Eeke nagagerik, aap Yerobeyam nogo inikime mban mbake logonet, “O yogondak yi paga it aakumi yi, o Yerutalem Aliku ALA awi wurik me ake warogo wogori nogo logomenggaarik, it Yekura mendek inowe endagembogut Erekabeyam nogo, Ninowe endagembogut aret logowako, yinuk, an nooppunuk, at ka nogwe iinok, it aakumi an nabu'me piinok wonage minggim yi, Ndawut ombooluk abu'me ari nagun mbaki,”
1 Tamuwen 27:1 - Ala Wone Peenok Peebi Mbanak1 Tawun ame wagagerak wonage kagak, Ndawut iniki koongge logonet, “Ne ambi paga at Tawun nen nenggaawak lek eerogo panigin aret me, Iterali inenggela'me kwaa'nabit nege logonet, pi'nake kero, an mbaganit it Pilitin iname naminggirak ninom wonage neegak, op aret logogin,” mbake nagagerik, Faic an caibideil |
1 Tamuwen 27:1
29 Iomraidhean Croise
yinuk, oreewi inom wone mbambunuk, at Yerobeyam nen mbuti emas paga tapi aagalogwe inogut mbere ogobakkigippunuk, it aakumi Iterali yorage, “Kit Iterali mendek yi wae. Kit o Yerutalem Ala ake alut eeri noorak tu nda aret me, o Metit nen wokkiren wundi wagagerak nogo kinogoba Ala kwak alut eeko logorak yi aret me, kinigen pekkaanip o.”
Ti'nuk, at Yekura mendek inowe endagembogut Amatiya nen at inom wone koongga nogo inom wone mbambunuk, aap Yeku ombooluk Yowakat aput Iterali inowe endagembogut Yokawat nogo yoruwak nduk, wone eerogo nappiige logonet, “Nimbirak ninengga kunna'nuk, wim eeruwok nduk, omok o,” yinuk, wone eerogo nappiyareegerak.
Ti'nuk, at Aliku ALA nen Tamuwen yoge, “At Tawun nogo ti, it aakumi Iterali inowe endagembogut logorak an mbo pigirak neegak, at paga kat kiniki wakkolage keegak, ne mande logomunggun o? Yogondak eyo tayitun amburu togolowa'na toologo wonok, o Mbe'lekem aap endage Itayi wonage me nage logomenggendik, at apuri ambit-ambi Iterali inowe endagembogut logowak nduk, an muk leenogo pigirak me, amburu oba kilippi nak o.”
Yoge mbareegi, at Tamuwen nogo mi'na'nuk, eyo tayitun amburu toolak nogo wagangge nagagerik, oweewi inenggaanom paga at Ndawut nogo anobak paga amburu kilippereegerak. Kilippege mbareegi, ti eyom paga aret at Aliku ALA Aberiniki omaawi Ndawut oba agagerak mondok-mondok wonage kagak, at Tamuwen nogo iyokan o Arama aret wagagerak.
Yoge mbareegi, at Ndawut nen ari logonet, “Kat an niniki kunik wonage nogo kogoba abu eenu aret me, at nen ari logonet, An nen Ndawut eeppuurak mbake nogo Yonatan iniki wakkolookwak, eenu eeppuurak lek, mbake me, kat yokkega'lek kagak, an niyok ambi punuk, Ambi pi, ari paga aret noorigin o, yinuk, Aliku ALA eenu me, kat togon keenu a'nok nduk abet aret yokkigi o.”
Nowe kendagembogut an kayeloman noone yokkege yi, konengge logot o. At Aliku ALA nen aret an nooriyak nduk, wone kinikime pege kenok, at Aliku ALA ake warogo wogoge obari ogobak me nage kenok, iniki yanggok yuwak nduk, warogo wogoru o. Ndi, aakumi nen nooriyak nduk, wone kinikime mambugwi iinok perak, Ala obaane'me kugi eerit nogwe nogo, Kinom aret eerit nage logot o, yinuk, yogwe ti paga at Aliku ALA yate kwak nggween mbanak wo'nireegim nogome nen mugogo wumbanugwi me, Aliku ALA nen it aret pulunogo piyaagin o.
Wogo logonet, aap Pilitin mendek ineegin warak inoweewi nogo nen Akit yogwi, “Aakumi Iberani mendek yi, nonggop nduk kinom wogwe?” Yogo mbareegwa, aap Akit nen it yorage logonet, “Aap Iterali inowe endagembogut Tawun imbirak eeke nagagerak aap Ndawut nogo yi lek a? Aap Ndawut aret kwe, Tawun mbo punuk, neya wagagerak nimbirak wonage kagak, tahun ambi eereegerak kwe, at Tawun mbo punuk, neya wagagerak nen yogondak kuli yi, at maluk ambi eekerak an koolik aret o.”
Sanasan