1 Tamuwen 30:1 - Ala Wone Peenok Peebi Mbanak

¹ Nogo mbere yegak at Ndawut awuri inom o Tikalak nogwe iigak, it aap Amalek mendek a'nggan wogonaka nen o karume nggwok nenaarak o ame pa'nggwe inom, o Tikalak inom, oonda mbanogo inooko logonet, o Tikalak tebenogo piinok, inawi kani mbelanogo piyareegwaarak.

1 Tamuwen 30:1 Iomraidhean Croise

Wakkagagerak 24:62

O Kanan karume o ame pa'nggwe at Itak ame time nen niyo tookak nggween kabunik endage, At Itok Menggerak Nen Enegen Liippaneegim, nogo kagak wage nagagerik,

2 Tamuwen 1:1

Aap Tawun nogo wareegwaarak kambeegerak kagak, at Ndawut nogo awuri inom aakumi Amalek mendek tebenogo piinok, iniyokan wogo nogogwaarik, ne mbere paga o Tikalak time wonogwe me,

2 Tamuwen 1:2

ko'lu nen aap ambi at Tawun awuri inom inawooliya wuppunuk wonogwe me nen ayum nibinggolage, nggween waganogo anobak paga labunggolage, eeppatinuk, Ndawut owagam ari nage nagagerik, enete nggween paga wanduk ari logonet, ayuk wureegerak.

2 Tamuwen 1:8

Yoge mbaki, at nen an yo'nege logonet, Kat ta o? Yo'nege mbaki, An aap Amalek mendek aret o, yogirak.

2 Tamuwen 15:18

Ari nogwe me, at inom yabu eeko menggaarak inom, it aakumi o Kereti mendek inom, Peleti mendek inom, aa'nduk Ndawut o Nggat nen wage me it Nggat mendek ineegin warak enam ratus inom wogogwaarak nogo inom, nen aap endagembogut Ndawut aaganapuri inom nogwe me, peleppiigak inaa'nduk ari nogogwaarak.

1 Mbinineegwaarak 12:21

It aap ti abok aret aap wim eeka wakaa'ngget Ndawut awuri ineegin warak inoweewi wim wone mbangga aret me, Ndawut yeenggwaage logonet, it aap a'nggan wogonaka nogo tebenogo piigak eeko nogogwaarak.

1 Mbinineegwaarak 12:22

At Ndawut yeenggwaago logowak nduk, o kulinik-kalinik at ka wagak eeko nogogwaarak me, awuri wim eeka ineebe ambik Ala awuri wim eeka negen aret wonogogwaarak.

Yeremiya 41:12

at Netaniya aput Itimayen nogo, inom wim eeruwok nduk, inawuri abok aret wogoren nogo nogogwaarik, o Nggibeyon niyo kole yenggenak me nogome wonage me inom lambuni nogogwaarak.

Yotuwa 11:6

Inawooliya wukkola wogo mbareegwa, at Aliku ALA nen Yotuwa yoge logonet, “O ko'lu yi eyom paga aret it aakumi ti, an nen waganogo kit wokkirage neenok, ineebe inoorogo piigwi, inaguda iniyok andelen mbanogo piigwi, ndi, inanggweendo ti, kani kunogo piigwi, eerumunggup me, aakumi ti, ineebe paga kinagabiti mbarugup o,” yoreegerak.

Yotuwa 15:31

Tikalak, Maramana, Tanatana,

1 Tamuwen 15:7

Wundi nogo mbareegwa, at Tawun awuri inom nen it aakumi Amalek mendek inom wim perenggologo logonet, o Kawila nen inoorit nok o Tiyut pa'nggwe nen oonegen wundi wage menggim o Metit kuli piya nogogwaarak.

1 Tamuwen 15:8

At Tawun awuri inom nen Amalek mendek inoorit nogo logonet, aap Amalek mendek inowe endagembogut Agak nogo eenik ngge-ngge aret pigaganeegwaarak kwe, at apuri Amalek mendek nogo abok aret inawooluwak paga inoorogo piyareegwaarak.

1 Tamuwen 27:6

Yoge mbareegi, ne ti eyom paga aret aap Akit nen o tini Tikalak nogo at Ndawut aret kuli mbanogo wogoreegerak. Wogoreegerak me, o ti, it Yekura mendek aap inendagembogut kero, unde ogogwaarak yogondak kuli wonogwe o.

1 Tamuwen 29:10

kit aa'nduk Tawun mbo punuk an neya wogotak nogo kineebe apit aret ko'lu o awo wigangge kagak, kineenik ogo logomonggotik, kiname aret namunggup o,” yinuk, yoreegerak.

1 Tamuwen 29:11

Yoge mbareegi, o ko'lu kuubondendok ineenik a'nuk, at Ndawut awuri inom iniyokan iname aakumi Pilitin menggam nogome nogwe iigak, it aap Pilitin mendek nogo o Yiteren wogogwaarak.

1 Tamuwen 29:4

Yoragagerak kwe, it aap Pilitin ineegin warak inoweewi nogo nen at Akit nogo mberugo logonet, “It kumi Iterali mendek nogo nen kwirabik-kwirabok yogo logonet, Tawun nen ninawim apit negen inookerak kwe, At Ndawut nen inookerak nogo perak, ineenggi lingginiyak abu meek aret o, yinuk, Ndawut anep pereegwaarak eebe nogo yi aret lek a? At nogo yi aret me, at ninom a'nuk, wim namburiyak nineebi o. At ninom a'nuk wim namburi nogwe kenok, at Ndawut nen, Nogoba mbo panegerak nogo wo'naburak nanonggwan aga o, mba'nuk, melak togon nit ninawuri inooppunuk, inanobak mbanak wonok ogoba iri nookwak, at anggween wogoreeginom nogome iyokan nage logowak nduk nappet o.”