1 Tamuwen 26:21 - Ala Wone Peenok Peebi Mbanak

²¹ Yoge mbareegi, at Tawun nen ari logonet, “Ai, Ndawut naput o. An eekkabit nege nogo ti, wi negen maluk lombok eekkabit nege abet aret kagi o. Kat oonikiya yi aret nooriyak kwe, Nogoba me, wariyak meek o, nomba'nuk, teppanegendak me, an nen peebi koorigin lek aret me, niname nawok o.”

1 Tamuwen 26:21 Iomraidhean Croise

2 Endagembogut 1:13

Ti eeke mbareegi, ti'nuk, aap endagembogut nogo nen peebi aap ineegin warak inowe ambi awuri 50 inom at Eliya wonage me nippiyareegerak lagi nogo nogogwaarik, aap inowe nogo Eliya owagam endobanggun yindumbunuk, abuwa warak nggo-nggo logonet, at yoge, “Ala wone liirogon eeka yi wae. Kat kayeloman mini nawuri ineebe 50 ninom yi, aakumi aret me, ninoorugun o.

2 Endagembogut 1:14

Kani mbogut paga nen wambi wagaarak paga ineegin warak mbere aago inoweewi inom aa'nduk wagaarak nogo kani nenggaarak kwe, an aakumi aret neenok, nili eerogo panu o.”

Ndawi 116:15

At apuri alik leenak kanggwi enegen iinok, Iniki kundugu lombok me, “Ao,” inombake menggerak o.

Ndawi 72:14

It tebembiirogo logonet maluk eeppiigwi, Inogogumbuk nen inoorit nugwi, Eekwi iinok, “It aakumi ti, iya lombok me,” Yinuk, ineenggime nen ndininake, Eeke logogin o.

Wundeegwaarak 9:27

Ti eeke mbareegi, at Pirawun nen Muta Karun imbirak wiiragagerak wogo mbareegwa, yorage logonet, “An nogo abu maluk eekirak o. At Aliku ALA nogo ti, abu obeelom mban wonage kagak, an napuri ninom perak, maluk aret eekoorak me,

Linggineegwaarak 22:34

Ti yoge mbareegi, at Mbileyam nogo nen Aliku ALA ayonggo malayikat nogo yoge, “An nage neyo, tu non mbambaniyak nduk tu paga mi'ndak wonage nogo an neenggo'lek me, mondok maluk aret eekirak o. Kat nogoba nen an noorak lek nombakendak kenok, ya'nen aret name niyokan naakit o.”

Matiyut 27:4

“Ai. At maluk eerulik kagak, an nen warubagip nduk, onggo mbanggirak me, maluk aret eekirak o.” Yorage mbareegi, it nen, “Wone ti, nit ninoba agaarak mbaken? Ti kat kobaalombok aret o.”

1 Tamuwen 13:13

Yoge mbareegi, at Tamuwen nen at Tawun yoge logonet, “Kat aap wirogon aret eekendak keegi o. At Aliku kogoba Ala nen wone lengganogo yokkegerak nogo aret liirogon ee'netak nen, aakumi Iterali inowe kendagembogut mondok-mondok inarum logonok nduk, koonogo paganetak kwe,

1 Tamuwen 15:24

Yoge mbareegi, at Tawun nogo nen Tamuwen yoge logonet, “An abet aret maluk eekirak o. Aliku ALA nen, Yogop eeru o, yinuk, yo'negerak nogo inom, nogoba kat nen yo'negendak nogo inom, taganogo pege nagarik, an nawuri ineebe paga nagabiti nen inoone yo'negaarak nogo konembunuk, eekirak o.

1 Tamuwen 15:30

Yoge mbareegi, at Tawun nen onggo yoge logonet, “An abet aret maluk eekirak kwe, napuri Iterali mendek inoweewi inenggaanom paga inom, aakumi Iterali abok inenggaanom paga inom, nendage op wonage neyaawak nen, at Aliku kogoba Ala alut eeruwok nduk, nimbirak nawok o, nogoba.”

1 Tamuwen 18:30

Ndi, it Pilitin mendek ineegin warak inoweewi nen wim namburiyak nduk, wundi wogo nagaatik, Iterali inom wim eekwi iigak, at Tawun awuri inom nen we ambitak mban inookwi, ndi, at Ndawut awuri inom perak, ambik lombok inookwi, eeko nogogwaarak paga at Ndawut endage tiyak yereegerak.

1 Tamuwen 24:17

Le ari nagagerik, Tawun nen Ndawut yoge logonet, “Kat nen abu obeelom mban eeppangge keegak, an yi, maluk lombok aret eekkabit nege me, kat abu obeelom aret keegak, an perak, maluk aret kagi o.

1 Tamuwen 26:22

Yoge mbareegi, at Ndawut nen yoge logonet, “Kat kawooluwak wonage yi, wa lagi woraawak nduk, wulaga ambi nappi lagi mok o.

1 Tamuwen 26:24

O yogondak yi paga an nen, Nogoba aret me, yinuk, kat koorulik keenik teppagagirak ndak-ndak, an maluk noba age kero, at Ala nen, Naput aret me, yinuk, nagap ndarogo nili yuwak o,” yoreegerak.

1 Tamuwen 27:4

“At Ndawut mbaganit o Nggat time nagaarak o,” yinuk, Tawun yoreegwaarak mendek, mugurok noolik puk agagerak.