1 Tamuwen 5:1 - Ala Wone Peenok Peebi Mbanak

¹ It aakumi Pilitin nen Ala aloobut mbanak nogo aakumi Iterali wonogwe me nen ndininuk, o Eben-Kayetet nen wonok iname o Atorot pi nogogwaarak.

1 Tamuwen 5:1 Iomraidhean Croise

Ndawi 78:61

Ala omaawi ineenu agak At oone yugu yonggolak aloobut mbanak nogo, Ndininuk nawak nduk mbo pege, At endage abu tiyanak ineenu agak aloobut mbanak nogo, Inawim ineenggime piige,

Yetaya 20:1

Aap Atiyut endagembogut Taragon nen at awot ineegin warak inowe lombok o Atorot unggwi nanuk tebenggolaawak nduk, nappiige mbareegi, tebenggologogwaarak

Amot 3:9

O Atorot time yugum pak wurik me, aakumi inarum logorak inawi wurik inom, O Metit time yugum pak wurik me, aakumi inarum logorak inawi wurik inom, Nogome wone eerogo nappit noorak nogo yi aret. Aliku ALA nen ari logonet, “It o Tamariya koorok puut-puut time kuwak ari woraawak o. Kuwak ari wa'nuk, it aakumi o time inenggela'me abu naalop-kaalop eerit nugwi, It-it at ambi tebenogo pegak eerit nugwi, Eekwi ti, inigen iyaagun o.

Nappiigak 8:40

Ndi, at Piliput nogo o Atorot nogome kin ari wage nagagerik, yi awi ndi awi o kota lombok time obeelom wone yoranet o Kayitareya nagagerak.

Yotuwa 11:22

It aakumi Iterali inanggween logowam time aakumi Enak mendek logowak nduk, ambi teppiyoolik, tigitogon inooreegwaarak kwe, o Nggata inom, o Nggat inom, o Atorot inom, we mbereeluk mban teppiyareegwaarak.

Yotuwa 13:3

o Metit oonegen wundi wage menggim yime pa'nggwe niyo Tikot kuli nen nok, nggween Ekoron o omarip paga pa'nggwe kuli it Kanan mendek wonogo menggam o Pilitin aap inendagembogut Nggata inom, Atorot inom, Atekelon inom, Nggat inom, Ekoron inom, wone lengganogo yorogo menggam aret me, nogo inom, o ame pa'nggwe aakumi Awi mendek inanggween inom,

1 Tamuwen 4:1

Ne ti eyom paga it aap Iterali nen aakumi Pilitin inom wim namburuwok nduk, wundi nogo nogogwaarik, o Eben-Kayetet aret inawooliya wukkologwe, ndi, it Pilitin mendek nogo o Apek time aret inawooliya wukkologwe, eereegwaarak.

1 Tamuwen 4:11

Ala aloobut mbanak nogo ndinggologwe, ndi, it Eli apuri mbere, Kopini Pinekat imbirak inookwi, eereegwaarak.

1 Tamuwen 6:1

At Aliku ALA aloobut mbanak aakumi Pilitin iname wonage kagak, tut 7 penengge mbareegi,

1 Tamuwen 7:12

Inoorogo piinet nogo nogogwaarik, at Tamuwen nen yugum ambi waganogo o Mitapa o Yetana oolo taa'nogo mippunuk, “Aliku ALA nen yeenggwa niranet o yi kuli aret pinani wagaarak me,” yinuk, yugum mippereegim nogome endage, Eben-Kayetet aret o, yinuk, toonogo pereegerak.