1 Tamuwen 4:19 - Ala Wone Peenok Peebi Mbanak

¹⁹ Ndi, at Eli ayinggelo Pinekat akwe nogo abila abu koorok nda'nariyak aret wonage me, Ala aloobut mbanak ndineegwaarak wone inom, ayinggelo Eli kambeegerak wone inom, at ogonggelo Pinekat wareegwaarak wone inom, aruk konengge nagagerik, iniki wakko'nok kambikit nduk, andi yagan wake logonet, aagaluk perak togon aret ndareegerak.

1 Tamuwen 4:19 Iomraidhean Croise

Wakkagagerak 3:16

Yoge nagagerik, at Aliku Ala nen kwe nogo yoge, “Kat elege kabila a'nuk ndake logonet, enegen paganak yagan warogo ndarumunggun kwe, yagan ambinom anggon-panggon agago ndaganake logonok nduk, eeppagaminggirak paga elege enegen paganak andi yagan warogo ndake logomenggendak kwe, kogonggelo kiniki kunik eeppunuk at oone ari kenok mban, Konenikit o, yinuk, at abu'me tebe yinuk, logomunggun o,” yoreegerak.

Wakkagagerak 35:17

Nda'nariyak abu meek tit kwe, nda'nage kagak, kumi elege ndaganaka ambi nen Araken yoge logonet, “Kwe yi wae. Kaagaluk wulaga aret nda'nage me, kagabiti mbarugun o,” yoge kagak, nda'nage mbareegi,

1 Endagembogut 14:1

Ne ti eyom paga Yerobeyam aput Abiya nogo andi eereegerak.

Ndawi 78:64

It aap Ala unde nogo inooruwak nduk mbo piige, Inakuwi togwe piyamenggaarak nogo inale yaga'lek logowak nduk, eeppiige, Eereegerak.

Yeremiya 26:6

an nen nawi wurik yi, o Tilo kwak eerogo pege, yi aakumi ndi aakumi o nggween paga wonogwe nen o kota yi, pulunogo pegak eeko logowak nduk eeppiige, eerigin, yegerak, yoret o,” yinuk, yoge mbareegi, yoragagerak.

1 Tamuwen 4:18

Yoge mbareegi, at Eli nogo Ala aloobut mbanak ndineegwaarak nogo konengge nagagerik, at ageyo ndoonak tunggambe paga kwi'ndak wonage nogo, abut loguk togon wangge logonet, at aap anggok eebe kole aaninggin ambik me, uut koguk togon kambeegerak. At Eli nogo nen aakumi Iterali mendek inarum wonage logonet, inowak loongge kagak tahun 40 eereegerak.

1 Tamuwen 4:20

Ndappunuk, kwe nogo abu kambuurak eeke kagak, it kumi elege ndaganaka nogo nen at yogo logonet, “Kagabiti arugun o. Kaagaluk aap aret ndakendak me,” yinuk, yoreegwaarak kwe, wone nogo liippege, onggo yorage, eeka'lek kangge logonet,