1 Tamuwen 25:32 - Ala Wone Peenok Peebi Mbanak

³² Yoge mbareegi, Ndawut nen kwe Abigayin nogo yoge logonet, “O yogondak yi paga at Aliku aakumi Iterali inogoba Ala nen kat nimbirak lambuniyak nduk, nappagi wagaarak me, Aliku ALA wa, yogi o.

1 Tamuwen 25:32 Iomraidhean Croise

Wakkagagerak 24:27

Alut eeke logonet, “An nogoba Abarakam ogoba Ala wa! Kat nogoba Abarakam abuwa mbake logonet, iniki mbakerak nogo ndak-ndak aret lik togon eeke keegi o,” ari nagagerik, “An kunduk, Kaliku ALA nen aret nogoba owe-awot wonogwe me a'me lik togon wo'neren wagandak o,” yinuk, tamban eereegerak.

1 Endagembogut 1:48

At Aliku Iterali inogoba Ala nen o ne yogondak yi paga, Endagembogut logonet, wone lengganogo yorage menggim obaane'me mippege neyaawako, yinuk, nombakerak nogo, o yogondak yi paga nobaane'me mippegerak kagarak me, endage tiyappege agarik o, yinuk, yoge kagarak o,” yoreegerak.

1 Endagembogut 8:15

“At Aliku aakumi Iterali inogoba Ala oone lombok paga nen nogoba Ndawut koonogo yoreegerak nogo, at nen aret a'me nggelok togon eerogo pereegerak me, endage tiyappuwok o.

Etara 7:27

Ndi, liiru an Etara nake mbaneegerak nogo woppunuk, pekkage nagarik, “Ala wa,” yinuk, yoge logonet, “Kaliku ALA kawi wurik o Yerutalem wonage nogo obeelom eerogo puwak nduk, aap endagembogut inikime mambege, ndi, kat an nabuwa mba'nuk aap endagembogut inom, inom wone koongga inom, inom eeko menggaarak inendage warak nagawan-nagawan inom, abok aret yeenggwa niruwak nduk, eeppiige, eekendak me, Kaliku ninombomini inogoba Ala kendage tiyappagage agarik o.” Ari nagarik, at Aliku nogoba Ala eenggi nggorek paga nobappanogo wonagagerak me, nogogumbuk a'nuk, aakumi Iterali inenggela'me nen inoweewi ninom woraakit nduk, kuwak eeppiinok, ninom wogogurak ti aret.

Ndawi 106:48

Iterali inogoba Kaliku Ala o. Kat aa'nduk nen nok, yogondak nen, Mondok-mondok aret wonage menggendak me, Kendage tiyappogo logowok o. It aakumi abok aret nen, “Abet aret,” yuwak o. Aliku ALA tiyappogo logowok o.

Ndawi 72:18

Iterali inogoba Aliku Ala alik en Yi eeke ndi eeke abu iya lombok eeke menggerak me, At mondok tiyappugwi,

Wundeegwaarak 18:10

Iniki ale'nggen mbake logonet, “At Aliku ALA nen at Pirawun awuri Metit mendek inom ineenggime nen inagap ndake, ndi, aakumi Iterali it Metit mendek inabu'me tebembiinok wonogogwaarak nogo wondet eerogo piige, eekerak me, Aliku ALA, Wa! yinuk, alut eeki o.

Lukat 1:68

“Nit aakumi Iterali ninogoba Ala nogo niya wage nagagerik, wondet agago pinaneegerak me, alut eeko logowok o.

2 Korindut 8:16

Nit nen kinoba aberak me, yeenggwaagiroorak mbako monggoorak nogo kokwak, aap Titut togop aret yeenggwaagirage logowak nduk, Ala nen iniki koonggerak me, “Ala wa,” yoge minggirak.

Yotuwa 22:33

Yorogo mbareegwa, it aakumi Iterali mendek nen, “Op yaga o,” yinuk, it Uruben mendek inom, Nggat mendek inom, wonogo menggam lek eerogo piyaawok nduk, ninom wim eeruwok, mbareegwaarak nogo, lek eerogo punuk, Aliku ALA alut eereegwaarak.