1 Tamuwen 31:2 - Ala Wone Peenok Peebi Mbanak

² Mbaganit wogwe me, it Pilitin mendek nen Tawun apuri inom muguren-magaren eerit wogo logonet, Tawun apuri Yonatan inom, Abinarap inom, Malikituwa inom, inoorogo piyareegwaarak.

1 Tamuwen 31:2 Iomraidhean Croise

2 Tamuwen 1:6

Yoge mbareegi, aap tawe nogo nen Ndawut yoge logonet, “Wim eekwi ti eyom paga an puut endage Nggilobowa we ugun wagarak taati neegak, at Tawun nogo awooluwak paga anep kumbunuk wonage me, at awim nogo kuda paga inom, nggweendo wim eeka ogobakkigirik paga inom, kwi'na'nuk mugurok at owagam panggo yi wogwe enegen iige nagaarik,

2 Endagembogut 25:7

Yogo nogogwaarik, at enegen kagak apuri inoorogo piinok, at enegen kilirogo pugwi, mbuti keele tembaga paga ogobakkigirik nogo paga eenggi-iyok maarogo pugwi, ee'nuk, wonok o Mbaben nogogwaarak.

1 Mbinineegwaarak 10:2

Mbaganit wogwe me, it Pilitin mendek nen Tawun apuri inom muguren-magaren eerit wogo logonet, Tawun apuri Yonatan inom, Abinarap inom, Malikituwa inom, inoorogo piyareegwaarak.

1 Mbinineegwaarak 8:33

At aap Net nen aput Kiti ndake, Kiti nen aput Tawun ndake, Tawun nen apuri Yonatan, Malikituwa, Abinarap, Etibaan, ndaganake, eereegwaarak.

1 Mbinineegwaarak 9:39

At Net nen aput Kiti ndake, Kiti nen aput Tawun ndake, Tawun nen apuri Yonatan, Malikituwa, Abinarap, Etibaan, ndaganake, eereegwaarak.

Wundeegwaarak 20:5

wogoppiigo logonet, inabu'me tebe yi unggwogwe, inayuk wukwi, eeko logorak mage o. Naliku kinogoba Ala an nalik aret neegak, nobaane'me ambi mippunuk, ayuk wukwi kiinok, Neebi o, yinuk, nanini mbake minggirak me, yi aap ndi aap inanini nombako logonet, maluk eekwi nogo ti, it ineebe inom, inapuri inom, inombowologwe inom, it paga nen wiganak inom, an nen aaninggin inoba piige logogin kwe,

1 Tamuwen 13:16

Ndi, it aap Pilitin mendek nogo o Mikamat nogome inawooliya wuppatinuk wonogwe iigak, at Tawun awuri inom, aput Yonatan inom, aakumi Mbeniyamin mendek inanggween paga o Nggeba nogome inawooliya wuppatinuk wonogogwaarak.

1 Tamuwen 13:2

Eeppunuk, at Tawun nen aakumi Iterali inenggela'me nen aap ineebe tiga ribu leeninake nagagerik, ineebe dua ribu kuli, at inom o Mbeten puut nggelok-nggobok me inom, o Mikamat inom, nogome wonogwe, ndi, it ineebe seribu ti, aput Yonatan inom aap Mbeniyamin wonogo menggam o Nggibeya nogome nogwe, eekwi iigak, it aakumi eegu nogo iname lombok nappiyareegerak.

1 Tamuwen 14:22

Ndi, it aakumi Iterali mendek o Eparayim nggelok-nggobok time kumaa'nari nogogwaarak wonogwe nogo nen, “It Pilitin mendek mbaganit nogwe o,” yogwe nogo inaruk konembunuk, Tawun awuri muguren inoorit nogwe me, inom ari woraanuk, it nogo muguren inoorit nogogwaarak.

1 Tamuwen 14:49

At Tawun apurilogwe wologwe inendage ti, Yonatan, Yitiwi, Malikituwa aret. At apurilogwe komologwe ti, manggu endage Merap. Ndi, awuluk endage Mikan aret wonogogwaarak.

1 Tamuwen 23:17

Ka nage nagagerik, Yonatan nen at Ndawut yoge logonet, “An nogoba Tawun nen pikkabi woraagin abu lek o. Kat nimbirak Iterali inarum logonet, kat kendagembogut keegak, an kat kabu'me logorak nogo neenu aret o. Ndi, nogoba Tawun kunduk, eenu aret me, kagabiti mbarugun o,” yinuk, yoreegerak.

1 Tamuwen 28:19

At Aliku ALA nen kat inom, aakumi Iterali mendek inom, abok aret waganogo aakumi Pilitin mendek ineenggime piyamenggerak paga, ko'lu kat Tawun nogo kapuri kinom kinogoma an wonage me ninom aret wonogwe kiyaagin o. Ndi, it kawuri ineegin warak kunduk, togop mban ineenggime piyaagin o,” yinuk, yoreegerak.