1 Tamuwen 26:10 - Ala Wone Peenok Peebi Mbanak

¹⁰ At anggok a'nuk kambigin ilik? Wim eeke me warugun a? At Aliku ALA nen mban eeppigin, abet aret mbake logonok nduk, at eenik menggerak Aliku ALA endage kumbunuk, yokkigi o.

1 Tamuwen 26:10 Iomraidhean Croise

Wakkagagerak 47:29

At Yakup nogo kambuurak eyom panggo yi wage mbareegi, at aput Yutup nogo wiireegerak wage mbareegi, yoge logonet, “Kat nabuwa nen keenggi an nogo'nep me pi'nake logonet, Nogoba kat kangge keenok, kabuwa nen an abet aret o Metit yime nggween taambagagin lek o.

Ayup 14:14

Aakumi kambunuk ineenik ari wogwe mbaken? Togop ee'netak en An eeke logorak koonak nogo yoboni wage kagak, aaninggin eerogo panege nogo, Lek ariyak nduk tokkage me,

Ayup 14:5

Aakumi ndarak iigak logorak kuli mbanogo piige, Ndi, ineenik ne ndogop logorak koonogo piige, Eereegindak kagak, It nen ya langgok eerogo patiyak meek o.

Ayup 7:1

Aakumi o nggween paga wonogwe nogo ti, Aap wim eerit nogwe, Aap wu kolaawak nduk, Ko'lu-kii'me yabu nggwiirit-nggwaarit eekwi iigak, kambit nogwe, Eeko mengga kwak Aret wonogwe nogo lek a?

Ndawi 37:10

It aap maluk eeko menggaarak nogo ti, Inenggaawak lek ariyak abu panggonak wonage me, It wonogo menggam kwaarinabit namonggotak kwe, Ineebe wonogwe lek aret iyaamunggup o.

Ndawi 37:13

At Aliku ALA nen Aap maluk eeka inenggaawak lek ariyak eyom abu panggoni wage at eenu wonage me, Inagi'ndok kangge menggerak o.

Ndawi 94:23

Kat nen it aap ti, inomaluk onggo ndak-ndak eeppiige, It maluk eekwi paga ineebe lek eerogo piige, Kaliku ninogoba Ala nen ineebe pup eerogo piige, Eerumunggun o.

Wone Alom Kibingga 3:2

Nda'nariyak eyom wonage, kambuurak eyom wonage, Awi yariyak eyom wonage, eebe ndariyak eyom wonage,

Lukat 18:7

Togop ndak-ndak Ala nen at apuri miirinabeegerak nogo inoone ko'lu-kii'me at yogwi iinok, inowak loonogo inawone abe amburu mbanigin lek mbakop? Logonuk negen inawone mbaniyak mbakop?

Oroma 12:19

Noreewi o. Nit ninogoba nen ari logonet, “Aap inane'me wakwi inom, maluk onggo eeppiigwi inom, an nen aret eeppiyaagin o,” yinuk, yereegerak liiru mbanak wonage me, maluk eeppinagagwi onggo eeppiigo logogup o. Ata, Ala anini nen it onggo eeppiyaagin me, mbo piigo logonip o.

Pelaareegerak 31:14

Yorage mbareegi, at Aliku ALA nen Muta wone ambinom yoge logonet, “Kat kambuurak eyom abu aret panggo yegerak me, at Yotuwa eeke logorak yogop-ndogop yorikit nduk, Mok o, yoge logomenggendik, wonok an ninom lambungge minggim nawooliya wurik me time nak o.” Yoge mbareegi, at Muta Yotuwa imbirak Ala inom lambungge menggim awooliya wurik me time nogogwaarak.

Iberani 10:30

“Aap inane'me wakwi inom, maluk onggo eeppiigwi inom, an nen mban aret eeppiige logogin o,” yinuk, ari, ndi, ambi, “Ala nen at apuri inowak loonogo maluk onggo inoba piyaagin o,” yinuk, ari, yereegerak eebe nogo nineenu aret o.

Iberani 9:27

Nit ne mbere paga kambugun lek o. Ne ambit mban kambuurak koonak me, ne ambit kanggwi niinok, Ala nen ninowak loonigin nogo ndak-ndak

Wayu 18:8

At eerit nage menggerak awone amburu mbanogo owak loonigin ninogoba Ala nogo ti, omaawi ambik me, At wogoppatit nege onggo ne ambit liingge aaninggin oba age logonet, mbi abu age, andi nen aagalogwe kambit nogwe iinok, iniki wakkolage, eeke logonet, Le ari kagak, eebe waganogo kani kumbugun o,” yinuk, yo'nege kagarak.

1 Tamuwen 24:12

An maluk a, kat maluk a, at Aliku ALA nen mban ninowak loonigin o. Kat maluk eeppanege menggendak ti, onggo an neenggi paga nen maluk eeppagagin lek o. Ata, Aliku ALA nen aret eeppagage logogin o.

1 Tamuwen 24:15

At Aliku ALA nen ninowak loongge, nawone mbanogo punuk onggo ndak-ndak eeppinanege, naana'le mbangge logonet, kat keenggime nen ndinogo nagap ndake, eeke logowak o,” yinuk, yoreegerak.

1 Tamuwen 25:26

Togop aret me, Maluk eeppagagerak onggo eeppiyaakit, koongge logonet, aakumi inamiya wunabukwak, at Aliku ALA nen non mbambagagaarak me, it kawim inom, it kat nogoba maluk eeppagarak mbakwi nogo inom, at Naban kwak aret logowak o, yinuk, kat keegak, at eenik menggerak Aliku ALA endage kumbunuk yagi o.

1 Tamuwen 25:38

nogo 9 yippunuk, ko'lu at Aliku ALA nen wake mbareegi, aret kambeegerak.

1 Tamuwen 25:39

At Naban kambeegerak nogo Ndawut aruk konengge nagagerik, ari logonet, “At Naban nen miyuk-meya eerogo panege mbaki, warikit nduk, eeke neegak, Aliku ALA nen pi'nake nagaarik, naana'le mbangge logonet, at maluk eeppanegerak nogo onggo iniki nen aret wakkolaawak nduk, eeppegerak me, at Aliku ALA endage tiyappege agarik o,” yereegerak. Ari nagagerik, at Ndawut nogo nen kwe Abigayin kolaakit nduk ayeloman mini yonggo nappiyareegerak.

1 Tamuwen 31:4

Wako mbareegwa, at Tawun nen aap at eegin wonok nega nogo, yoge logonet, “It aakumi inagabolo mbana'lek Pilitin mendek yi nen wogo logomenggaarik, meek eerogo paninuk, nagabolo andi-pandi eerogo nookwi iyo, kat kawooluwak waganogo ndanuk togon noori mok o!” Yoreegerak kwe, at aap at eegin wonok nega nogo, agabiti nen wariyak eebi mbake mbareegi, at Tawun alik nen awooluwak yindumbunuk, at paga ndanunggola wambeegerak.

1 Tamuwen 31:6

At Tawun inom, apuri kenagan inom, awuri wim eeka abok aret inom, at eegin wonok nega nogo inom, ambugwi ne ambit ti eyom paga aret kambeegwaarak.