1 Tamuwen 4:17 - Ala Wone Peenok Peebi Mbanak

¹⁷ Yoge mbareegi, aap wone wonok wagagerak nogo nen, “Lek o, nogoba. It aakumi Iterali nogo nen aap Pilitin mendek iinok, mbaganit wogwe iigak, nit aakumi Iterali mendek nogo apit aret ninooko logonet, kat kapuri Kopini Pinekat imbirak inookwi, ndi, Ala aloobut mbanak nogo ndinggwi, eekaarak o,” yinuk, yoreegerak.

1 Tamuwen 4:17 Iomraidhean Croise

Ndawi 78:61

Ala omaawi ineenu agak At oone yugu yonggolak aloobut mbanak nogo, Ndininuk nawak nduk mbo pege, At endage abu tiyanak ineenu agak aloobut mbanak nogo, Inawim ineenggime piige,

Ndawi 78:64

It aap Ala unde nogo inooruwak nduk mbo piige, Inakuwi togwe piyamenggaarak nogo inale yaga'lek logowak nduk, eeppiige, Eereegerak.

1 Tamuwen 2:34

An ari yi nogo, Abet aret arigin, eenu aruwak nduk, at apuri mbere Kopini Pinekat imbirak ne ambit paga aret kambugun o.

1 Tamuwen 3:11

Yoge mbareegi, at Aliku ALA nen Tamuwen yoge, “An nen aakumi Iterali inenggela'me ambi eeriminggirak paga it aakumi abok aret inaruk konenggo logomenggaarik, pi wako logonet, iniki lek age iyaamunggun o.

1 Tamuwen 3:12

An nen Eli yoge logonet, Kapuri nogo nen Naliku ALA meek eerogo panugwi nogo, keenu aret kwe, inaruk waka'lek mbo piigendak ti paga kat kapuri wiganak kinom aaninggin mondok-mondok kinoba pinagage logogin o, yinuk, yoge nagagirik, wone ambi yoge logonet, Kat kapuri kinom maluk nggwok eekwi nogo lek aruwak nduk, ndomba warogo nake wo'niri wogwe, yi mendek ndi mendek we wo'niri wogwe, eerumonggotak kwe, kinomaluk ti, lek arigin lek mondok itok kinoba aret logogin o, yinuk, kumbuk mbanogo yoreegirak me, ti eyom paga, Kat kapuri togop eeppiyaagin o, yinuk, alom paga nen nok, irip paga Eli yoreegirak nogo abok aret eeppiyaagin o,” yinuk, Tamuwen yoreegerak.

1 Tamuwen 4:16

Owagam wage nagagerik, at nen Eli yoge logonet, “An yogondak yi aret wim nambukwi me nen mbaganit wagi o.” Yoge mbareegi, at Eli nen, “Nonggop age mbaki, wagan o, naput?”

1 Tamuwen 4:18

Yoge mbareegi, at Eli nogo Ala aloobut mbanak ndineegwaarak nogo konengge nagagerik, at ageyo ndoonak tunggambe paga kwi'ndak wonage nogo, abut loguk togon wangge logonet, at aap anggok eebe kole aaninggin ambik me, uut koguk togon kambeegerak. At Eli nogo nen aakumi Iterali mendek inarum wonage logonet, inowak loongge kagak tahun 40 eereegerak.