1 Tamuwen 30:16 - Ala Wone Peenok Peebi Mbanak

¹⁶ Yoreegerak owak mbangge mbareegi, at aap nogo nen Ndawut awuri inom wogoren it aap Pilitin mendek inawi inom, Yekura mendek inawi inom, kani mbelanogo piinok, inamendek mondok iya kugun wonok nogogwaarak nogo, ale'nggen nen o karume time yagabit eeppunuk, laago lako nogogwaarik, nonggo logonet, ndawi wakwi me piya nagagerak.

1 Tamuwen 30:16 Iomraidhean Croise

2 Tamuwen 13:28

“E o,” yoge mbareegi, inom nogo nogogwaarik, at Abatalom nen ayeloman mini yorage logonet, “Wologwe wae! Kinaruk logonip o. At Amonon nogo anggur amburu nengge logomenggerik, iniki lek aremenggerak paga an nen, Warinip o, yokkirage neenok, At nen aret wariyak, yo'nirage me, waruwi o, yinuk, kinagabiti mbaka'lek kinogogumbuk eeppunuk, warumunggup o,” yinuk, yoragagerak.

1 Mbinineegwaarak 4:43

ineebe lek eerogo piinok, o time ye mbambatinuk, o yogondak kuli wonogwe aret o.

Ayup 20:5

Aap maluk eeka iniki ale'nggen mbakwi nogo we luulu aret mbakwi, Ala mugurok noorak ineebi mbaka inale'nggen kogwe nogo, we ne ambiriluk mban kogwe, Eeko menggaarak o.

Ndawi 119:162

It aakumi inamendek kugun ambik waganggo nagaatik, Inale'nggen mbako mengga kwak, Wone koonogo pereegindak nogo paga Nale'nggen ambik mbake minggirak o.

Wundeegwaarak 32:6

Nggomooke mbareegi, ko'lu kuubondendok it aakumi Iterali mendek nogo Ala kwak ogut eerak nogo ake inaanggumi warogo kani kunggwi, eegu nggami aanggo wakwi kwak wariyak nduk warogo lakwi, eeko logonet, yi inom, mbi inom, nenok, mi'na'nuk kwirabik-kwirabok yogo logonet, kumi-aap inom ugun-ugun eeko nogogwaarak.

Yetaya 22:13

It nen inale'nggen nggelok yinuk, ugun-ugun eerit nogo logonet, Nit ko'lu aret kambuurak me, amele o, yinuk, Tapi inom, ndomba inom, warogo lappunuk, Enggaanggum larak nenet nugwi, anggur amburu nenet nugwi, Eekwi iigirak o,” yinuk, yegerak me, yokkiragi o.

Yetaya 9:3

It mendek ambik wiganogo piyareegerak me, Iniki ale'nggen ambik kogwe, Yarak anggen mbanggo logonet, iniki ale'nggen mbakwi, Kugun wogo tumbukkologo logonet, inale'nggen mbakwi, Eeko mengga kwak, At enggaanom paga inale'nggen mondok nggwok lombok mbakwi, Eereegwaarak.

1 Tetalonika 5:3

It aakumi nen, “Wone ambi ninoba aga'lek nit abok obeelom aret me, niniki ale'nggen aret ogoorik o,” yogwe iigak, kwe abila aagaluk nda'nariyak eenggo'lek me, enegen pagak ari nogo pogom, ninowe abera'lek me wage logonet, mondok lek eerogo piya woraagin me, it ambi mbo nagun abu lek aret o.

Yotuwa 22:8

nappiige logonet, “Kit nen kinaanggumi ambik lombok wonogwe inom, mbuti perak inom, emas inom, tembaga inom, abe mbuti mendek inom, kinambogoyum ambik lombok wonogwe inom, it kinawim inagugun waganggo nogogutak paga kinamendek ambik kineenggi warak agagerak nogo kiname nogo logomonggotik, kinoreewi ando tumburiraamunggup o,” yinuk, yorage nagagerik, ale'nggen inoba piinok, iname aret nappiyareegerak.

Owak Loongga 8:11

Time ugun wonogwe me, at Nggireyon nogo nen tu it aakumi inawooliya yawukak-ndawukak nogo menggam o Noba Yogebeka imbirak oonegen wundi wage menggim pa'nggwe nogo paga nanuk, it inawim Teba Talumuna imbirak inawuri inom ugun kobak wonogwe me, inoba kwi'nari unggwogogwaarak.

1 Tamuwen 30:15

Yoge mbareegi, Ndawut nen aap nogo yoge, “Kat nen an wo'neren it aap a'nggan wogonaka nagaarak wonogwe me time pani noorak op ilik?” Yoge mbareegi, aap nogo nen, “An op aret pagi noorak me, kat nen an nooke, ndi, an neebe waganogo nogoba eenggime pani nage, Eerigin lek, abet mbarikit nen Ala owak mbanogo kumbuk mbanu o,” yoreegerak.