1 Tamuwen 30:23 - Ala Wone Peenok Peebi Mbanak

²³ Yereegwaarak kwe, at Ndawut nen wone onggo yorage logonet, “Ti yogotak kwe, lek o, nawuri! At Aliku ALA nen ninarum wonage logonet, ninooriyak nduk wagaarak nogo waganogo nineenggime pinanggerak me, at Aliku ALA nen wo'niragaarak wonok wogoorak yi, kit yogotak nogo togop eeriyak lek o.

1 Tamuwen 30:23 Iomraidhean Croise

Wakkagagerak 19:7

yorage logonet, “Ai, noreewi o. It aap yi maluk eeppiyaagup o obak.

Abakuk 1:16

It yum yikwe wagangga wonage ti paga ineebe obeelom mban wonogwe, Inambi abe mban nonggo logonet, inale'nggen wonogwe, Eekwi me, Yikwe wagangga yum ti, ayuk wuko logonet, yum ti ake warogo wogogwi, Obari abe kaga mendek yum yikwe wagangga nggorek nogo ake kani kunggwi, Eeko menggaarak.

Nappiigak 22:1

“Noreewi, nogobamini o. Kit wone noba lenggenggotak nogo alom mbininogo yokkira o,” yinuk,

Nappiigak 7:2

at Tepanut nogo nen, “Nogobamini inom, noreewi inom, kinaruk logonip o. Ninombo Abarakam o Karan waga'lek logonet, awo o Metopotamiya wonage me, at mondok tiyanak menggerak Ala nogo nikka wage nagagerik, Abarakam yoge logonet,

Pelaareegerak 8:10

Yi mendek ndi mendek ndonggorogon nonggo logomonggotik, kinaanoma'le ndeenggo logonet, At Aliku ninogoba Ala nen ninanggween abe wo'niragagerak me, Wa, yinuk, alut eeko logomunggup o,” yoragagerak.

Pelaareegerak 8:17

Kit kinikime nen mbako logonet, Nit ninobaalombok nineenggi omaawi paga nen eekkologoorak paga nineenggi warak agaarak o, yinuk, yuurak kiigirak kwe,

Pelaareegerak 8:18

kineenggi warak logomunggup nduk, at Aliku kinogoba Ala nen eerogo pinagage nogo paga kinombomini inom wone abuk nggaruk togon kumbuk mbanogo yoragagerak nogo aberak mban logonet, omaawi eerogo puwak nduk, yogondak yi paga eeppinagage ndak-ndak aret eeppinagagin me, at Aliku kinogoba Ala paga mban aberak logomunggup o.

Owak Loongga 19:23

Yogo mbareegwa, aap awi unde nogo endekem wundi nage nagagerik, it yorage logonet, “Aap yi ti, an nen aret name mambigirak me, kit nen eekulik mendek maluk lombok eeppuurak mbakotak ti, mage o, noreewi!

1 Tamuwen 2:7

Kaliku ALA nen mban aakumi ineenggi lek eerogo piige, Ineenggi warak eeppiige, Iniki wogoppakwi iinok tebeppiige, Iniki tebeppakwi iinok, tiyappiige, Eeke menggendak o.

1 Tamuwen 30:22

Keyage wappiige mbareegi, it Ndawut awuri inom nogogwaarak nogo, eegu inobaabut maluk inogogun ambik nogo nen yogo logonet, “It aap ninom noolik nogo yi mendek ndi mendek kugun wonok wogoorak yi, ambi wogoroorak lek o. Ata, inakuwi inapurilogwe ti mban aret ko'nok nawak o.”

1 Tamuwen 30:24

It wim eeri nogwe inom, inamendek arum wonogwe inom, ndak-ndak aret me, kugun wogo nogo ndak-ndak aret tumbukkoloorak me, kit yogotak ti, aap ta nen kinoone konenigin? Lek aret o,” yinuk, yoragagerak.

1 Tamuwen 30:8

Ndawut nen Aliku ALA yoge, “It aap a'nggan wogonaka nen ninakuwi-ninapuri wogoren nagaarak nogo ti, muguren na ilik? Ndi, muguren nage neenok, ninom lambunugun ilik?” Yoge mbareegi, Ala nen wone onggo yoge, “Muguren nak o. Muguren nage logomenggendik, kinom abuk a'nuk, ndiniren woraamunggun me, nak o,” yoreegerak.