1 Tamuwen 3:19 - Ala Wone Peenok Peebi Mbanak

¹⁹ Ndi, Tamuwen nogo tawe age kagak Aliku ALA imbirak wonagagerak me, Ala nen yi wone ndi wone yegetak nogo mbo puulik li'luk aret eeke nagagerak.

1 Tamuwen 3:19 Iomraidhean Croise

Wakkagagerak 21:22

Ne ambi paga at aap Abimelek inom, at awuri yigin unde inowe endage Pikon inom, imbirak nen Abarakam wonage me wogo nogogwaarik, yogo logonet, “Kat Ala kimbirak logonet, yi eekak ndi eekak eerit nage menggendak keego ogoorik o.

Wakkagagerak 28:15

Kat o ambime, Na, yinuk, nage kenok, an nen enaani aret ndegenggeren nage, karum liirogon aret wonage, eeke logominggirik, ti'nuk, wokkeren o yime aret pagi woraagin o. Ndi, an nen, Yogop eerigin o, yinuk, wone abuk nggaruk togon yokkiragarak nogo abok aret a'me lik yaga'lek kagak, an teppagagin lek mondok yeenggwa kege logogin aret o,” yinuk, yoreegerak.

Wakkagagerak 39:2

Eebe kunggolage nagagerik, at ogoba nogo imbirak wonage me, at Aliku ALA nen Yutup nogo yeenggwaage kagak, yi yabu ndi yabu eeke nogo op mban eerit nage nagagerak.

Wakkagagerak 39:3

At Yutup nogo Aliku ALA imbirak wonage, ndi, Aliku ALA imbirak logonet, yi yabu ndi yabu eeke ti, op mban eerit nage, eeke nogo Potipat nen enegen kage nagagerik,

1 Endagembogut 8:56

“At Aliku ALA nen, Ndogop eeppiyaagin o, yinuk, at ayeloman Muta wone obeelom mendek mban koonogo yoge mbareegi, nit yo'niragagerak nogo ndak-ndak, ambit-ambi yobonogo mbo puulik a'me lik togon aret eeke logonet, nit at apuri Iterali yonggonggologo logowok nduk, eereegerak me, Aliku ALA endage tiyappogo logowok o.

2 Endagembogut 10:10

At Aliku ALA nen wone abuk nggaruk togon ayeloman Eliya yoge mbareegi, yoragagerak nogo ndak-ndak, Aliku ALA nen aap Akap paga wiganak inom eeppiyoorak yereegerak wone nogo, ambi yobonnarulik a'me lik yereegerak kineenu arumunggup nduk, yokkiragi o,” yinuk, yoragagerak.

2 Endagembogut 15:12

Aliku ALA nen at Yeku yoge logonet, “Kat paga nen nok kapuri-kombowologwe 4 kuli wigannarit nogwe paga aakumi Iterali inoweewi inendagembogut wone lengganogo yorogo menggam it mban aret wone lengganogo yorogo logogun o,” yinuk, yoreegerak nogo, Takariya kangge paga a'me aret nggelok yi nagagerak.

2 Endagembogut 22:16

At Aliku ALA nen ari logonet, It aakumi Yekura nen an mbo paninuk, nobaane'me kugi inake warogo kani kunggwi, ineenggi paga inagugiwak ogobakkigirogo tiyappugwi, eereegwaarak paga nanini mbareegirak me, an nanini lek aga'lek kani omoonuk negen itok kunik o Yerutalem oba wonage me, at aap Yekura inowe endagembogut nen mbuku mbanak malenggerak nogo ndak-ndak, o kota yi paga inom, it aakumi yime menggaarak inom, aaninggin mondok alik negen inoba kwippiyaagin, yegerak o.

Yetaya 43:2

An Kikak Nakeelik Nalik Leenak Inagap Ndaka Iterali inogoba Naliku Ala aret me, Niyo nggaruppegak wundogwe iigak, ninom wunda nagin o. Ndi, niyo mbaninuk wunda nogwe iigak, niyo nen wogoren nage, Kani kunik me iniyok pit nogwe iigak, iniyok kani nengge, Kani wunuk ari me wonogwe iigak, kani nen ineebe nengge, Eerigin lek o. It wondet aago logowak nduk, inonggo pugu ti, it Metit mendek aret. It eeginabukwak inobaane'me nggelok ari ti, it Kuti mendek inom, Tiyeba mendek inom, aret o.

Yetaya 44:26

Ayeloman mini nen wone yorogwe nogo omaawi eerogo piige, At nappiigetak yora nogwe nogo a'me nggelok yuwak nduk eeppiige, Aakumi o kota Yerutalem logogun o, yinuk, ari, It Yekura wonogo menggam kota-kota yigirogo pugu nogo obaane'me wurigin o, ari, Aa'nduk wonagagi kwak eerogo pigin o, ari,

Yetaya 55:11

Wone an nambe me nen wumbege minggirak ti, togop aret menggerak o. Wone an nambe me nen wumbege minggirak nogo ti, yungguk togon we aret neya wageelik o. An eeriyak mbake nambe me nen wumbege nogo abu ndak-ndak aret arit nage, Ndogop aruwak o, yinuk, wumbege minggirak nogo a'me lik togon aret age, Eerigin o.

Lukat 1:28

Nappi wagagerak nogo kolaga owagam wage nagagerik, at yoge logonet, “Niri Mariya wa! Nogoba Ala kimbirak logonet, ale'nggen nggwok koba pagagerak me, wa!”

Lukat 1:80

Ndi, wulaga nogo tawe age logonet, iniki mondok kole agagerak. At nen aakumi Iterali inigen kaawak nduk, naga'lek logonet, karume aakumi lek me time nege nagagerak.

Lukat 2:40

Ndi, wulaga nogo tawe age, yi wone ndi wone eenu age, eeke logonet, iniki warak lombok agagerak. Ndi, Ala ale'nggen at oba aret wonagagerak.

Lukat 2:52

Ndi, at Yetut perak, iniki warak age, eebe tawe age, eeke kagak, Ala inom, aakumi inom, at paga inale'nggen mbako nogogwaarak.

2 Korindut 13:11

Ndi, noreewi o. Wone ti abu aret yokkiragi o. Kiniki kole arubagip nduk, eeko logonet, an wone yokkirage yi, inom liippogo logonip o. Kiniki ambit eeppunuk ale'nggen paga lambunik logonip o. At ninabuwa mbake, ndi, niniki ugun tayenak logowok nduk eeppinanege, eeke menggerak Ala nogo nen kinarum aret logogin o.

2 Korindut 13:14

Ninowe Yetut Keritut iniki kunik nen obeelom eekkinake, Ala nen kinabuwa mbake, ndi, Aberiniki kinom kunik logonet, kit abok aret kinarum wonage, eeko logogun o. Abu aret yokkiragi o, noreewi wa.

Pelaareegerak 18:22

Aap ambi nen, An Ala wone yaga o, yinuk, ari logonet, At Aliku ALA endage paga aret yokkirage agarik o, yinuk, yokkiramenggerak nogo, a'me lik ari lek kenok, at Aliku ALA nen yuulik aap ti, iniki mba'nuk agabiti lek aret agan wagaarak, mbako logonet, Wi, yinuk, ayuk wuriyak mage o,” yoragagerak.

2 Timotiyut 4:22

Ninowe Yetut iniki kunik en eeppagage logonet, karum aret logogin o. Wa!

Yotuwa 21:45

Ndi, at Aliku ALA nen aakumi Iterali mendek obeelom eeppiyoorak wone koonogo pereegerak nogo, ambi mbeyok yuulik abok aret a'me nggilik-nggelok eeppiyareegerak.

Owak Loongga 13:24

Yoge nagagerik, logonuk peebi nen kwe nogo aagaluk aap aret ndake nagagerik, endage Timoton tooneegerak. Ndi, wulaga nogo tawe age kagak, Aliku ALA ale'nggen at obaga pege nagagerak.

1 Tamuwen 10:7

Eeriyak yokkigirak yi apit aret a'me lik ari kenok, Ala nimbirak wonage, mba'nuk, kat eeriyak mbaremenggendak nogo ndak-ndak eeke logomunggun o.”

1 Tamuwen 12:2

at nen aret kinowe endagembogut logonet, kinarum logogin o. Ndi, an nogo, wulaga mbuuluk paga nen nok-nok, yogondak kuli, kinarum neegak, neebe aakelo age, neeruwak kenen wungge, ndi, napurilogwe kunduk, kit kinenggela'me ndarogo piige, eekirak yi, neyaanip o.

1 Tamuwen 16:18

Yorage mbareegi, at ayeloman ambi nen yoge logonet, “Aap Itayi o Mbe'lekem mendek apuluk ambi nggitat abu obeelom eeke menggerak eenu kagarak o. Aap ti, wim nambuka wakaa'ngget kalu-kalu menggerak aret me, eebe abu kigirikwe, wone liippunuk mbangge menggerak o. Ndi, at Aliku ALA imbirak wonage o,” yoreegerak.

1 Tamuwen 18:12

Ti eeke mbareegi, Tawun iniki mbake logonet, “At Aliku ALA nen an mbo paninuk, at Ndawut mban imbirak wonage kagi,” yinuk, agabiti mbareegerak.

1 Tamuwen 18:14

Nappege mbareegi, at Aliku ALA nen imbirak wonage me, yiru-ndiru nege logonet, eeriyak mbake nogo a'me nggelok mban eerit nage nagagerak.

1 Tamuwen 18:5

Ndi, at Tawun nen Ndawut, “Yogop eeri nak o,” yinuk, nappegetak nogo nage nagaatik, op mban ee'nuk wagak eeke kenok, at Tawun nen at ineegin warak inowe logowak nduk, mippereegerak. Mippege mbareegi, it aakumi Iterali mendek inom, at Tawun inom yabu eeko menggaarak inom, abok aret, “Op aret kogo o,” mbareegwaarak.

1 Tamuwen 2:21

Togop eekwi iigak, at Aliku ALA nen kwe Kana nogo abuwa mbake mbareegi, aagalogwe wologwe kenagan ndaganake, ndi, komologwe mbere ndaganake, eereegerak. Ndi, Tamuwen nogo Aliku ALA awooliya wurik me enggaanom paga ake eeke kagak, eebe tawe aret age nagagerak.

1 Tamuwen 2:26

Ndi, wulaga Tamuwen nogo perak, eebe tawe age kagak, Ala inom, aakumi inom, iniki ale'nggen ombako nogogwaarak.

1 Tamuwen 9:6

Yoreegerak kwe, at ayeloman nen ari logonet, “Puk o, nogoba. Aap Ala wone liirogon eeka ambi o kota yime wonage me, at wone yegetak nogo abet mban age kenok, aakumi nen ayuk wuko menggaarak me, at nen, Time kwaarinabi nanip o, yinuk, yo'niraawak nduk, at aa'nduk pekka nawok o.”