1 Tamuwen 28:10 - Ala Wone Peenok Peebi Mbanak

¹⁰ Yoge mbareegi, Tawun nen at yoge logonet, “Kat yi eeke paga, Aaninggin ambi noba arigin mondok lek, abet aret mbarenok nduk, at eenik menggerak Aliku ALA owak o,” yinuk, kumbuk mbaneegerak.

1 Tamuwen 28:10 Iomraidhean Croise

Wakkagagerak 3:5

Eyoonggen ti nunggwi kiinok, at Ala eenu menggerak pogom, maluk-obeelom eeriyak abok aret yelok kogo logomonggotik, kineenu ogwe kiyo nduk, yokkiragaarak o.”

2 Tamuwen 14:11

Yoge mbareegi, kwe nogo nen ari logonet, “It aakumi nen oreeluk warak nogo amee'nggo oreeluk eenik wonage nogo waremenggaarak paga maluk nggwok wigak yukwak, non mbambiyaawak nduk, kat nowe kendagembogut at Aliku kogoba Ala endage kumbunuk yu o.” Yoge mbareegi, at Ndawut nen yoge logonet, “Kaagaluk ti, eeruwak ambiriluk ambi wiirogo nggween yi paga wuppugun lek o, yinuk, at eenik menggerak Aliku ALA endage paga yokkigi o.”

Wundeegwaarak 20:7

Naliku an kinogoba Ala nendage we ugun yuurak ti mage o. Aap ambi nen an nendage we ugun agan nege kenok, Naliku an ALA nen aap ti mondok maluk eeppigin o.

Matiyut 26:72

Yorage mbareegi, at Peterut ambinom ari logonet, “An aap ti, mondok neenggo'lek abet aret yokkigi o,” yinuk, ombo owak mbaneegerak.

Marakut 6:23

yoge nagagerik, “Kat an nano wokkiriyak mbakendak o? O yime an unde minggirak me, Kuli ogoorogo panu o, yo'nege keenok, an nen peenok ogoorogo pagakit o,” yinuk, ombo owak mbaneegerak.

1 Tamuwen 14:39

Yoragagerak nogo kuwak ari wogo mbareegwa, yorage logonet, “Aap ambi maluk eekerak kwaako logonet, kin age kenok, an naput Yonatan aret kwe kagak, kambuwak nduk, warogo pugun aret o, yinuk, Iterali inagap ndaka at Aliku ALA eenik menggerak endage kunogo abet aret yokkiragi o.” Yoragagerak kwe, aap ambit-ambi nen wone onggo ambi yorulik puk aret ogogwaarak.

1 Tamuwen 19:6

Yoge mbareegi, at Tawun nogo aput Yonatan nen wone yoreegerak nogo konengge nagagerik, ari logonet, “At eenik menggerak Aliku ALA endage paga an Ndawut warigin lek o,” yinuk, wone kumbuk mbaneegerak.

1 Tamuwen 28:11

Kumbuk mbangge mbareegi, kwe nogo nen, “Kat kake ta ogoma wiiri?” Ari mbareegi, Tawun nen, “Tamuwen aret neya woraawak nduk, wiiru o.”

1 Tamuwen 28:9

Yoge mbareegi, kwe nogo nen Tawun yoge logonet, “At Tawun nen eekerak nogo kat keenggo'lek a? It aap tili pagangga inom, aakumi inogoma wiiraga inom, lek eerogo piyareegerak nogo keenu aret kwe, pagi ta'na pugume wake menggi kwak, an nooriyak, mba'nuk, nonggop nduk, eeke agandik?”