen, “Nano nen ee'ninake, ia!” yinuk, noone-koone agan nogo nogogwaarak.